ہانیہ بہت پروفیشنل ہیں ان کیساتھ فلم کا تجربہ اچھا رہا، دلجیت دوسانجھ
اشاعت کی تاریخ: 26th, June 2025 GMT
بھارتی پنجابی اداکار اور گوکار دلجیت دوسانجھ نے پاکستانی اداکارہ ہانیہ عامر کیساتھ فلم کے تجربے کو بہترین قرار دے دیا۔
ایک حالیہ انٹرویو میں دلجیت دوسانجھ نے کہا کہ ہانیہ بہت پروفیشنل ہیں اپنے کام میں اور ان کیساتھ فلم کرنا ایک اچھا تجربہ ثابت ہوا تاہم فلم کی شوٹنگ کے دوران مصروفیات کے باعث ان کیساتھ زیادہ وقت نہیں گزار سکے۔
پنجابی گلوکار کا کہنا تھا کہ وہ کام کے وقت اپنے ساتھی اداکاروں کی پرائیویسی کا بےحد خیال رکھتے ہیں اور خاص طور پر خواتین کا اس لئے وہ کسی کے ساتھ زیادہ وقت نہیں گزارتے کیونکہ وہ خود بھی پرائیویسی رکھنا پسند کرتے ہیں۔
https://www.
بھارت میں اپنی فلم ’سردار جی 3‘ ریلیز نہ کرنے پر دلجیت دوسانجھ کا کہنا تھا کہ اس فلم پر پروڈیوسرز کے بہت پیسے لگے ہیں اور وہ بھارت میں ریلیز نہ کرنے کی وجہ سے پہلے ہی نقصان اُٹھا رہے ہیں اس لئے اگر وہ اسے اوور سیز ریلیز کرنا چاہتے ہیں تو میں ان کے ساتھ ہوں‘۔
دلجیت دوسانجھ کے اس انٹرویو کی کلپس سوشل میڈیا پر گردش کر رہی ہیں جس پر انہیں انتہا پسند بھارتی فنکاروں سمیت عوام کی جانب سے تنقید کا سامنا کرنا پڑ رہا ہے۔
یاد رہے کہ دلجیت دوسانجھ اور ہانیہ عامر کی فلم ’سردار جی 3‘ 27 جون کو دنیا بھر کے مختلف ممالک میں ریلیز ہورہی ہے تاہم اسے بھارت میں ریلیز نہیں کیا جارہا۔
https://www.instagram.com/reel/DLSyjvNNj_g/?utm_source=ig_web_copy_linkigsh=MzRlODBiNWFlZA==
TagsShowbiz News Urdu
ذریعہ: Al Qamar Online
کلیدی لفظ: دلجیت دوسانجھ
پڑھیں:
یقیں نہ کرنا، بہت اندھیرا ہے
data-id="863a0a8" data-element_type="widget" data-widget_type="theme-post-content.default">
250924-03-7
باباالف
زمانہ اور اس کے روزو شب بدل رہے ہیں۔ بالکل بدل جانے کے قریب پہنچ رہے ہیں۔ پرانی دنیا اختتام پذیر ہورہی ہے۔ مغربی نظریات، تصورات، احساسات اور کوششیںسند باد کے بحری اسفار کی طرح پیچھے رہ گئی ہیں۔ جنات، حسین دوشیزائیں، دیو قامت مغربی جنگی پرندے اور نظام، ایک دروازہ تھا جو بتدریج بند ہورہا ہے۔ یہ ایک ایسا سفر تھا جس میں لاکھ آوارہ گردی رہی لیکن واپس اپنے ماضی کی طرف ہی آنا ہے۔ خلافت راشدہ کے اسلامی نظام کی طرف۔
پاک سعودی معاہدے کے پیدا کردہ جوش وخروش میں ابھی تک یہ علم نہیں کہ یہ باقاعدہ پیکٹ ہے یا پھر عام معاہدہ یا اگریمنٹ۔ بجا طور پرایک سرخوشی اور نشاط کا عالم ہے۔ سعودی بھائی اور ہم یک جان دو قالب تو ابتدا سے رہے ہیں اب شہر کے چھٹے ہوئے غنڈوں اور مسٹنڈوں کے خلاف بھی معاہدے کی ڈوری میں بندھ گئے ہیں۔
ہمارے وزیرخارجہ خواجہ آصف تو اس مرحلے پر پہنچ گئے ہیں کہ اس معاہدے میں دوسرے ممالک بھی شامل ہوسکتے ہیں۔ اشارہ اس طرف تھا کہ خلیج کے دیگر ممالک کو بھی نیو کلیئر شیلڈ یا کور فراہم کیا جاسکتا ہے۔ ایٹمی پھیلائو (Nuclear proliferation) کی حدود وقیود سے یہی وہ تجاوز ہے مغربی اور بھارتی میڈیا نے ابھی سے جس کا طبلہ سارنگی بجانا شروع کردیا ہے۔ ہمارے یہاں خراب وخوار ہونے کی ایک دورخی ریت چلی آرہی ہے کہ مخاطب اپنے مسلمان بھائی ہوں تو اسلامی جذباتیت کا ایٹم بم ہمراہ ہوتا ہے اور اگر خطاب رائٹرز (Reuters) سے ہوتو مسلم وابستگی کا ہیجان زنگ آلود اور نیم جان ہوکر انکار میں بدل جاتا ہے۔
اس معاملے میں ابہام ہے کہ اگر ہم سعودیہ کو نیو کلیئر چھتری مہیا نہیں کررہے ہیں تو پھر وہ کیا ہے جس کی سعودیہ کو کمی ہے۔ معاملہ بس اتنا تو نہیں ہے کہ عربوں کو ہماری ضرورت ہے اور ہمیں ’’اربوں‘‘ کی۔ یا پھر یہ کہ امریکا اپنی دفاعی چھتری کی بہت زیادہ قیمت وصول کرنا چاہتا تھاجب کہ پاکستان سے یہ سستے داموں مل گئی ہے۔ معاہدے کے ضمن میں امریکا سعودی عرب اور دیگر خلیجی ممالک کے تعلقات میں پڑنے والی گرہیں بھی پیٹ پھاڑ کر کلیجہ چبانے تک آگئی ہیں کہ قطر پر اسرائیل کے حملے کے بعد عرب ممالک کو امریکا پر بھروسا نہیں رہا۔ بیوگی کی چادر عرب بھائیوں سے امریکا تک تن گئی ہے۔ حالانکہ ایسا کچھ بھی نہیں ہے۔ سعودی عرب اور امریکا کے جاپان امریکا طرز کے دفاعی معاہدے میں ’’نکی جئی نا‘‘ حائل ہوگئی ہے اور بس۔
امریکا ہمیں جو دے ہے نہیں لیتے ہم
کونین بھی گو دے ہے، نہیں لیتے ہم
ہم لیتے ہیں جس ڈھب سے نہیں دیتا وہ
جس ڈھب سے کہ وہ دے ہے نہیں لیتے ہم
پاکستان اور سعودی عرب کے درمیان دفاعی معاہدے کا میلہ اور بازار پہلی مرتبہ نہیں لگا۔ یہ سلسلہ 1967 سے شروع ہوا۔ 1979 میں مسجد الحرام پر قبضے کے بعد محبت میں اضافہ مزید گہرا ہوا جب پاکستانی اسپیشل فورسز نے سعودی فوجیوں کو مسجد الحرام پر دوبارہ قبضہ کرنے میں مدد دی۔ 1982 میں سیکورٹی تعاون کے معاہدے کے ذریعے سعودی فوجیوں کو پاکستانی تربیت، مشاورت اور معاونت سعودی سرزمین پردی جانے لگی جس میں بعض اوقات 20 ہزار پاکستانی فوجی سعودی عرب میں تعینات رہے۔
دسمبر 2015 میں ’’اسلامی ملٹری کائونٹر ٹیررازم کو لیشن IMCTC‘‘ وجود میں آیا جو 43 اسلامی ممالک کے درمیان دہشت گردی کی بے چہرہ امریکی جنگ میں شرکت کا اتحاد تھا۔ 6 جنوری 2017 کو اس اتحاد کو بوسہ دینے کے لیے پاکستان نے سابق آرمی چیف جنرل راحیل شریف کو اس فورس کے پہلے کمانڈر جنرل کے عہدے کے لیے سعودی عرب کو بطور تحفہ دے دیا گیا۔ آج بھی وہی اس فورس کی کمان کررہے ہیں۔ یہ فورس آج کہاں ہے؟ سعودی فرمانروائوں کے کن محلات کی حفاظت کررہی ہے؟ کچھ پتا نہیں۔ اگر یہ اسلامی دنیا کا اتحاد اور مسلم ناٹو تھا تو غزہ میں مداخلت کیوں نہیں کررہا ہے جہاں ناپاک صہیونی وجود بنام اسرائیل ہر مسلمان مردو عورت کو شہید اور ہر عمارت کو تباہ کررہا ہے۔ کیا صرف سعودیوں اور پاکستانیوں کے خون کی حرمت کعبہ کی حرمت سے سوا ہے؟ اہل غزہ کے خون، جان اور مال کی کوئی حرمت نہیں؟ سوال یہ بھی ہے کہ اتنے بڑے اتحاد کی موجودگی میں نیا اتحاد تشکیل دینے کی ضرورت ہی کیا تھی؟ کیا اس لیے کہ وہ ایک سنی اتحاد تھا۔
پاکستان اور سعودی عرب کا ہی سنگم نہیں ہوا ہے آج کل ترکی اور مصر کا اتحاد بھی بغیر کسی اعلان کے جاری ہے جن کے درمیان 2016 کے بعد خاصے اختلافات رہے ہیں۔ دونوں ممالک کے درمیان آج کل فوجی مشقیں ہورہی ہیں۔ اس کی وجہ بھی قطر کے ساتھ ساتھ دیگر سات اسلامی ممالک پر اسرائیل کے حملے قراردیے جارہے ہیں۔ حقیقی صورتحال یہ ہے کہ مصر کا فرعون جنرل سیسی بھی امریکی ڈارلنگ ہے جس کو سالانہ ایک سے دو ارب ڈالر امریکی امداد ملتی ہے، آئی ایم ایف کے قرضے بھی ملتے ہیں صرف اس ایک شرط پر امریکا کے سامنے سرتسلیم ہی نہیں پورے کا پورا سربسجدہ رہنا ہے۔ اسرائیل بھی امریکا کا بغل بچہ ہے اور ترکی کے صدر طیب اردوان بھی امریکا کی گڈ بک میں ہیں۔ تینوں کی امریکا کے ساتھ اسٹرٹیجک پارٹنر شپ ہے۔ پاک سعودی اتحاد ہو یا ترک مصر اتحاد ان ممالک کی حکمران اشرافیہ اپنے اپنے فائدے کے لیے نئے اتحاد تشکیل دے رہی ہے۔ اور یہ سب کچھ ہورہا امریکا کی رضا اور مرضی سے۔ امریکا چاہتا ہے کہ خطے کے بڑے ممالک آپس میں خوشگوار تعلقات رکھیں۔ ان کے درمیان اعتماد اور ہم آہنگی ہوحالانکہ ان کے درمیان مکمل ہم آہنگی نہیں ہے مگر امریکا کے سب قابل قدر شراکت دار ہیں تاکہ امریکا ایران، روس اور چین پر اپنی پوری توجہ مرکوز رکھے۔
تمام اسلامی ممالک خصوصاً عرب ممالک کے عوام میں بے چینی اور اضطراب میں اضافہ ہورہا ہے جو اپنے حکمرانوں سے شدید نا خوش ہیں خصوصاً امریکا اور اسرائیل کے حوالے سے۔ ان اتحادوں سے حکمران عوام کو یہ تاثر دینا چاہتے ہیں کہ وہ امریکا سے دور ہورہے ہیں اور امریکا اور اسرائیل کے خلاف باہم متحد ہورہے ہیں۔ یہ اتحاد عوام کو ٹھنڈا اور خوش کرنے کے لیے ہیں۔ عوام کی فلاح وبہبود کا اس سے کوئی تعلق نہیں سوائے اس کے کہ عوام کو خوش کن ترانے سننے کو مل جاتے ہیں۔ اسرائیل کے خلاف ان مسلم حکمرانوں کی کوئی شخصیت ہے اور نہ یہ اسرائیل سے نفرت کرتے ہیں۔ اگر اسرائیل سے اتنی ہی نفرت ہے تو قطر پر حملے کے فوری بعد امارات اور تل ابیب کے درمیان فلائٹس پر پابندی کیوں نہیں لگائی گئی۔ سفارتی تعلقات کیوں منقطع نہیں کیے گئے۔ آج بھی ائر دبئی کی روزانہ تین مرتبہ فلائٹس اسرائیل جاتی ہیں۔ مسلم حکمرانوں کے نزدیک عوام کی کوئی حیثیت نہیں ہے۔ ایسے معاہدوں سے ان حکمرانوں کی مدت اقتدار طویل ہوجاتی ہے، پاکستان جیسے ملک کے حکمرانوں کو عیاشیوں اور اللے تللوں کے لیے وافر ڈالرز مل جاتے ہیں۔ رہے عوام اور ملک وہ وہیں کے وہیں رہتے ہیں۔ مسلم ممالک کے عوام اسلام کا نظام چاہتے ہیں۔ آج بھی ان کے خوابوں، خیالوں اور نظریات میں خلافت راشدہ کے نظام کے سوا کچھ نہیں۔ آخر میں کالم کی ابتدائی سطریں دوباہ پڑھ لیجیے۔
ٹرمپ نے امریکی بزنس ویزے کی فیس بڑھا دی، بھارتی کمپنیوں کے اسٹاک گر گئے