باجوڑ میں خوفناک بم دھماکا؛ اسسٹنٹ کمشنر اور 2 اہلکاروں سمیت 4 افراد شہید، 11 زخمی
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
خیبر پختونخوا کے ضلع باجوڑ ایک بار پھر دہشتگردی کی لپیٹ میں آ گیا، جہاں صدیق آباد پھاٹک کے قریب واقع میلہ گراؤنڈ کے نزدیک بم دھماکے نے خوف و ہراس پھیلا دیا۔
ابتدائی اطلاعات کے مطابق دھماکے میں اسسٹنٹ کمشنر ناؤگئی، دو پولیس اہلکار اور ایک شہری جان کی بازی ہار گئے، جب کہ 11 سے زائد افراد زخمی ہوئے جنہیں فوری طور پر طبی امداد کے لیے ڈسٹرکٹ اسپتال خار منتقل کر دیا گیا۔
دھماکے کی اطلاع ملتے ہی ریسکیو 1122 کی امدادی ٹیمیں موقع پر پہنچ گئیں اور زخمیوں کو بروقت ابتدائی طبی امداد فراہم کی گئی۔ اسپتال ذرائع کے مطابق بعض زخمیوں کی حالت تشویش ناک ہے۔
دھماکے کے بعد قانون نافذ کرنے والے اداروں نے علاقے کو گھیرے میں لے کر سرچ آپریشن شروع کر دیا ہے، جب کہ شواہد اکٹھے کیے جا رہے ہیں۔
واقعے کے بعد علاقے میں خوف کی فضا قائم ہے اور مقامی انتظامیہ نے سیکیورٹی مزید سخت کر دی ہے۔ پولیس اور بم ڈسپوزل اسکواڈ بھی جائے وقوعہ پر موجود ہیں تاکہ ممکنہ خطرات کا سدباب کیا جا سکے۔
.ذریعہ: Jasarat News
پڑھیں:
ماتلی: اسسٹنٹ کمشنر کے تبادلے پر شاندار الوداعی تقریب کا انعقاد
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت) اسسٹنٹ کمشنر ماتلی سید نور حسین کے تبادلے کے بعد میونسپل پبلک لائبریری میں ایک شاندار الوداعی تقریب منعقد کی گئی۔ تقریب میں CSS امتحانات کی تیاری کرنے والے امیدواروں، کتب بینی کے شائقین اور شہریوں نے بڑی تعداد میں شرکت کی اور انہیں عزت و احترام کے ساتھ رخصت کیا۔چیئرمین رضوان احمد قائم خانی کی کاوشوں سے شہید بے نظیر بھٹو میونسپل پبلک لائبریری کو فعال بنایا گیا تھا، جہاں CSS امیدواروں کے لیے خصوصی سیکشن قائم کرنے میں اسسٹنٹ کمشنر نے نمایاں کردار ادا کیا۔ ان کی نگرانی اور دلچسپی کی بدولت لائبریری نوجوانوں کے لیے ایک تعلیمی مرکز کی شکل اختیار کر گئی۔اس موقع پر خطاب کرتے ہوئے سید نور حسین نے کہا کہ تعلیم ہی کسی معاشرے کو ترقی اور خوشحالی کی راہ پر گامزن کر سکتی ہے۔ انہوں نے کہا کہ CSS کی تیاری کرنے والے نوجوان ملک کا مستقبل ہیں اور اگر وہ محنت اور لگن سے آگے بڑھیں تو پاکستان کو درپیش مسائل کا حل نکالنے میں اہم کردار ادا کر سکتے ہیں۔ انہوں نے مزید کہا کہ اگر ان کی تعیناتی قریبی اضلاع میں ہوئی تو وہ وقت نکال کر ضرور آتے رہیں گے اور امیدواروں کی رہنمائی کرتے رہیں گے۔تقریب میں مختیار کار ماتلی معصب جونیجو نے بھی اظہارِ خیال کیا۔ انہوں نے کہا کہ اسسٹنٹ کمشنر سید نور حسین نے اپنے مختصر دورِ تعیناتی میں عوامی فلاح اور تعلیم کے فروغ کے لیے جو اقدامات کیے وہ قابلِ ستائش ہیں۔ انہوں نے کہا کہ میونسپل پبلک لائبریری کو فعال کرنے اور نوجوانوں کے لیے تعلیمی مواقع پیدا کرنے میں ان کی دلچسپی ہمیشہ یاد رکھی جائے گی۔تقریب کے اختتام پر شرکاء نے اسسٹنٹ کمشنر کو سندھ کے روایتی انداز میں رخصت کیا اور ان کے مستقبل کے لیے نیک خواہشات کا اظہار کیا۔
’بلوچ یکجہتی کمیٹی‘ کس طرح دہشتگردوں کی پشت پناہی کر رہی ہے؟ آئی آئی سی آر کی ہوشربا رپورٹ