پیپلزپارٹی ایک بار پھر کراچی کو ڈبونے کے درپے ہے، فوزیہ صدیقی
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)پاکستان تحریک انصاف کراچی کی سیکریٹری اطلاعات اور ترجمان فوزیہ صدیقی نے شہر کی نالہ صفائی کی ناقص صورتحال پر شدید ردعمل کا اظہار کرتے ہوئے کہا ہے کہ محکمہ موسمیات کی جانب سے بارشوں کی پیشگی وارننگ کے باوجود نالوں کی صفائی نہ ہونا سندھ حکومت اور میئر کراچی کی مجرمانہ غفلت ہے۔ گجر نالہ، محمود آباد نالہ اور اورنگی نالہ سمیت پانچ سو سے زائد چھوٹے نالے بدستور گندگی سے اٹے پڑے ہیں، جس کی وجہ سے گٹروں کا پانی سڑکوں پر بہہ رہا ہے اور شہری شدید اذیت میں مبتلا ہیں۔فوزیہ صدیقی نے کہا کہ پیپلزپارٹی ایک بار پھر کراچی کو ڈبونے کے درپے ہے۔ سندھ حکومت اور میئرشپ دونوں پیپلزپارٹی کے پاس ہیں لیکن اس کے باوجود کسی قسم کے عملی اقدامات نہیں کیے جا رہے۔ ہر سال کی طرح اس سال بھی بارش سے پہلے صفائی کا کوئی انتظام نہیں کیا گیا، اور بعد میں یہی کہا جائے گا: “جب زیادہ بارش ہوتی ہے تو زیادہ پانی آتا ہے۔” یہ بیان بازی عوام کی مشکلات کا حل نہیں، اب مؤثر حکمت عملی اور فوری عملی اقدامات کی ضرورت ہے۔انہوں نے کہا کہ کراچی پاکستان کا معاشی انجن ہے، جو سالانہ تین ہزار ارب روپے سے زائد ٹیکس دیتا ہے، لیکن اسے لاوارث چھوڑ دیا گیا ہے۔ نہ نالے صاف کیے جاتے ہیں، نہ پینے کا صاف پانی فراہم کیا جاتا ہے۔ پیپلزپارٹی نے کراچی کو سونے کی چڑیا سمجھ کر صرف لوٹ مار کا ذریعہ بنا رکھا ہے۔فوزیہ صدیقی کا کہنا تھا کہ عوامی مینڈیٹ چوری کر کے کوئی عوامی لیڈر نہیں بن سکتا۔ کراچی کے عوام نے پی ٹی آئی کو منتخب دیا ہے اور ہم ہر فورم پر ان کے مسائل کے حل کے لیے آواز بلند کرتے رہیں گے۔ عوامی مسائل پر کوئی سمجھوتہ نہیں کیا جائے گا، اور اگر نالوں کی صفائی سمیت شہری مسائل حل نہ کیے گئے تو بھرپور عوامی احتجاج کیا جائے گا۔
.
ذریعہ
ذریعہ: Jasarat News
کلیدی لفظ: فوزیہ صدیقی
پڑھیں:
کراچی ایئرپورٹ پر جعلی یو اے ای ورک ویزا فراڈ بے نقاب، مسافر آف لوڈ
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ اسلام ٹائمز۔ ایف آئی اے امیگریشن نے دبئی جانے والے مسافر سید ظل اللہ احسان الزمان کو جعلی یو اے ای ریزیڈنس، ورک ویزا پر سفر کی کوشش کے دوران آف لوڈ کر دیا۔ ترجمان ایف آئی اے کے مطابق دورانِ بورڈنگ عملے کو ٹکٹ کی تفصیلات ایئرلائن سسٹم میں نہ ملنے پر مسافر کو مزید جانچ کیلئے روکا گیا، تفصیلی جانچ کے دوران پیش کردہ یو اے ای ورک ویزا جعلی اور بوگس پایا گیا۔ ابتدائی تحقیقات میں مسافر نے انکشاف کیا کہ اس نے سوشل میڈیا کے ذریعے رابطہ کرنے والے ایجنٹ ملک شہباز اعوان سے بیرون ملک ملازمت کے انتظامات کروائے تھے، مذکورہ ایجنٹ مبینہ طور پر ’’مَلک اوورسیز‘‘ کے نام سے جوہرآباد، خوشاب میں کام کر رہا ہے۔
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ ادائیگیاں مختلف جاز کیش اور بینک اکاؤنٹس میں منتقل کی گئیں۔ مسافر نے مؤقف اختیار کیا کہ اسے ویزا کے جعلی ہونے کا علم نہیں تھا اور وہ خود بھی ویزا فراڈ کا شکار ہوا ہے۔ ترجمان ایف آئی اے کے مطابق مسافر کو تمام متعلقہ دستاویزات سمیت مزید قانونی کارروائی اور تحقیقات کیلئے ایف آئی اے اینٹی ہیومن ٹریفکنگ سرکل کراچی منتقل کر دیا گیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ