کراچی کے مختلف علاقوں میں ہلکی اور تیز بارش، موسم خوشگوار ہوگیا
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
شہر قائد ایک بار پھر بادلوں کی آغوش میں ہے اور مختلف علاقوں میں وقفے وقفے سے ہونے والی بارش نے موسم کو خوشگوار بنا دیا ہے۔
ہفتے کی صبح سویرے ہلکی بوندا باندی کا آغاز ہوا، جو کچھ دیر بعد تیز بارش میں تبدیل ہوگیا اور شہریوں نے موسم کے اس خوشگوار رنگ سے لطف اٹھایا۔
بارش کا یہ سلسلہ آئی آئی چندریگر روڈ، اولڈ سٹی ایریا، ملیر، شاہراہ فیصل، صفورہ گوٹھ، قیوم آباد، گلشن اقبال، سرجانی ٹاؤن اور نارتھ کراچی سمیت مختلف علاقوں میں ریکارڈ کیا گیا۔ ان علاقوں میں بادلوں کی گھن گرج اور بارش نے گرمی کا زور توڑ دیا۔
جمعرات کی شب ہونے والی بارش نے موسم کو خنک کر دیا تھا، جس کا اثر جمعہ بھر محسوس کیا گیا اور ہفتے کو بھی یہی خوشگوار فضا چھائی رہی۔
محکمہ موسمیات کے مطابق کراچی میں آج بھی مطلع ابر آلود رہے گا اور مغربی سسٹم کے باعث 29 جون تک شہر میں بارش کا سلسلہ وقفے وقفے سے جاری رہنے کی پیشگوئی ہے۔ ماہرین کے مطابق دن کے اوقات میں گرج چمک کے ساتھ بارش کا امکان ہے۔
شہر کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، تاہم ہوا میں نمی کی بلند شرح کے باعث گرمی کی شدت 35 ڈگری تک محسوس کی جا رہی ہے۔ دن کے دوران زیادہ سے زیادہ درجہ حرارت 31 ڈگری سینٹی گریڈ تک جا سکتا ہے، جبکہ شمال مشرقی سمت سے ہوائیں 10 کلومیٹر فی گھنٹہ کی رفتار سے چل رہی ہیں اور ہوا میں نمی کا تناسب 90 فیصد ہے۔
بارش سے جہاں شہریوں کے چہروں پر خوشی کی لہر دوڑ گئی ہے، وہیں نشیبی علاقوں میں پانی جمع ہونے کے خدشات بھی موجود ہیں۔ شہریوں کو احتیاط برتنے کی ہدایت کی گئی ہے۔
.ذریعہ: Jasarat News
کلیدی لفظ: علاقوں میں
پڑھیں:
ڈی این اے تحقیق پر نوبیل انعام پانے والے جیمس واٹسن آنجہانی ہوگئے
data-id="863a0a8" data-element_type="widget" data-widget_type="theme-post-content.default">
واشنگٹن (انٹرنیشنل ڈیسک) ڈی این اے تحقیق پر نوبیل انعام پانے والے سائنسدان جیمس واٹسن 97برس کی عمر میں طویل علالت کے بعد انتقال کرگئے۔جیمس واٹسن کی موت کی تصدیق کولڈ اسپرنگ ہاربر لیبارٹری کے ترجمان نے کی ہے۔ انہوں نے بتایا کہ جیمس بیماری کے بعد 97 سال کی عمر میں انتقال کر گئے۔جیمس واٹسن نے 1953 ء میں فرانسس کرک اور روزالنڈ فرینکلن کی مدد سے ڈی این اے کی ڈبل ہیلکس ساخت کی تحقیقات کی، جو جینیٹکس اور حیاتیات کی بنیاد بنی، اس کے لیے 1962 میں فزیالوجی یا میڈیسن میں انہیں نوبیل انعام ملا۔ اپنی موت سے قبل ایک انٹرویو میں جیمس واٹسن نے بتایا تھا کہ وہ اپنی زندگی میں کچھ اہم کام کرنا چاہتے تھے، وہ سچائی کی کھوج میں تھے اور یہی ان کے زندگی کا مقصد تھا۔جیمز ڈی وی واٹسن 6 اپریل 1928 ء کو شکاگو، الینوائے، امریکہ میں پیدا ہوئے۔ وہ 15 سال کی عمر میں یونیورسٹی آف شکاگو میں داخل ہوئے اور 1947 ئمیں بیچلر ڈگری حاصل کی۔ 1950 میں انڈینا یونیورسٹی سے ڈاکٹریٹ کی ڈگری حاصل کی تھی۔
جماعت اسلامی محنت کشوں کی ترجمان، اجتماع عام میں بھرپور شرکت کرینگے، شکیل احمد شیخ