کشمیر کے سیاسی قیدیوں کو انصاف ملنا چاہیئے، الطاف بخاری
اشاعت کی تاریخ: 2nd, July 2025 GMT
بزرگ حریت پسند رہنما شبیر شاہ کی صحت پر تشویش ظاہر کرتے ہوئے الطاف بخاری نے کہا کہ ان کی سوچ ہم سے مختلف ہوسکتی ہے لیکن وہ ایک شریف اور بزرگ انسان ہیں اور انکو وہی طبی سہولیات ملنی چاہئیں جو دوسرے قیدیوں کو دی جا رہی ہیں۔ اسلام ٹائمز۔ جموں و کشمیر "اپنی پارٹی" کے صدر اور سابق وزیر سید محمد الطاف بخاری نے کشمیر کے ریاستی درجہ کی بحالی کے لئے وزیراعلٰی عمر عبداللہ کو "اپنی کرسی چھوڑنے" کے بجائے اپنے اختیارات کا مؤثر استعمال کرکے ریاستی درجہ واپس حاصل کرنے کا مشورہ دیا۔ ان کا کہنا تھا کہ مجھے نہیں لگتا کہ وزیراعلٰی کو ریاستی درجہ کے لئے اپنی کرسی چھوڑنی پڑے گی بلکہ ان کو اپنی کرسی کا پاور استعمال کر کے ریاستی درجہ بحال کرانا چاہیئے۔ امرناتھ یاترا 2025ء کے حوالے سے بات کرتے ہوئے الطاف بخاری نے کہا کہ یہ یاترا صدیوں سے جاری ہے اور اب یہ کشمیریوں کا ایک تہوار بن چکی ہے۔ انہوں نے کہا کہ یہ یاترا اب پورے ہندوستان سے لوگوں کو کشمیر کھینچ کر لاتی ہے اور کشمیری لوگ ہمیشہ کی طرح مہمان نواز ہیں اور ہمیشہ رہیں گے۔
بزرگ حریت پسند رہنما شبیر شاہ کی صحت پر تشویش ظاہر کرتے ہوئے الطاف بخاری نے کہا کہ ان کو فوری علاج کی ضرورت ہے۔ انہوں نے زور دے کر کہا کہ شبیر شاہ کی سوچ ہم سے مختلف ہو سکتی ہے، لیکن وہ ایک شریف اور بزرگ انسان ہیں اور ان کو وہی طبی سہولیات ملنی چاہئیں جو دوسرے قیدیوں کو دی جا رہی ہیں۔ الطاف بخاری نے ایک اور محبوس کشمیری لیڈر اور ممبر پارلیمنٹ انجینئر رشید کی مسلسل قید پر بھی حکومت کو آڑے ہاتھوں لیتے ہوئے کہا کہ اگر پانچ لاکھ لوگوں نے ان کو ووٹ دیا ہے تو ان کو رہا کیوں نہیں کیا جا رہا۔ الطاف بخاری نے کہا کہ اگر ایسی وجوہات کی بنا پر انہیں بند رکھا جا رہا ہے تو یہ مرکزی سرکار کی ایک بہت بڑی سیاسی غلطی ہے۔ یاسین ملک کے حوالے سے انہوں نے کہا کہ وہ ایک وقت کی سوچ کے نمائندے تھے اور آج شاید اس سوچ کے پیروکار کم ہوں، لیکن ایک منصفانہ ٹرائل ان کا حق ہے۔ انہوں نے کہا کہ صرف بند رکھنے سے مسئلہ حل نہیں ہوگا۔
ذریعہ: Islam Times
کلیدی لفظ: الطاف بخاری نے کہا کہ ریاستی درجہ انہوں نے
پڑھیں:
آزاد کشمیر کی شخصیات کی فیصل ممتاز راٹھور کی بطور وزیراعظم نامزدگی پر اظہارِ تحسین
فائل فوٹوآزاد کشمیر کے مختلف شعبۂ زندگی سے تعلق رکھنے والی شخصیات نے راجہ فیصل ممتاز راٹھور کی بطور وزیراعظم آزاد کشمیر نامزدگی کے فیصلے کو خوش آئند قرار دے دیا۔
فیضان عارف ایڈووکیٹ نے کہا کہ راجہ فیصل ممتاز راٹھور ایک منجھے ہوئے سیاسی گھرانے سے تعلق رکھتے ہیں اور مفاہمت پسند شخصیت کے مالک ہیں، فیصل ممتاز راٹھور آزاد کشمیر کے نوجوانوں میں بھی مقبول ہیں، جبکہ ریاست کی ترقی کے لیے ان کی نامزدگی ایک مثبت قدم ہے۔
بزنس مین راجہ آفتاب اصغر نے امید ظاہر کی کہ نامزد وزیراعظم فیصل ممتاز راٹھور عوامی مسائل کے حل کے لیے ترجیحی بنیادوں پر اقدامات کریں گے، کاروباری برادری اور نوجوانوں کی ترقی بھی ان کی ترجیحات میں شامل ہونی چاہیے۔
آزاد کشمیر چیمبر آف کامرس کے سابق صدر فیصل منظور نے کہا کہ توقع ہے کہ فیصل ممتاز راٹھور ریاست کی بہتری کے لیے اپنی سیاسی بصیرت بروئے کار لائیں گے اور عوامی فلاح کے لیے تمام سیاسی جماعتوں کے ساتھ مل کر کام کریں گے۔
انہوں نے مزید کہا کہ کاروباری سرگرمیوں میں اضافہ، روزگار کے مواقع اور نوجوانوں کی ترقی کے لیے اقدامات ناگزیر ہیں اور امید ہے کہ نامزد وزیراعظم ان پر خصوصی توجہ دیں گے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن