سندھ ہیلتھ کیئر کمیشن نے کلینکس اور اسپتالوں کی رجسٹریشن کے لیے آن لائن پورٹل متعارف کرا دیا
اشاعت کی تاریخ: 24th, June 2025 GMT
کراچی:
سندھ ہیلتھ کیئر کمیشن نے ڈاکٹروں کے کلینکس اور پرائیویٹ اسپتالوں کی رجسٹریشن اور لائسنس حاصل کرنے کے لیے آن لائن سہولتیں متعارف کرا دیں۔
اس ضمن میں سندھ ہیلتھ کیئر کمیشن نے ورلڈ بینک کی مالی معاونت سے والے کلک ( CLICK ) پروجیکٹ کے تحت سندھ بزنس ون اسٹاپ شاپ (SBOSS) کے ساتھ ایک مفاہمتی یادداشت پر دستخط کیے ہیں جس کے تحت سندھ بھر میں صحت کی دیکھ بھال کے اداروں کی رجسٹریشن اور لائسنسنگ کے عمل کو مکمل طور پر آن لائن کردیا گیا ہے۔
اس حوالے سے ہیتلھ کیئر کمیشن کے چیئرمین ڈاکٹر خالد حسین شیخ نے ایکسپریس ٹریبون کو بتایا کہ اب ڈاکٹروں کے کلینکس اور اسپتالوں کی رجسٹریشن کو آساں بنادیا گیا ہے، کلک کے پروچیکٹ ڈائریکٹر اور ہیلتھ کیئر کمیشن کے تعاون سے مینوئل سے ڈیجیٹل سروسز مہیا کی جائے گی۔
ڈاکٹر احسن قوی صدیقی نے آن لائین پورٹل کے حوالے سے بتایا کہ بورڈ آف کمشنرز نے ہمیں ڈاکٹروں اور اسپتالوں کی رجسٹریشن کو خودکار بنانے کی ذمہ داری سونپی ہے۔ ڈاکٹر احسن صدیقی نے ERP سسٹم کے ذریعے سندھ ہیلتھ کیئر کی وسیع تر ڈیجیٹل تبدیلی کے بارے میں بتایا جو کہ 80 فیصد مکمل ہے۔
ڈاکٹر مرزا علی اظہر نے بتایا کہ ہمارا بنیادی مقصد اسپتالوں اور کلینکس کی رجسٹریشن کو آسان بنانا ہے جبکہ صحت کی دیکھ بھال فراہم کرنے والوں اور ان کے مریضوں کے حقوق کو یقینی بنانا ہے۔
.
ذریعہ
ذریعہ: Express News
کلیدی لفظ: اسپتالوں کی رجسٹریشن ہیلتھ کیئر کمیشن سندھ ہیلتھ کیئر
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی