موٹروے پولیس اہلکار پر ڈمپر ڈرائیورز کا تشدد، 4 گرفتار
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی (مانیٹرنگ ڈیسک) جی ٹی روڈ باہتر کے قریب ڈمپر ڈرائیورز کی جانب سے موٹروے پولیس اہلکار کو تشدد کا نشانہ بنانے کی وڈیو سامنے آگئی جبکہ 2 ڈمپرز سمیت 4 ڈرائیورز اور ہیلپرز کو گرفتار کرلیا گیا ہے۔ وڈیو میں دیکھا جاسکتا ہے کہ ڈنڈے اور لوہے کی راڈ اٹھائے افراد باوردی پولیس اہلکار کو تشدد کا نشانہ بنارہے ہیں جبکہ پولیس اہلکار منت سماجت کررہا ہے، تنہا پولیس اہلکار نے بھاگ کر دکان میں پناہ لے کر جان بچائی۔ پولیس حکام کے مطابق پولیس عملہ ڈمپرز کے خلاف اوور لوڈنگ مہم میں مصروف تھا کہ 40 کے قریب ڈرائیور اور عملے نے موٹروے پولیس ٹیم سے مزاحمت کی، 15 سے 20 ڈرائیوروں نے پولیس اہلکار کو تشدد کا نشانہ بنایا۔ ڈی ایس پی کی قیادت میں موٹروے پولیس ٹیم نے محبوس اہلکار کو آزاد کروایا، 4 ڈمپر ڈرائیورز کو گرفتار کرکے 2 ڈمپر بھی قبضے میں لے لیے گئے۔ موٹروے پولیس کا کہنا ہے کہ پولیس سے مزاحمت تشدد اور کار سرکار میں مداخلت پر ملوث عناصر کے خلاف قانونی کارروائی بھی کروائی جا رہی ہے۔
.ذریعہ: Jasarat News
کلیدی لفظ: موٹروے پولیس پولیس اہلکار اہلکار کو
پڑھیں:
پڈعیدن ،نواحی علاقوں میں پولیس کا کامیاب کریک ڈائون
data-id="863a0a8" data-element_type="widget" data-widget_type="theme-post-content.default">
پڈعیدن(نمائندہ جسارت) نواحی علاقوں میں پولیس کا کریک ڈاوئون منشیات فروش و دیگر جرائیم پیشہ افراد خلاف کارروائیاں تیز 7 ملزمان گرفتار وسکی شراب،یمبلنگ آرٹیکلز اور مسروقہ موٹر سائیکلیںبرآمد،مقدمات درج۔تفصیلات کے مطابق نوشہرو فیروز سٹی تھانہ کی پولیس نے کارروائی کرکے منشیات فروش کو گرفتار کرلیا۔گرفتار ملزم یاسر شاہ کے قبضے سے 04 بوتلیں وسکی شراب برآمد کرکے منشیات ایکٹ کے تحت مقدمہ درج کیا گیا۔ دوسری جانب نوشہرو فیروز سٹی پولیس نے جوئے کے اڈے پر چھاپا مارکر 6 جواریوں کو گرفتار کرلیا۔گرفتار ملزمان میں حاجی خان رند، ماجد سولنگی، معشوق چاچڑ، ندیم مہر، فیروز مہر اور جمیل سولنگی شامل ہیں۔کنڈیارو تھانہ کی پولیس نے چوری کے دو الگ الگ مقدمات میں گرفتار ملزمان سے برآمد کی گئیں 2 موٹرسائیکلیں مالکان کے حوالے کردیں۔برآمد شدہ مسروقہ موٹر سائیکلز کورٹ کے حکم کے تحت اصلی مالکان محمد جعفر گوپانگ اور عاشق علی گھانگھرو کے حوالے کی گئیں۔
نان کسٹم گاڑی ضبطگی کیس، سپریم کورٹ نے ممبر کسٹم سے تفصیلی جواب طلب کر لیا