کراچی: کمسن صارم کے قتل کا معمہ تاحال حل نہ ہو سکا،کئی ماہ گزرنے کے بعد دوبارہ تفتیش کا آغاز
اشاعت کی تاریخ: 25th, June 2025 GMT
نارتھ کراچی میں پانچ ماہ قبل ایک رہائشی اپارٹمنٹ کی پانی کی ٹینکی سے ملنے والی کمسن بچے صارم کی لاش کے معاملے میں اب تک کوئی حتمی پیش رفت نہ ہو سکی، کئی ماہ گزر جانے کے باوجود مقتول کے ورثاء اب بھی انصاف کے منتظر ہیں۔
ذرائع کے مطابق انسداد اغواء برائے قتل (اے وی سی سی) پولیس نے واقعے کی تفتیش ایک بار پھر سے شروع کر دی ہے۔ تازہ پیش رفت کے طور پر پولیس نے مزید چار مشتبہ افراد کے ڈی این اے نمونے حاصل کیے ہیں۔ تفتیشی ٹیم ڈی این اے رپورٹس کے موصول ہونے کا انتظار کر رہی ہے تاکہ قاتل یا اس سے جُڑے شواہد کو بے نقاب کیا جا سکے۔
یہ واقعہ 18 جنوری کو اس وقت منظر عام پر آیا جب نارتھ کراچی میں واقع ایک رہائشی عمارت کی پانی کی ٹینکی سے ننھے صارم کی لاش برآمد ہوئی۔ ابتدائی طور پر پولیس کو شبہ تھا کہ یہ کوئی حادثہ ہو سکتا ہے، تاہم بعد ازاں اس میں قتل کا عنصر سامنے آیا جس پر تفتیش کا دائرہ وسیع کیا گیا۔
متاثرہ خاندان کا کہنا ہے کہ وہ مسلسل انصاف کے لیے دربدر کی ٹھوکریں کھا رہے ہیں، لیکن ابھی تک کسی کو گرفتار نہیں کیا گیا اور نہ ہی کسی نتیجے پر پہنچا جا سکا ہے۔
پولیس حکام کا کہنا ہے کہ کیس کی پیچیدگی کے باعث تفتیش میں وقت لگ رہا ہے، تاہم وہ قاتل کو قانون کے کٹہرے میں لانے کے لیے ہر ممکن کوشش کر رہے ہیں۔
.
ذریعہ
ذریعہ: Express News
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ