پاکستان بنگلادیش ٹی 20 سیریز کا شیڈول جاری کردیا گیا
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور: بنگلا دیش کرکٹ بورڈ نے پاکستان کے خلاف تین ٹی 20 بین الاقوامی میچوں پر مشتمل سیریز کے شیڈول کا باضابطہ اعلان کر دیا۔
پاکستان کرکٹ بورڈ کی جانب سے جاری اعلامیے میں بتایا گیا ہے کہ سیریز کے تمام مقابلے شیرِ بنگلہ نیشنل کرکٹ اسٹیڈیم، ڈھاکہ میں کھیلے جائیں گے، پاکستان کرکٹ ٹیم آئندہ ماہ بنگلادیش کے خلاف تین میچز پر مشتمل ٹی20 سیریز کے لیے 16 جولائی کو ڈھاکہ روانہ ہوگی۔
پہلا میچ 20 جولائی، دوسرا 22 جولائی اور تیسرا و آخری ٹی20 میچ 24 جولائی کو شیڈول کیا گیا ہے۔ تینوں میچز پاکستانی وقت کے مطابق شام 5 بجے (بنگلادیشی وقت کے مطابق شام 6 بجے) شروع ہوں گے۔
یاد رہے کہ حالیہ دنوں پاکستان اور بنگلادیش کی ٹیمیں لاہور کے قذافی اسٹیڈیم میں تین میچوں پر مشتمل ٹی20 سیریز میں آمنے سامنے آچکی ہیں، جہاں قومی ٹیم نے شاندار کھیل کا مظاہرہ کرتے ہوئے بنگلادیش کو کلین سوئپ کیا تھا۔
ادھر ویسٹ انڈیز کے خلاف متوقع سیریز سے متعلق بھی خبریں گرم ہیں، پاکستان کرکٹ بورڈ اور کرکٹ ویسٹ انڈیز کے درمیان ون ڈے سیریز کو ٹی20 فارمیٹ میں تبدیل کرنے پر غور جاری ہے۔ مجوزہ شیڈول کے مطابق پاکستان اور ویسٹ انڈیز کے درمیان تین ٹی20 میچز امریکا میں جبکہ تین ون ڈے میچز ویسٹ انڈیز کی سرزمین پر کھیلے جانے ہیں۔
ذرائع کا کہنا ہے کہ پاکستان کرکٹ بورڈ نے آنے والے ٹی20 ورلڈکپ اور ایشیاکپ کو پیشِ نظر رکھتے ہوئے اپنی حکمتِ عملی میں تبدیلی کی ہے اور اب فوکس مکمل طور پر مختصر فارمیٹ پر مرکوز ہے تاکہ بڑی ایونٹس سے قبل بھرپور تیاری ممکن بنائی جا سکے۔
.
ذریعہ
ذریعہ: Jasarat News
کلیدی لفظ: پاکستان کرکٹ ویسٹ انڈیز کرکٹ بورڈ
پڑھیں:
ویمنز ٹی20 رینکنگ؛ پاکستانی اسپنر سعدیہ اقبال بڑے اعزاز سے محروم
دبئی:آئی سی سی ویمنز ٹی 20 ورلڈ کپ 2026 کے آغاز سے چند روز قبل جاری ہونے والی ٹی 20 ویمنز انٹرنیشنل رینکنگ میں انگلش اسپنر لنزے اسمتھ دنیا کی نئی نمبرون بولر بن گئیں۔
انہوں نے پاکستان کی سعدیہ اقبال سے ٹاپ پوزیشن چھین لی، 31 سالہ لنزے اسمتھ نے نیوزی لینڈ اور بھارت کے خلاف شاندار کارکردگی کی بدولت ایک درجہ ترقی پائی۔
اسمتھ نے 2018 میں بین الاقوامی کیریئر کا آغاز کیا تھا تاہم تقریباً 5 سال ملکی ٹیم سے دور رہنے کے بعد 2024 کے آخر میں انگلینڈ کی مستقل ٹی 20 رکن بنیں۔
نیوزی لینڈ کے خلاف پلیئر آف دی سیریز ایوارڈ جیتنے اور بھارت کے خلاف برسٹل میں منعقدہ دوسرے ٹی 20 میں عمدہ بولنگ نے انھیں کیریئر کی بہترین پوزیشن پر فائز کر دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ