موٹروے پولیس اہلکار پر ڈمپر ڈرائیورز کا تشدد، 4 گرفتار
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی (مانیٹرنگ ڈیسک) جی ٹی روڈ باہتر کے قریب ڈمپر ڈرائیورز کی جانب سے موٹروے پولیس اہلکار کو تشدد کا نشانہ بنانے کی وڈیو سامنے آگئی جبکہ 2 ڈمپرز سمیت 4 ڈرائیورز اور ہیلپرز کو گرفتار کرلیا گیا ہے۔ وڈیو میں دیکھا جاسکتا ہے کہ ڈنڈے اور لوہے کی راڈ اٹھائے افراد باوردی پولیس اہلکار کو تشدد کا نشانہ بنارہے ہیں جبکہ پولیس اہلکار منت سماجت کررہا ہے، تنہا پولیس اہلکار نے بھاگ کر دکان میں پناہ لے کر جان بچائی۔ پولیس حکام کے مطابق پولیس عملہ ڈمپرز کے خلاف اوور لوڈنگ مہم میں مصروف تھا کہ 40 کے قریب ڈرائیور اور عملے نے موٹروے پولیس ٹیم سے مزاحمت کی، 15 سے 20 ڈرائیوروں نے پولیس اہلکار کو تشدد کا نشانہ بنایا۔ ڈی ایس پی کی قیادت میں موٹروے پولیس ٹیم نے محبوس اہلکار کو آزاد کروایا، 4 ڈمپر ڈرائیورز کو گرفتار کرکے 2 ڈمپر بھی قبضے میں لے لیے گئے۔ موٹروے پولیس کا کہنا ہے کہ پولیس سے مزاحمت تشدد اور کار سرکار میں مداخلت پر ملوث عناصر کے خلاف قانونی کارروائی بھی کروائی جا رہی ہے۔
.ذریعہ: Jasarat News
کلیدی لفظ: موٹروے پولیس پولیس اہلکار اہلکار کو
پڑھیں:
سنی اتحاد کونسل کے سربراہ صاحبزادہ حامد رضا کو اسلام آباد سے گرفتار کرلیا گیا
data-id="863a0a8" data-element_type="widget" data-widget_type="theme-post-content.default">
اسلام آباد: سنی اتحاد کونسل کے چیئرمین اور رکن قومی اسمبلی صاحبزادہ حامد رضا کو پولیس نے وفاقی دارالحکومت سے گرفتار کرلیا۔
نجی ٹی وی کی رپورٹ کے مطابق پی ٹی آئی رہنما شیخ وقاص اکرم نے کہا ہے کہ صاحبزادہ حامد رضا پشاور سے فیصل آباد کی جانب سفر کر رہے تھے کہ راستے میں اسلام آباد پولیس نے ان کی گاڑی کو روکا اور انہیں حراست میں لے لیا۔
دوسری جانب سنی اتحاد کونسل کے قائم مقام چیئرمین صاحبزادہ حسن رضا نے بھی تصدیق کرتے ہوئے کہا ہے کہ صاحبزادہ حامد رضا کو گرفتار کرلیا گیا ہے، تاہم اسلام آباد پولیس کی جانب سے تاحال اس گرفتاری کی باقاعدہ طور پر تصدیق نہیں کی گئی ہے۔
ذرائع کے حوالے سے رپورٹ میں مزید بتایا گیا ہے کہ ہو سکتا ہے صاحبزادہ حامد رضا کو گرفتار کرکے فیصل آباد پولیس کے حوالے کردیا گیا ہے
یاد رہے کہ گزشتہ روز انسداد دہشت گردی کی عدالت نے 26 نومبر کے جلاؤ گھیراؤ کیس میں وزیراعلیٰ خیبر پختونخوا سہیل آفریدی اور پی ٹی آئی کے صوبائی صدر جنید اکبر کے وارنٹ گرفتاری جاری کیے تھے۔ پولیس نے ان دونوں رہنماؤں کی گرفتاری کے لیے اسلام آباد میں خیبر پختونخوا ہاؤس پر چھاپا بھی مارا تھا، تاہم وزیراعلیٰ وہاں موجود نہیں تھے۔
سٹاک مارکیٹ میں زبردست تیزی، ایک لاکھ 63 ہزار پوائنٹس کی حد دوبارہ بحال