یوم عاشورہ سے قبل تمام انتظامات مکمل کیے جائیں گے، سی ای او واٹر کارپوریشن
اشاعت کی تاریخ: 1st, July 2025 GMT
سی ای او واٹر کارپوریشن نے تمام افسران کو پابند کیا گیا ہے کہ وہ ضلعی انتظامیہ عوامی نمائندوں مذہبی قائدین بالخصوص جعفریہ الائنس سمیت دیگر مذہبی تنظیموں سے قریبی رابطہ رکھیں اور ان کے ساتھ بھرپور تعاون کو یقینی بنائیں۔ اسلام ٹائمز۔ واٹر کارپوریشن ہر سال کی طرح اس سال بھی محرم الحرام کے مقدس ایام کے دوران شہریوں کو بہتر سہولیات فراہم کرنے کے لیے کوئی کسر نہیں چھوڑے گا، یوم عاشورہ سے قبل شہر بھر میں بالخصوص مساجد امام بارگاہوں مجالس گاہوں سبیلوں اور جلوسوں کے روٹس پر فراہمی و نکاسی آب کے مثر اور غیر معمولی اقدامات کیے جائیں گے، اس کے علاوہ تمام کھلے مین ہولز کو محفوظ بنانے سیوریج اوور فلو کا خاتمہ کرنے اور پانی کے رسا کو مکمل طور پر بند کرنے کے لیے بھی اقدامات کیے جا رہے ہیں۔ ان خیالات کا اظہار سی ای او واٹر کارپوریشن احمد علی صدیقی نے جعفریہ الائنس کے مرکزی رہنما سید شبر رضا سے ایم ڈی سیکریٹریٹ کارساز میں ملاقات کے دوران کیا۔ اس موقع پر سی او او واٹر کارپوریشن انجینئر اسداللہ خان سمیت واٹر کارپوریشن کے دیگر اعلی حکام اور جعفریہ الائنس کے تمام اضلاع کے کوآرڈینیٹرز بھی موجود تھے۔ ملاقات کے دوران جعفریہ الائنس کے رہنماؤں نے شہر بھر میں بالخصوص مساجد امام بارگاہوں مجالس گاہوں سبیلوں اور جلوسوں کے روٹس فراہمی و نکاسی آب کے مسائل سے آگاہ کیا اور ان کے فوری حل کی درخواست کی۔
سی ای او واٹر کارپوریشن نے تمام شکایات کے فوری حل کی یقین دہانی کراتے ہوئے موقع پر ہی متعلقہ افسران کو احکامات جاری کیے کہ وہ تمام امور کو ترجیحی بنیادوں پر مکمل کریں۔ انہوں نے تمام افسران کو پابند کیا گیا ہے کہ وہ ضلعی انتظامیہ عوامی نمائندوں مذہبی قائدین بالخصوص جعفریہ الائنس سمیت دیگر مذہبی تنظیموں سے قریبی رابطہ رکھیں اور ان کے ساتھ بھرپور تعاون کو یقینی بنائیں۔ سی ای او واٹر کارپوریشن نے واضح کیا ہے کہ محرم الحرام کے دوران عوام کو بہتر سہولیات کی فراہمی ہماری اولین ترجیح ہے اور اس ضمن میں کسی بھی قسم کی غفلت یا کوتاہی ہرگز برداشت نہیں کی جائے گی کیونکہ شہریوں اور عزادارانِ امام حسین کو بہتر فراہمی و نکاسی آب کی سہولیات مہیا کرنا ادارے کی اخلاقی اور انتظامی ذمہ داری ہے۔ اس موقع پر جعفریہ الائنس کے رہنماؤں نے محرم الحرام کے لیے کیے جانے والے غیر معمولی اقدامات اور بھرپور تعاون پر واٹر کارپوریشن حکام کا شکریہ ادا کیا۔
ذریعہ
ذریعہ: Islam Times
کلیدی لفظ: جعفریہ الائنس کے کے دوران اور ان
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی