چلڈرن ڈے پر سلمان خان کی بچوں سے دل موہ لینے والی ملاقات، ویڈیو وائرل
اشاعت کی تاریخ: 16th, November 2025 GMT
بالی ووڈ سلطان سلمان خان نے چلڈرنز ڈے اپنے ننھے مداحوں کے ساتھ منا کر سوشل میڈیا پر دھوم مچا دی۔ اداکار جو بچوں سے بے حد محبت کے حوالے سے مشہور ہیں، نے یو اے ای دورے کے دوران بچوں سے ایک خصوصی بیک اسٹیج ملاقات کا اہتمام کیا۔
یہ بھی پڑھیں: جب سلمان خان دوران پرواز موت سے بال بال بچے، اداکار نے سنسنی خیز واقعہ سنا دیا
ویرال بھیانی کی جانب سے شیئر کی گئی ویڈیو میں 59 سالہ سلمان خان بچوں سے ہاتھ ملا رہے ہیں، انہیں مسکرا کر ویلکم کررہے ہیں اور مسلسل ان کی حفاظت یقینی بنارہے ہیں۔
سوشل میڈیا صارفین نے ویڈیو پر سلمان خان کے اقدام کو سراہا ہے، ایک مداح نے لکھا کہ سلمان خان اور بچوں کے درمیان خاص لگاؤ ہے۔ ایک اور نے انہیں مین ود اے گولڈن ہارٹ کہا، جبکہ ایک فین نے تبصرہ کیا کہ سلمان دا گریٹ۔
View this post on Instagram
A post shared by Viral Bhayani (@viralbhayani)
سلمان خان کئی بار اس خواہش کا اظہار کرچکے ہیں کہ وہ ایک دن بچوں کے والد بننا چاہتے ہیں۔ شادی کا کوئی ارادہ نہ ہونے کے باوجود وہ اشارہ دے چکے ہیں کہ وہ بچوں کو گود لینے کا سوچ رہے ہیں۔ کاجول اور ٹوئنکل کھنہ کے ٹاک شو ٹو مچ میں انہوں نے کہا تھا کہ ایک دن بچے ضرور ہوں گے، جلد ہی، دیکھتے ہیں کب۔
یہ بھی پڑھیں: مذہبی اختلافات کے باوجود سلمیٰ خان سے شادی کیسے ہوئی، سلمان خان کے والد نے بتا دیا
فی الحال سلمان خان مصروف ترین شیڈول کے ساتھ کام کررہے ہیں۔ ان کی نئی فلم بیٹل آف گیلوان، جو 2020 میں بھارت اور چین کے درمیان ہونے والی جھڑپ سے متاثر ہے، اگلے سال کے وسط میں ریلیز ہوگی۔ اسی دوران وہ بگ باس 18میں بھی شائقین کی توجہ کا مرکز بنے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بالی ووڈ چلڈرنز ڈے خان سلمان خان.ذریعہ: WE News
پڑھیں:
دوسرا ون ڈے میچ: شاہین آفریدی کی طبیعت ناساز ، ٹیم کی قیادت سلمان علی آغا کے پاس
پاکستان اور سری لنکا کے درمیان دوسرے ون ڈے میچ میں شاہین آفریدی طبیعت خرابی کے باعث میچ نہیں کھیل سکے ، سلمان علی آغا نے ٹیم کی قیادت کی۔تفصیلات کے مطابق پاکستان اور سری لنکا کے درمیان دوسرے ون ڈے میچ میں پاکستان نے ٹاس جیت کر فیلڈنگ کا فیصلہ کیا ہے۔کپتان شاہین شاہ آفریدی فلو کے باعث دوسرے ون ڈے انٹرنیشنل میں حصہ نہیں لے سکے، جس میں پاکستان نے راولپنڈی کرکٹ اسٹیڈیم میں جمعہ کو ٹاس جیت کر پہلے باولنگ کرنے کا فیصلہ کیا۔سلمان علی آغا نے ٹاس جیتنے کے موقع پر گفتگو کرتے ہوئے بتایا کہ شاہین آفریدی کی جگہ فاسٹ باؤلر محمد وسیم جونیئر کو شامل کیا گیاجبکہ آل راؤنڈر فہیم اشرف کو آرام دیا گیا اور اسپنر ابرار احمد کو دوبارہ ٹیم میں شامل کیا گیا۔یاد رہے کہ دوسرا ون ڈے میچ اصل میں جمعرات کو طے تھا تاہم منگل کو اسلام آباد میں دہشت گردانہ حملے کے بعد شیڈول متاثر ہوا، جس سے سری لنکن کیمپ میں قابل فہم تشویش پیدا ہو گئی۔رپورٹس میں بتایا گیا کہ چند مہمان کھلاڑی مکمل طور پر ٹور چھوڑنے پر غور کر رہے تھے۔اس غیر یقینی صورتحال پر پاکستان کے وزیر داخلہ اور پاکستان کرکٹ بورڈ (پی سی بی) کے چیئرمین محسن نقوی نے فوری مداخلت کی، جنہوں نے ملک کے اعلیٰ سکیورٹی حکام کے ساتھ مل کر سری لنکن وفد کے ساتھ طویل ملاقاتیں کیں اور ان کی حفاظت کے حوالے سے یقین دہانی کرائی۔بدھ کی رات تک صورتحال مستحکم ہو گئی اور سری لنکن کرکٹ بورڈ نے سیریز مکمل کرنے کے عزم کی تصدیق کی۔کچھ سری لنکن کھلاڑیوں کے گھر واپس جانے اور ان کی جگہ نئے کھلاڑیوں کو شامل کرنے کی افواہیں ٹیم کے مینیجر نے فوراً مسترد کر دی اور یقین دہانی کرائی کہ دورہ کرنے والی ٹیم میں کوئی تبدیلی نہیں ہوگی۔
ممتاز گلوکار اے نئیر کی وفات کو 9 برس بیت گئے