عالمی فورمز پر پنجاب کی سنجیدہ کاوشیں نمایاں ہو رہی ہیں، مریم نواز
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
251115-08-20
لاہور (آن لائن) وزیراعلیٰ پنجاب مریم نواز شریف نے کہا ہے کہ برازیل میں ہونے والی کاپ 30 کانفرنس میں پنجاب کے ماحولیاتی اقدامات کو ایک مضبوط اور مؤثر مثال کے طور پر پیش کیا گیا، جو صوبے کے لیے ایک بڑا اعزاز ہے۔ انہوں نے کہا کہ پاکستان خصوصاً
پنجاب کے عملی کام کو عالمی سطح پر جو پذیرائی مل رہی ہے، وہ اس بات کی علامت ہے کہ صوبہ ماحولیاتی اصلاحات کے میدان میں سنجیدہ اور مؤثر اقدامات کر رہا ہے۔وزیراعلیٰ نے کہا کہ کاپ 30 میں پنجاب کی نمائندگی کرنا اور وہاں کیے جانے والے اقدامات کا اعتراف ہونا ایک اہم پیشرفت ہے۔ عالمی فورمز پر پنجاب کی جانب سے آلودگی میں کمی، صاف ہوا کے فروغ، اور موسمیاتی چیلنجز سے نمٹنے کے لیے مرتب کی گئی حکمت عملی کو نہ صرف سراہا جا رہا ہے بلکہ اسے دیگر ممالک کے لیے بھی ایک قابل تقلید مثال قرار دیا جا رہا ہے۔مریم نواز شریف نے مزید کہا کہ پنجاب نے موسمیاتی تبدیلی کے اثرات کم کرنے کے لیے عملی اقدامات کیے ہیں جنہیں عالمی برادری سنجیدگی سے دیکھ رہی ہے۔ انہوں نے کہا کہ یہ کامیابیاں ٹیم ورک، بہتر حکمت عملی اور عوامی مفاد پر مبنی پالیسیوں کا نتیجہ ہیں۔
ذریعہ: Jasarat News
کلیدی لفظ: نے کہا کے لیے کہا کہ
پڑھیں:
اپوزیشن اتحاد نے ججز استعفوں اور مستقبل کی حکمت عملی پر بات کی، مصطفیٰ نواز کھوکھر
فائل فوٹواپوزیشن اتحاد تحریک تحفظ آئین پاکستان کے رہنما مصطفیٰ نواز کھوکھر نے کہا ہے کہ ججز کے استعفوں اور مستقبل کی حکمت عملی پر بات چیت ہوگئی۔
راولپنڈی میں اپوزیشن اتحاد کے اجلاس میں محمود خان اچکزئی، علامہ راجا ناصر عباس، بیرسٹر گوہر، اسد قیصر، شاہد خاقان عباسی، اختر مینگل، سلمان اکرم راجا، شوکت بسرا و دیگر نے شرکت کی۔
اجلاس کے بعد میڈیا سے گفتگو میں مصطفیٰ نواز کھوکھر نے کہا کہ اپوزیشن اتحاد کی بیٹھک میں 27ویں آئینی ترمیم اور اس کے اثرات پر بات ہوئی۔
انہوں نے مزید کہا کہ ججز کے استعفوں کے بعد حزب اختلاف کی قیادت نے مستقبل کی حکمت عملی پر بات چیت کی ہے۔
اپوزیشن رہنما نے یہ بھی کہا کہ ہم نے ایک عملی پروگرام طے کیا ہے، جو جلد اعلامیہ کی صورت میں پیش کردیا جائے گا۔
اسلام آباد ہائی کورٹ کی خاتون جج جسٹس ثمن رفعت کیخلاف توہین عدالت درخواست خارج