پنجاب: حکومتی وارننگ کام کرگئی، 27 شوگر ملوں نے کرشنگ شروع کردی
اشاعت کی تاریخ: 16th, November 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب میں کرشنگ سیزن شروع نہ کرنے والی شوگر ملوں کے خلاف کارروائی کے اعلان کے بعد صورتحال میں واضح تبدیلی آئی ہے اور نصف سے زائد ملوں نے بالآخر کرشنگ کا آغاز کر دیا ہے۔
کین کمشنر پنجاب کے مطابق صوبے کی 27 شوگر ملز نے باضابطہ طور پر گنا پسائی شروع کر دی ہے، جبکہ باقی 14 ملوں کا آج موقع پر معائنہ کیا جائے گا، جس کے بعد اُن کے خلاف کارروائی کا عمل شروع ہوگا۔ حکام کا کہنا ہے کہ جو ملیں کرشنگ میں مزید تاخیر کریں گی، اُن پر 10 لاکھ روپے یومیہ جرمانہ عائد کیا جائے گا۔
کین کمشنر نے بتایا کہ کرشنگ سیزن کی مؤثر نگرانی کے لیے خصوصی ٹیمیں تشکیل دے دی گئی ہیں تاکہ کارروائی، گنے کی خریداری اور ادائیگی کے تمام مراحل شفاف رہیں۔ انہوں نے یقین دہانی کرائی کہ کسانوں کو ان کے گنے کی بروقت ادائیگی یقینی بنائی جائے گی اور نئی چینی مارکیٹ میں آنے سے قیمتوں میں بتدریج کمی کی توقع ہے۔
حکام کا کہنا ہے کہ حکومت کا مقصد مل مالکان کی تاخیری حکمت عملی کا خاتمہ اور بازار میں چینی کی مستحکم فراہمی کو یقینی بنانا ہے۔
ذریعہ: Jasarat News
پڑھیں:
تاریخ میں پہلی بار شوگر کے مریض بچوں کو انسولین کٹس دہلیز پر پہنچائی جا رہی ہیں: مریم نواز
لاہور (نیوز رپورٹر+نوائے وقت رپورٹ) وزیراعلیٰ پنجاب مریم نواز نے ذیابیطس کے عالمی دن پر اپنے پیغام میں کہا ہے ذیابیطس ایک خطرناک اور خاموش دشمن ہے جو احتیاط، آگاہی اور منظم زندگی سے قابو میں آ سکتا ہے۔ پاکستان میں ذیابیطس کے مرض کی بڑھتی ہوئی شرح اس بیماری سے مزید مؤثر جنگ کی متقاضی ہے۔ صحت عوام کا بنیادی حق ہے اور حکومت پنجاب یہ حق ہر دروازے تک پہنچا رہی ہے۔ تاریخ میں پہلی بار ٹائپ-ون شوگر کے مریض بچوں کو انسولین کٹس ان کے دروازے تک پہنچائی جا رہی ہیں۔ کسی مریض پر بوجھ نہ پڑے اسی لئے تمام سرکاری ہسپتالوں میں مفت ادویات کی فراہمی یقینی بنا دی گئی ہے۔ مریم نواز نے کہا اچھے شہری ہونے کے ناطے سب اپنی صحت کے محافظ بنیں، مناسب طرز زندگی اپنائیں۔ متوازن غذا، باقاعدہ ورزش، اور بلڈ شوگر کا تسلسل سے معائنہ ہی ذیابیطس سے تحفظ کی کنجی ہے۔وزیراعلیٰ پنجاب مریم نواز برازیل کا دورہ مکمل کرکے لندن پہنچ گئیں۔ وہ دو دن لندن میں قیام کے بعد پاکستان روانہ ہوں گی۔
27 ویں ترمیم: ججز کے تبادلے کی ترمیم میں تبدیلی پر غور، چیف الیکشن کمشنر کی تعیناتی پر معاملات طے نہ پاسکے