اسلام آباد کچہری حملہ ’ویک اپ کال‘ قرار، ہم حالتِ جنگ میں ہیں، خواجہ آصف
اشاعت کی تاریخ: 11th, November 2025 GMT
اسلام آباد میں جان لیوا دھماکے پر اپنے رد عمل میں وفاقی وزیرِ دفاع خواجہ آصف کا کہنا ہے کہ ملک اب ’حالتِ جنگ‘ میں ہے اور اسلام آباد کی ضلع کچہری میں ہونے والا خودکش حملہ ایک ہنگامی ’ویک اپ کال‘ ہے۔
سوشل میڈیا پلیٹ فارم ایکس پر ایک پیغام میں وزیر دفاع کا کہنا ہے حالیہ دھماکے سے واضح ہوتا ہے کہ یہ لڑائی صرف سرحدی یا دور دراز علاقوں تک محدود نہیں بلکہ پورے پاکستان کا معاملہ ہے۔
ھم حالت جنگ میں ھیں کوئ یہ سنجھے کہ پاک فوج یہ جنگ افغان پاکستان سرحدی علاقے میں اور بلوچستان کے دور دراز علاقے میں لڑرہی ھے تو آج اسلام آباد ضلع کچہری میں خود کش حملہ wake up call ھے کہ یہ سارے پاکستان کی جنگ ھے جسمیں پاک فوج روز قربانیاں دے رہی ھے اور عوام کو تحفظ کا احساس دلا…
— Khawaja M.
’ہم حالت جنگ میں ہیں کوئی یہ سمجھے کہ پاک فوج یہ جنگ افغان پاکستان سرحدی علاقے میں اور بلوچستان کے دور دراز علاقے میں لڑرہی ھے تو آج اسلام آباد ضلع کچہری میں خود کش حملہ ویک اپ کال ہے۔‘
خواجہ آصف نے کہا کہ پاک فوج روزِ مرہ کی بنیاد پر قربانیاں دے رہی ہے تاکہ عوام کو تحفظ کا احساس مل سکے اور پورے ملک کو اس خطرے کا سامنا ہے۔
وزیرِ دفاع نے اپنے بیان میں یہ بھی کہا کہ موجودہ ماحول میں کابل کے حکمرانوں سے کامیابی کی زیادہ امید رکھنا عبث ثابت ہوگا۔
یہ بھی پڑھیں: اسلام آباد کچہری کے باہر خودکش دھماکا، 12 افراد جاں بحق، 27 زخمی
’۔۔۔اگرچہ افغان حکمران پاکستان میں دہشت گردی روک سکتے ہیں مگر اسلام آباد تک اس جنگ کو لانا کابل کی طرف سے ایک واضح پیغام ہے جس کا پاکستان بھرپور جواب دینے کی صلاحیت رکھتا ہے۔‘
حکومت نے ابھی تک اس بیان کے بعد کسی نئی خارجہ یا عسکری پالیسی کا باقاعدہ اعلان نہیں کیا، تاہم خواجہ آصف کے اشاروں اور گزشتہ ہفتوں میں افغان سرحد، مذاکرات اور ممکنہ عسکری ردعمل پر دیے گئے بیانات سے تجزیہ کاروں کا کہنا ہے کہ مؤثر سرحدی نگرانی اور بین الااقوامی دباؤ دونوں ہی اس وقت کلیدی حیثیت رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان حالتِ جنگ خواجہ آصف عبث مذاکرات وزیر دفاع
ذریعہ
ذریعہ: WE News
کلیدی لفظ: افغانستان حالت جنگ خواجہ ا صف مذاکرات وزیر دفاع اسلام آباد خواجہ آصف علاقے میں پاک فوج
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی