محمد عباس اور ایشان کشن کی دوستانہ جھلک نے شائقین کرکٹ کے دل جیت لیے
اشاعت کی تاریخ: 24th, June 2025 GMT
پاکستان کے فاسٹ بولر محمد عباس اور بھارت کے وکٹ کیپر بلے باز ایشان کشن کے درمیان نارتھمپٹن شائر اور یارکشائر کے درمیان کھیلے گئے کاؤنٹی چیمپئن شپ میچ کے دوران ایک خوشگوار لمحہ دیکھنے کو ملا، جسے دونوں ممالک کے شائقین نے بے حد سراہا۔
یہ منظر میچ کے دوسرے دن اس وقت دیکھنے کو ملا جب محمد عباس نے یارکشائر کے اوپنر ایڈم لائتھ کو بغیر کوئی رن بنائے آؤٹ کیا، بائیں ہاتھ کے بلے باز نے عباس کی گیند پر ایج دیا، جسے ایشان کشن نے وکٹوں کے پیچھے خوبصورتی سے کیچ کیا۔
Pakistani bowler Mohammad Abbas and Indian wicket-keeper batter Ishan Kishan were seen celebrating together, hugging and cheering during the English County Championship.
— The Current (@TheCurrentPK) June 24, 2025
اس کے فوراً بعد دونوں کھلاڑیوں نے ہاتھ ملا کر اور گلے لگ کر اپنی کامیابی کا مختصر مگر جذباتی انداز میں جشن منایا، یہ لمحہ کیمرے کی آنکھ میں محفوظ ہو گیا اور سوشل میڈیا پر تیزی سے وائرل ہو گیا۔
ناٹنگھم شائر کے آفیشل سوشل میڈیا اکاؤنٹس نے بھی یہ ویڈیو شیئر کی، جسے سرحد کے دونوں جانب سے کرکٹ شائقین کی جانب سے بے پناہ پذیرائی ملی۔
یہ بھی پڑھیں:
ایک مداح خواجہ نعیم اکبر نے تبصرہ کرتے ہوئے لکھا کہ یہی کاؤنٹی کرکٹ کی اصل خوبصورتی ہے۔ ’میں اس کھیل کو ایسے لمحوں کی وجہ سے پسند کرتا ہوں۔‘
ایک اور صارف نے لکھا کہ عباس اور کشن کو ایک ساتھ کھیلتے دیکھ کر ان کی انفرادی عزت میں اضافہ ہوا، جبکہ دیگر نے اس لمحے کو ’خاص اور خوبصورت‘ قرار دیا۔
بیٹنگ میں بھی ایشان کشن نے اپنی صلاحیتوں کا لوہا منوایا اور ناٹنگھم شائر کی پہلی اننگز میں 98 گیندوں پر 87 رنز کی شاندار اننگز کھیلی، جس میں ایک چھکا اور 12 چوکے شامل تھے۔
مزید پڑھیں:
دوسری جانب محمد عباس نے بھی کفایتی بولنگ کرتے ہوئے 10 اوورز میں صرف 19 رنز دے کر ایک وکٹ حاصل کی، جس میں چار میڈن اوورز شامل تھے۔
یاد رہے کہ کاؤنٹی چیمپئن شپ کے آئندہ میچوں میں مزید پاک-بھارت کھلاڑی ایک ساتھ میدان میں نظر آئیں گے۔ بھارتی بلے باز رتوراج گائیکواڈ جولائی میں یارکشائر سے منسلک ہو رہے ہیں، جبکہ پاکستانی بلے باز عبداللہ شفیق بھی اسی ٹیم سے کھیلنے والے ہیں، جو ویزا مسائل حل ہونے کے بعد ایکشن میں دکھائی دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشان کشن کاؤنٹی چیمپئن شپ کاؤنٹی کرکٹ محمد عباس ناٹنگھم شائر وکٹ کیپر یارکشائرذریعہ: WE News
کلیدی لفظ: ایشان کشن کاؤنٹی چیمپئن شپ کاؤنٹی کرکٹ ناٹنگھم شائر وکٹ کیپر یارکشائر ایشان کشن بلے باز
پڑھیں:
ہانگ کانگ سکسز میں پاکستان کی فاتحانہ شروعات، کویت کو 4 وکٹوں سے شکست
data-id="863a0a8" data-element_type="widget" data-widget_type="theme-post-content.default">
پاکستان نے ہانگ کانگ سکسز ٹورنامنٹ میں شاندار آغاز کرتے ہوئے پہلا میچ کویت کے خلاف 4 وکٹوں سے جیت لیا۔
ٹاس جیت کر پاکستان کے کپتان عباس آفریدی نے پہلے بولنگ کا فیصلہ کیا۔ کویت نے مقررہ 6 اوورز میں 123 رنز بنائے۔ عدنان ادریس 17، بلال طاہر 24 رنز بنا سکے جبکہ میت بھوسر نے 41 اور عثمان پٹیل نے 31 رنز کی ناقابل شکست اننگز کھیلی۔ پاکستان کی جانب سے عباس آفریدی اور معاذ صداقت نے ایک ایک وکٹ حاصل کی۔
ہدف کے تعاقب میں پاکستانی ٹیم نے ایک وکٹ کے نقصان پر میچ اپنے نام کیا۔ کپتان عباس آفریدی نے صرف 12 گیندوں پر 55 رنز کی لاجواب اننگز کھیلی۔ ان کی اننگز میں ایک چوکا اور 8 شاندار چھکے شامل تھے۔ خواجہ نافع 25 اور شاہد عزیز 23 رنز کے ساتھ ناٹ آؤٹ رہے۔ محمد شہزاد 14 رنز بنا کر ریٹائر ہرٹ ہوئے۔
عبداللہ صمد بغیر کوئی رن بنائے پویلین لوٹ گئے جبکہ کویت کی جانب سے ایک وکٹ محمد شفیق نے حاصل کی۔ عباس آفریدی کو شاندار کارکردگی پر میچ کے بہترین کھلاڑی کا اعزاز ملا۔
ایونٹ میں پاکستان اپنا اگلا میچ آج بھارت کے خلاف کھیلے گا جس پر شائقین کرکٹ کی نظریں جم گئی ہیں۔
پارلیمان کے تبادلوں، مقامی خودمختای کے ماڈل سے سیکھنے کا موقع ملے گا: مریم نواز