پاک بنگلادیش ٹی20 سیریز کے شیڈول کا اعلان ہوگیا
اشاعت کی تاریخ: 25th, June 2025 GMT
بنگلادیش کیخلاف 3 ٹی20 انٹرنیشنل میچز کی سیریز کے شیڈول کا اعلان کردیا گیا۔
بورڈ کی جانب سے جاری کردہ اعلامیے میں کہا گیا ہے کہ پاکستان کرکٹ ٹیم بنگلادیش کیخلاف سیریز کھیلنے 16 جولائی کو روانہ ہوگی۔
پاک بنگلادیش سیریز کا پہلا میچ 20 جولائی کو ڈھاکہ کے شیر بنگلہ نیشنل کرکٹ اسٹیڈیم میں کھیلا جائے گا، دوسرا میچ 22 اور سیریز کا تیسرا اور آخری میچ 24 جولائی کو ڈھاکا میں ہی شیڈول ہوگا۔
مزید پڑھیں: پاک بنگلادیش ٹی20 سیریز؛ شیڈول کا اعلان اگلے ہفتے ہونے کا امکان
تینوں میچز بنگلادیش کے وقت کے مطابق شام 6 بجے (پاکستانی وقت کے مطابق شام 5 بجے) شروع ہوں گے۔
دونوں ٹیموں نے حال ہی میں لاہور کے قذافی اسٹیڈیم میں 3 میچوں کی ٹی20 سیریز میں مدمقابل آئیں تھی جہاں گرین شرٹس نے کلین سوئپ کیا تھا۔
مزید پڑھیں: نسیم، عامر اور علی رضا دورہ بنگلادیش اور ویسٹ انڈیز سے نظر انداز، مگر کیوں؟
قبل ازیں خبریں سامنے آئیں تھی کہ پاکستان اور ویسٹ انڈیز بورڈز میں سیریز کے معاملات کو طے کرنے کیلئے بات چیت جاری ہے، پی سی بی نے کرکٹ ویسٹ انڈیز کو ون ڈے میچز کی سیریز ٹی20 میں تبدیل کرنے کی تجویز پیش کررکھی ہے۔پاکستان اور ویسٹ انڈیز کے درمیان شیڈولڈ سیریز میں 3 ٹی20 امریکا جبکہ 3 ون ڈے میچز ویسٹ انڈیز میں کھیلے جانے ہیں۔
رپورٹ میں کہا گیا ہے کہ پاکستان کرکٹ بورڈ (پی سی بی) ٹی20 ورلڈکپ اور ایشیاکپ کے باعث ون ڈے کے بجائے اپنا فوکس ٹی20 فارمیٹ تک محدود رکھنا چاہتا ہے۔
ذریعہ: Express News
کلیدی لفظ: ویسٹ انڈیز
پڑھیں:
ایف آئی ایچ پرو لیگ کا شیڈول جاری، پاکستان اور بھارت کا ٹاکرا ہوگا؟
انٹرنیشنل ہاکی فیڈریشن (FIH) نے پرو لیگ کے نئے سیزن کا باضابطہ شیڈول جاری کردیا ہے، جس میں روایتی حریف پاکستان اور بھارت کے درمیان ہائی وولٹیج مقابلہ جون 2026 میں لندن میں ہوگا۔
پاکستان نے یہ موقع اس وقت حاصل کیا جب 2024-25 نیشنز کپ کی فاتح نیوزی لینڈ نے پرو لیگ کھیلنے سے معذرت کرلی۔ ایونٹ کے رنر اپ پاکستان کو فیڈریشن کی جانب سے دعوت دی گئی، جسے حکومت کی مالی معاونت کے بعد قبول کر لیا گیا۔
یہ بھی پڑھیں: حکومت نے پاکستان ہاکی ٹیم کے لیے 25 کروڑ روپے کی گرانٹ منظور کرلی
ایف آئی ایچ نے اپنے بیان میں کہا کہ گرین شرٹ نے آئندہ سیزن کی ایف آئی ایچ ہاکی پرو لیگ میں شرکت کی دعوت قبول کرلی ہے۔
پرو لیگ کے 7ویں ایڈیشن میں مجموعی طور پر 9 ٹیمیں شامل ہوں گی جن میں ارجنٹائن، آسٹریلیا، بیلجیئم، انگلینڈ، جرمنی، بھارت، نیدرلینڈز، اسپین اور پاکستان شامل ہیں۔ گزشتہ سیزن میں آخری نمبر پر آنے والی آئرلینڈ کی ٹیم ایونٹ سے باہر ہوگئی ہے۔
پاکستان اپنا سفر دسمبر 2025 میں ارجنٹائن کے شہر روزاریو سے شروع کرے گا، جہاں 10 دسمبر کو نیدرلینڈز کے خلاف پہلا میچ کھیلے گا۔ گرین شرٹس مجموعی طور پر 16 میچز کھیلیں گے جنہیں چار انٹرنیشنل لیگز میں تقسیم کیا گیا ہے۔
یہ بھی پڑھیں: پاکستان ہاکی ٹیم کی جانب سے ملائیشیا میں ہوٹل بلز کی عدم ادائیگی کا انکشاف
یورپی مرحلے میں پاکستان بیلجیئم اور اسپین کے خلاف واورے میں میدان میں اترے گا جبکہ سب سے بڑا مقابلہ 23 اور 26 جون 2026 کو لندن میں بھارت کے خلاف ہوگا۔ اس کے علاوہ پاکستان انگلینڈ سے بھی 2 میچز کھیلے گا۔
پاکستان کا شیڈولدسمبر 2025 – روزاریو، ارجنٹائن
10 دسمبر: نیدرلینڈز بمقابلہ پاکستان (03:00)
12 دسمبر: ارجنٹائن بمقابلہ پاکستان (03:00)
13 دسمبر: پاکستان بمقابلہ نیدرلینڈز (03:00)
15 دسمبر: ارجنٹائن بمقابلہ پاکستان (03:00)
فروری 2026 – ہوبارٹ، آسٹریلیا10 فروری: آسٹریلیا بمقابلہ پاکستان (11:00)
11 فروری: پاکستان بمقابلہ جرمنی (13:30)
13 فروری: آسٹریلیا بمقابلہ پاکستان (11:00)
14 فروری: جرمنی بمقابلہ پاکستان (10:00)
جون 2026 – واورے، بیلجیئم13 جون: بیلجیئم بمقابلہ پاکستان (18:30)
14 جون: پاکستان بمقابلہ اسپین (18:30)
19 جون: بیلجیئم بمقابلہ پاکستان (00:00)
20 جون: اسپین بمقابلہ پاکستان (18:30)
جون 2026 – لندن، برطانیہ23 جون: پاکستان بمقابلہ بھارت (18:30)
24 جون: انگلینڈ بمقابلہ پاکستان (17:30)
26 جون: بھارت بمقابلہ پاکستان (22:00)
27 جون: انگلینڈ بمقابلہ پاکستان (20:00)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارجنٹائن آسٹریلیا انٹرنیشنل ہاکی فیڈریشن انگلینڈ بھارت پاکستان شیڈول
پاکستان اور بھارت آج ایک اور کھیل کے میدان میں آمنے سامنے آئیں گے