پانچ رنز پر 7 آؤٹ: بنگلا دیشی کھلاڑی نے سری لنکا سے شکست کی وجہ بتا دی
اشاعت کی تاریخ: 3rd, July 2025 GMT
کراچی:
بنگلا دیش کو سری لنکا کے خلاف پہلے ون ڈے میں 77 رنز سے شکست کا سامنا کرنا پڑا، مہمان ٹیم نے محض 5 رنز پر اپنی 7 وکٹیں گنوا دی تھیں جس کے باعث میچ ہاتھ سے نکل گیا۔
کولمبو میں کھیلے گئے میچ میں میزبان ٹیم نے 245 رنز کا ہدف دیا تھا جس کے جواب میں مہمان ٹیم نے مثبت آغاز فراہم کیا تاہم 100 رنز پر دوسری وکٹ گرنے کے بعد بنگلا دیشی ٹیم سنبھل نہ سکی اور دیکھتے ہی دیکھتے 105 رنز پر 8 کھلاڑی پویلین لوٹ گئے۔
اس دوران، ذاکر علی کچھ مزاحمت کرتے ہوئے 64 گیندوں پر 51 رنز کی اننگز کھیلی لیکن ٹیم کو فتح دلانے میں کامیاب نہ ہو سکے۔
شکست کے بعد بنگلا دیش ٹیم کے فاسٹ بولر تسکین احمد کا کہنا تھا کہ 17ویں اوور میں نجم الحسین شانتو کے رن آؤٹ ہونے کے بعد 18ویں اوور میں دو وکٹیں گرنے سے میچ سری لنکا کے حق میں چلا گیا۔
تسکین احمد کا کہنا تھا کہ ’’میں توقع کر رہا تھا کہ اگر ہمارے پاس پانچ سے سات اوورز ہوئے تو میچ جیت جائیں گے۔‘‘ فاسٹ بولر کا اندازہ درست بھی لگ رہا تھا، کیونکہ تنزید حسن اور نجم الحسن شانتو نے صرف 16 اوورز میں ٹیم کا اسکور 96 رنز ایک وکٹ کے نقصان پر پہنچا دیا تھا، جبکہ ہدف 245 رنز تھا۔
لیکن اکثر اوقات توقعات حقیقت سے مختلف ہوتی ہیں، اور اچانک بیٹنگ لائن لڑکھڑا جاتی ہے۔ بنگلا دیش نے صرف پانچ رنز کے دوران اپنی سات وکٹیں گنوا دیں۔
تسکین احمد نے اعتراف کیا کہ یقینی طور پر، ہم نے درمیانی مرحلے میں بہت بری بیٹنگ کی لیکن 16 اوورز میں 100 رنز بنا کر ہم نے اچھا آغاز کیا تھا لیکن پھر 100 رنز پر 2 اور 107 رنز پر 8 کھلاڑیوں کا آؤٹ ہونا بہت مہنگا پڑا۔
فاسٹ بولر نے کہا کہ ’’ذاکر علی نے بہت اچھی بیٹنگ کی اور وہ وکٹ پر جَم کر کھیل رہے تھے، اگر ان کے ساتھ مزید دو سے تین بلے باز ہوتے تو ہم میچ جیت سکتے تھے۔ لیکن تسلیم کرتے ہیں کہ ہم نے اچھی بیٹںگ نہیں کی کیونکہ وکٹ بھی خراب نہیں تھی، یہ ہماری ناکامی ہے۔‘‘
تسکین احمد کا کہنا تھا کہ شاید اوپر تلے وکٹیں گرنے سے ہم گھبرا گئے اور میچ ہار بیٹھے، دباؤ میں آکر اپنی مزید وکٹیں بھی گنوائیں۔
.
ذریعہ
ذریعہ: Express News
کلیدی لفظ: تسکین احمد تھا کہ
پڑھیں:
ایشین گیمز: پاکستان، بھارت، بنگلادیش، سری لنکا براہِ راست ناک آؤٹ مرحلے میں
ایشین گیمز 2026 کے مردوں اور خواتین کے کرکٹ مقابلوں کے ڈراز اور گروپس کا باضابطہ اعلان کر دیا گیا ہے۔
مردوں کے ایونٹ میں پاکستان، بھارت، بنگلادیش اور سری لنکا کو عالمی رینکنگ کی بنیاد پر براہِ راست ناک آؤٹ مرحلے میں جگہ دی گئی ہے جبکہ افغانستان، ہانگ کانگ، جاپان، ملائیشیا، نیپال اور عمان ابتدائی مرحلے میں ایک دوسرے کے مدمقابل ہوں گے۔
مردوں کے ابتدائی راؤنڈ میں افغانستان، جاپان اور نیپال کو گروپ اے میں رکھا گیا ہے جبکہ ہانگ کانگ، ملائیشیا اور عمان گروپ بی کا حصہ ہوں گے۔
دونوں گروپس سے ٹاپ دو ٹیمیں ناک آؤٹ مرحلے میں پہنچ کر پاکستان، بھارت، بنگلادیش اور سری لنکا کا سامنا کریں گی۔
Bangladesh, India, Pakistan and Sri Lanka have gained direct entry into the knockouts of the Asian Games 2026 men's competition https://t.co/WCS9T5YG9C pic.twitter.com/uP7s6xroNs
— Cricinfo (@cricinfo) July 24, 2026مردوں کے مقابلے 24 ستمبر سے یکم اکتوبر تک جاپان کے شہر ناگویا میں ٹی ٹوئنٹی فارمیٹ میں کھیلے جائیں گے۔
خواتین کے ایونٹ کا آغاز 17 ستمبر سے ہوگا جہاں کوارٹر فائنلز میں بھارت کا مقابلہ جاپان، بنگلادیش کا چین، سری لنکا کا ملائیشیا جبکہ پاکستان کا سامنا تھائی لینڈ سے ہوگا۔
https://www.facebook.com/AsianGamesOCA/posts/cricket-action-is-going-to-heat-up-at-the-20th-asian-games-aichi-nagoya-2026-her/1469188031908924/خواتین کے مقابلے 22 ستمبر تک جاری رہیں گے۔
واضح رہے کہ 2023 کے ایشین گیمز میں بھارت نے مردوں اور خواتین دونوں کیٹیگریز میں سونے کا تمغہ جیتا تھا۔
بھارت سے جنگ اور افغانستان میں کارروائی خارج ازامکان نہیں، وزیردفاع