جڑانوالہ‘ چنیوٹ دورہ‘ عزاداروں کو سہولیات فراہم کرنا اولین ترجیح: عظمیٰ بخاری
اشاعت کی تاریخ: 2nd, July 2025 GMT
چنیوٹ‘ جڑانوالہ (نوائے وقت رپورٹ) وزیر اطلاعات پنجاب و انچارج محرم انتظامات فیصل آباد ڈویژن، عظمیٰ بخاری نے عشرہ محرم الحرام کے انتظامی و حفاظتی اقدامات کا جائزہ لینے کے لیے چنیوٹ کا دورہ کیا۔ ڈپٹی کمشنر صفی اللہ گوندل اور ڈی پی او عبداللہ احمد نے ڈی سی آفس میں محرم الحرام کے سکیورٹی اور دیگر انتظامات پر بریفنگ دی۔اس موقع پر وزیر اطلاعات عظمیٰ بخاری نے واضح ہدایات دیتے ہوئے کہا کہ "عزاداروں کو تحفظ اور سہولیات فراہم کرنا حکومت پنجاب کی اولین ترجیح ہے، اور کسی بھی قسم کی کوتاہی یا خلا ہرگز برداشت نہیں کیا جائے گا۔"انہوں نے جلوسوں کے منتظمین اور لائسنس داران سے ملاقات کرتے ہوئے کہا کہ "محرم، رواداری، بھائی چارے اور صبر کا درس دیتا ہے۔ وزیراعلیٰ پنجاب مریم نواز شریف کی ہدایات پر ہم سب اضلاع میں متحرک ہیں تاکہ ہر سطح پر امن و انتظام کو یقینی بنایا جا سکے۔ تمام جلوسوں اور مجالس کے روٹس کی کڑی نگرانی جاری ہے۔ فلیش پوائنٹس پر خصوصی الرٹ، سکیورٹی اداروں کی مکمل ہم آہنگی اور امن کمیٹی کے علماء کرام سے قریبی رابطہ برقرار رکھا جا رہا ہے۔ سوشل میڈیا پر شرانگیز یا نفرت انگیز مواد پھیلانے والوں کے خلاف زیرو ٹالرنس کی پالیسی ہے۔ انہوں نے منتظمین سے انتظامات پر اطمینان کا اظہار کیا۔ جلوس منتظمین نے وزیراعلیٰ پنجاب مریم نواز شریف اور وزیر اطلاعات عظمیٰ بخاری کا شکریہ ادا کرتے ہوئے حکومتی اقدامات کو قابل تحسین قرار دیا۔ علاوہ ازیں وزیر اعلیٰ پنجاب مریم نواز شریف کی خصوصی ہدایت پر صوبائی وزیر اطلاعات عظمیٰ بخاری نے جڑانوالہ کا بھی دورہ کیا۔ مرکزی امام بارگاہ قصرِ بتول، جلوس کے روٹس، سبیلوں، فیلڈ ہسپتال، کلینک آن وہیل اور دیگر انتظامات کا جائزہ لیا۔ صوبائی وزیر نے جلوس کے داخلی و خارجی راستے علیحدہ رکھنے، کنٹرول روم کے سی سی ٹی وی کیمروں کو مکمل فعال رکھنے اور رضاکاروں کو تربیت دے کر تعینات کرنے کے احکامات دیئے۔ عظمیٰ بخاری نے اسسٹنٹ کمشنر دفتر میں اجلاس کی صدارت کرتے ہوئے ہدایت کی کہ ایام عاشورہ کے دوران تمام افسران فیلڈ میں موجود رہیں اور بارشوں کی پیشگوئی کے تناظر میں نکاسی آب کے خاص انتظامات کیے جائیں۔ اس موقع پر ڈپٹی کمشنر فیصل آباد ندیم ناصر، ایس ایس پی آپریشن، اسسٹنٹ کمشنر جڑانوالہ بھی ان کے ہمراہ تھے۔
.ذریعہ: Nawaiwaqt
کلیدی لفظ: وزیر اطلاعات
پڑھیں:
وزیراعظم کی بین الاقوامی سرمایہ کاروں کو تمام سہولیات فراہم کرنے کی ہدایت
اسلام آباد:وزیراعظم شہباز شریف نے متعلقہ وزارتوں اور اداروں کو بین الاقوامی سرمایہ کاروں کو تمام سہولیات کی فراہمی یقینی بنانے کی ہدایت کردی۔
وزیرِاعظم محمد شہباز شریف کی زیرِ صدارت ملکی معیشت اور پاکستان میں غیر ملکی سرمایہ کاری کے حوالے سے اجلاس منعقد ہوا۔ اجلاس میں مجموعی اقتصادی صورتحال، براہِ راست غیر ملکی سرمایہ کاری کے فروغ اور جاری و مجوزہ ترقیاتی منصوبوں کا تفصیلی جائزہ لیا گیا۔
وزیراعظم نے کہا کہ پاکستان کی معیشت کو مضبوط بنیادوں پر مستحکم کرنا حکومت کی اولین ترجیح ہے، اقتصادی سرگرمیوں کی منصوبہ بندی میں نجی شعبے کا کلیدی کردار ہوگا اور ان کی شمولیت کو یقینی بنایا جائے گا۔
وزیراعظم نے متعلقہ وزارتوں اور اداروں کو بین الاقوامی سرمایہ کاروں کو تمام سہولیات کی فراہمی یقینی بنانے کی ہدایت کی۔
وزیراعظم نے کہا کہ حالیہ مثبت معاشی رجحان غیر ملکی سرمایہ کاروں کے پاکستانی معیشت میں اعتماد کا عکاس ہے، شفافیت، بین الاقوامی معیار کے مطابق معاشی پالیسیوں کی تشکیل اور پالیسیوں پر فوری عملدرآمد کے ذریعے پاکستان کو خطے میں سرمایہ کاری کا پرکشش مرکز بنایا جائے گا۔
شہباز شریف نے کہا کہ حکومت عوامی فلاح و بہبود اور روزگار کے مواقع بڑھانے کے لیے سرمایہ کاری کے تمام مواقع کو بروئے کار لائے گی، ہماری جاری معاشی اور اقتصادی اصلاحات کی پالیسی نے معیشت کو ایک نئی سمت دی ہے اور اس جدت اور شفافیت کی بدولت ملک ترقی کی راہ پر گامزن ہے، سرمایہ کاری کے ساتھ ساتھ تجارت کو بھی فروغ دینا ہماری پالیسی کا حصہ ہے۔
اجلاس میں توانائی، انفرااسٹرکچر، انفارمیشن ٹیکنالوجی اور صنعتی شعبے میں جاری منصوبوں پر بریفنگ دی گئی۔
اجلاس میں نائب وزیراعظم اسحاق ڈار، فیلڈ مارشل عاصم منیر، وزیر دفاع خواجہ آصف، وزیر خزانہ محمد اورنگزیب، وزیر اطلاعات عطا اللہ تارڑ، وزیر تجارت جام کمال، وزیر توانائی اویس لغاری، وزیر پیٹرولیم علی پرویز ملک، وزیر ماحولیات مصدق ملک، وزیر اقتصادی امور احد چیمہ، وزیر غذائی تحفظ رانا تنویر، وزیر قانون اعظم نذیر، وزیر مواصلات علیم خان اور متعلقہ اداروں کے اعلیٰ افسران شریک تھے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ