الخدمت آرفن کے تحت سیرت النبی ؐ پر تقریری مقابلہ، انعامات تقسیم
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(پ ر) الخدمت آرفن کیئر پروگرام کے زیر اہتمام ہیڈ آفس کراچی میں ”سیرت النبیؐ ” کے موضوع پر ایک تقریری مقابلے کا انعقاد کیا گیا۔ اس مقابلے میں الخدمت آرفن کیئر پروگرام کے کراچی بھر کے کلسٹرز سے تعلق رکھنے والے ہونہار بچوں نے شرکت کی جو اس سے قبل ریجنل سطح کے مقابلے میں نمایاں کارکردگی کا مظاہرہ کر چکے تھے۔ اس موقع پر منیجرالخدمت آرفن کیئر پروگرام شہزاد خلیل ودیگر ذمہ داران موجود تھے۔تقریب کی صدارت ڈائریکٹر آرفن کیئر پروگرام یوسف محی الدین نے کی جبکہ شعبہ اطفال کے انچارج فصیح الدین اللہ حسینی نے بچوں کو فنِ تقریر پر ایک جامع اور مفید لیکچر دیا۔تقریب سے خطاب کر تے ہوئے ڈائریکٹر الخدمت آرفن کیئر پروگرام یوسف محی الدین نے اس موقع پر خطاب کرتے ہوئے کہاکہ ”یہ بچے ہمارا قیمتی سرمایہ ہیں، ان کی اخلاقی، تعلیمی اور فکری تربیت ہماری اولین ترجیح ہے۔ سیرت النبیؐ کے پیغام کو سمجھنا اور اسے اپنی زندگی کا حصہ بنانا کامیاب زندگی کی ضمانت ہے۔ ایسے پروگرامز کے ذریعے ہم بچوں کو نہ صرف اعتماد فراہم کرتے ہیں بلکہ ان کے اندر موجود قائدانہ صلاحیتوں کو بھی اجاگر کرتے ہیں۔”انہوں نے مزید کہا کہ الخدمت آرفن کیئر پروگرام بچوں کی ہمہ جہت ترقی کے لیے بھرپور مواقع فراہم کرتا رہے گا تاکہ یہ بچے معاشرے کے مفید اور باکردار شہری بن سکیں۔ تقریب کے اختتام پر پوزیشن حاصل کرنے والے بچوں میں انعامات تقسیم کیے گئے۔
.
ذریعہ: Jasarat News
کلیدی لفظ: الخدمت ا رفن کیئر پروگرام
پڑھیں:
الخدمت فائونڈیشن کی جانب سے مظلوم فلسطینی مسلمانوں کے لیے 100 ٹن امدادی سامان مصر روانہ
لاہور ایئرپورٹ سے مصر روانہ کیے گئے 100 ٹن امدادی سامان میں 5000 بے گھر فلسطینی خاندانوں اور بچوں کے لیے پورے مہینے کے لیے کھانے پینے کا سامان موجود ہے۔ امدادی سامان میں راشن پیکس، پکاپکایا کھانا، کوکنگ آئل، آٹا، چاول، ڈبہ بند فروٹ سمیت دیگر اشیائے خوردونوش شامل ہیں۔ اسلام ٹائمز۔ الخدمت فائونڈیشن پاکستان کی جانب سے مظلوم فلسطینی خاندانوں کے لیے100 ٹن امدادی سامان کی 34ویں کھیپ نجی کارگو ایئرلائن کے ذریعے لاہور سے مصر روانہ کر دی گئی، لاہور ایئرپورٹ سے مصر روانہ کیے گئے 100 ٹن امدادی سامان میں 5000 بے گھر فلسطینی خاندانوں اور بچوں کے لیے پورے مہینے کے لیے کھانے پینے کا سامان موجود ہے۔ امدادی سامان میں راشن پیکس،پکاپکایا کھانا، کوکنگ آئل، آٹا، چاول، ڈبہ بند فروٹ سمیت دیگر اشیائے خوردونوش شامل ہیں۔ اس موقع پر لاہور ایئرپورٹ پر الخدمت فائونڈیشن پاکستان اور سول ایوی ایشن کی انتظامیہ موجود تھی۔
بھارت پہلے ہی مختلف محاذوں پر ناکامیوں کا شکار رہا ہے‘سردار مسعود