بہاولنگر: خود کشی کی کوشش کرنے والی بیوی کو بچاتے ہوئے شوہر ڈوب کر جاں بحق
اشاعت کی تاریخ: 1st, July 2025 GMT
پنجاب کے ضلع بہاولنگر میں منڈی صادق گنج میں جھگڑے کے بعد نہر میں چھلانگ لگا کر خودکشی کی کوشش کرنے والی ناراض بیوی کو بچانے کی کوشش میں نوجوان شخص صادقیہ نہر میں ڈوب کر جاں بحق ہوگیا۔
رپورٹ کے مطابق مقتول کی شناخت 22 سالہ شاہد میواتی کے نام سے ہوئی جو ضلع قصور کے کنگن پور کا رہائشی تھا۔
متوفی کے اہل خان کے مطابق شاہد نے چھ ماہ قبل ضلع بہاولنگر کے منڈی صادق گنج کی 19 سالہ سلمیٰ سے شادی کی تھی، تاہم سلمیٰ کچھ دن پہلے اپنے والدین کے پاس واپس چلی گئی اور وہیں رہنے لگی جب کہ وہ اپنے سسرال والوں سے ناراض تھی۔
ہفتے کے روز شاہد نے سلمیٰ کو واپس آنے پر راضی کرنے کے لیے ان کی رہائش گاہ گیا، اس دوران جوڑے کے درمیان سخت جملوں کا تبادلہ ہوا، اس پر سلمیٰ نے قریبی صادقیہ نہر میں چھلانگ لگا دی جب کہ شاہد جو کہ تیرنا نہیں جانتا تھا، اس نے بھی اسے بچانے کے لیے پانی میں چھلانگ لگا دی۔
اہل خانہ کی چیخ و پکار سن کر کچھ مقامی لوگ موقع پر پہنچے اور بچی کو بچایا لیکن وہ شاہد کو نہ بچا سکے جو نہر کی تیز لہروں میں بہہ گیا۔
ریسکیو 1122 کے ترجمان عتیق الرحمان نے بتایا کہ 12 غوطہ خوروں پر مشتمل ٹیم موقع پر گئی اور دن بھر کی تلاش کے بعد لاش کو پانی نکالا۔
.ذریعہ: Express News
پڑھیں:
آزاد کشمیر کے امن کو خراب کرنے کی شرپسندوں کی کوشش ہر گز کامیاب نہیں ہونے دیں گے، وزیر داخلہ محسن نقوی
اسلام آباد(ڈیلی پاکستان آن لائن)وفاقی وزیر داخلہ محسن نقوی نے کہا ہے کہ آزاد کشمیر کے امن کو خراب کرنے کی شرپسندوں کی کوشش ہر گز کامیاب نہیں ہونے دیں گے۔ وہ جمعرات کو پمز ہسپتال میں آزاد کشمیر احتجاج کے دوران زخمی ہونے والے پولیس جوانوں کی عیادت کے موقع پر گفتگو کر رہے تھے۔ ،وہ فرداً فرداً ہر زخمی اہلکار کے پاس گئے اور خیریت دریافت کی ۔ محسن نقوی نے ہسپتال انتظامیہ کو زخمی پولیس اہلکاروں کو بہترین طبی سہولتیں فراہم کرنے کی ہدایت کی۔وزیر داخلہ نے زخمی پولیس اہلکاروں کے جذبے اور بہادری کو سراہتے ہوئے کہا کہ آپ سب نے انتہائی ہمت، حوصلے اور جوانمردی سے اپنے فرائض سرانجام دیے، شرپسندی کے باوجود اپ نے تحمل سے کام لیا، آپ پاکستان کے بہادر سپوت ہیں اور ہم سب کو آپ پر ناز ہے۔ محسن نقوی نے چیف کمشنر کو آئی جی اسلام آباد و آزاد کشمیر پولیس کے جوانوں کا خصوصی خیال رکھنے کی ہدایت بھی کی۔وزیر داخلہ نے زخمی پولیس اہلکاروں کی حوصلہ افزائی کی۔ اس موقع پر ان کا کہنا تھا کہ پرامن احتجاج ہر کسی کا حق ہے لیکن قانون ہاتھ میں لینے کی کسی کو اجازت نہیں دی جائے گی، پاکستانیوں کے دل کشمیریوں کے ساتھ دھڑکتے ہیں۔ انہوں نے کہا کہ حکومت کشمیری بھائیوں کے مسائل کے حل کے لئے ہمہ وقت تیار ہے۔چیف کمشنر اسلام آباد ، آئی جی پولیس اور دیگر حکام بھی اس موقع پر موجود تھے۔ پمز ہسپتال میں اسلام آباد پولیس کے 31 اور آزاد کشمیر پولیس کے 12 اہلکار زیر علاج ہیں۔
روس کی نیٹو اتحاد پر حملہ کرنے کی کوئی نیت نہیں ، پیوٹن
مزید :
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا