کیریئر کے آغاز میں فلم ڈائریکٹر نے جنسی ہراساں کیا، فرح خان کا انکشاف
اشاعت کی تاریخ: 11th, November 2025 GMT
ممبئی (ویب ڈیسک)بالی ووڈ کی معروف ڈائریکٹر اور کوریوگرافر فرح خان نے فلمی کیریئر کے آغاز میں جنسی ہراسانی کا سامنا ہونے کا انکشاف کیا ہے۔
فرح خان نے حال ہی میں ٹوئنکل کھنہ اور کاجول کے پروگرام میں بطور مہمان شرکت کی جہاں اُنہوں نے مختلف موضوعات پر دلچسپ گفتگو کی۔
اُنہوں نے شو کے دوران کیریئر کے آغاز میں پیش آنے والا ایک ناخوشگوار واقعہ بھی سنایا۔
بھارتی ہدایتکارہ نے بتایا کہ ایک بار رات کو ایک گانے کے بارے میں بات کرنے کے بہانے ایک ہدایتکار میرے کمرے میں داخل ہوگیا اور میرے پاس آ کر میرے بیڈ پر بیٹھ گیا جو انتہائی نامناسب رویہ تھا۔
اُنہوں نے مزید بتایا کہ میں نے اس رویے کو بالکل برداشت نہیں کیا اور فوراََ ڈائریکٹر کو کمرے سے باہر نکال دیا۔
ٹوئنکل کھنہ نے اس واقعہ کی تصدیق کرتے ہوئے بتایا کہ میں بھی وہاں موجود تھی اور میں ڈائریکٹر کے پیچھے فرح کے کمرے میں گئی اور یہ سب خود اپنی آنکھوں سے دیکھا تھا۔
.ذریعہ: Daily Mumtaz
پڑھیں:
بنگلہ دیش کرکٹ بورڈ کے سابق عہدیدار کیخلاف جنسی ہراسانی کا الزام، تحقیقات کے لیے کمیٹی تشکیل
بنگلہ دیش کرکٹ بورڈ (بی سی بی) نے قومی ویمنز ٹیم کی کرکٹر جہاں آرا عالم کی جانب سے ٹیم کے سابق سلیکٹر اور منیجر منجور الاسلام پر لگائے گئے جنسی ہراسانی کے الزامات کی تحقیقات کے لیے 3 رکنی انکوائری کمیٹی تشکیل دے دی ہے۔
بی سی بی نے جمعرات کی رات کمیٹی بنانے کا اعلان کیا تھا اور کہا تھا کہ تحقیقات 15 دنوں میں مکمل کی جائیں گی۔ ہفتہ کی رات بورڈ نے کمیٹی کے ارکان کے نام بھی جاری کر دیے۔
یہ بھی پڑھیے: خواتین نے ہنی ٹریپ اور جنسی ہراسانی کا نشانہ بنایا، کمرے میں خفیہ کیمرے لگائے گئے، شیر افضل مروت کا انکشاف
اعلان کے مطابق، کمیٹی کی سربراہی جسٹس طارق الحقیم، جو سپریم کورٹ کے اپیلیٹ ڈویژن کے ریٹائرڈ جج ہیں، کریں گے۔ دیگر 2 ارکان میں روبابلہ ڈاؤلا، جو بی سی بی کی واحد خاتون ڈائریکٹر ہیں، اور بیریسٹر سروت سراج شکلا، سینیئر سپریم کورٹ وکیل اور بنگلہ دیش ویمنز اسپورٹس فیڈریشن کی چیئرپرسن شامل ہیں۔
جہاں آرا عالم، جو اس وقت آسٹریلیا میں موجود ہیں، نے ایک یوٹیوب انٹرویو میں الزام لگایا کہ منجور الاسلام نے انہیں ناشائستہ پیشکش کر کے جنسی طور پر ہراساں کیا۔ ان کا یہ بھی کہنا تھا کہ کئی دیگر افراد نے ان کے کرکٹ کیریئر کو نقصان پہنچایا اور انہوں نے 2021 سے 2023 کے درمیان بی سی بی کے اعلیٰ حکام کو شکایات درج کرائیں، مگر کوئی کارروائی نہیں کی گئی۔
یہ بھی پڑھیے: آن لائن جنسی ہراسانی میں ملوث مجرم کو 3 سال قید با مشقت کی سزا
دوسری جانب، منجور الاسلام نے الزامات کو جھوٹا اور بے بنیاد قرار دیتے ہوئے سختی سے مسترد کر دیا ہے۔ بنگلہ دیش کے اخبار پروتھوم آلو سے گفتگو میں انہوں نے کہا کہ میں کسی بھی وقت انکوائری کمیٹی کے سامنے پیش ہونے کو تیار ہوں۔ جب بھی بلایا جائے، میں بنگلہ دیش آ کر مکمل تعاون کروں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بی سی بی جنسی ہراسانی خواتین کرکٹ کھیل
امریکا: ہیلتھ کیئر سینٹر کی 500 سے زائد زندہ افراد سے تعزیت