صارفین کا دنانیر مبین کو احد رضا میر سے فاصلہ رکھنے کا مشورہ
اشاعت کی تاریخ: 4th, July 2025 GMT
ابھرتی ہوئی اداکارہ دنانیر مبین اور احد رضا میر کی ایک وائرل تصویر نے سوشل میڈیا پر نئی بحث چھیڑ دی ہے، جہاں صارفین اداکارہ کو احد سے محتاط رہنے اور فاصلہ رکھنے کا مشورہ دے رہے ہیں۔
دونوں کو پہلی بار ڈراما سیریل ’میم سے محبت‘ میں ایک ساتھ دیکھا گیا، جس کے بعد اداکارہ کو متعدد مواقع پر احد رضا میر کی والدہ ثمرا رضا میر کے ساتھ بھی دیکھا گیا۔
احد رضا میر ان دنوں اپنے والدین کے ہمراہ امریکا میں موجود ہیں، جہاں وہ ایک قریبی رشتہ دار کی شادی میں شرکت کر رہے ہیں۔
اسی شادی کی تقریب میں دنانیر مبین اور ان کے خاندان کو بھی شرکت کرتے دیکھا گیا اور دنانیر کی ایک تصویر بھی وائرل ہوئی ہے، جس میں انہیں اپنی بہن کے ہمراہ احد رضا میر اور ان کے والدین کے ساتھ دیکھا جا سکتا ہے۔
اس تصویر کے بعد، دونوں کے درمیان ممکنہ تعلقات کے حوالے سے افواہیں اور قیاس آرائیاں زور پکڑ گئی ہیں۔
یہ تصویر سوشل میڈیا پر تیزی سے وائرل ہو رہی ہے، جس پر صارفین دنانیر مبین کو احد رضا میر سے فاصلہ رکھنے کا مشورہ دے رہے ہیں۔
بعض صارفین احد رضا میر کا موازنہ بھارتی اداکار رنبیر کپور سے بھی کر رہے ہیں، جو اپنے رومانوی تعلقات اور بریک اپس کے لیے مشہور رہے ہیں۔
یاد رہے کہ احد رضا میر کی شادی ماضی میں اداکارہ سجل علی سے ہوئی تھی، تاہم بعد ازاں دونوں میں علیحدگی ہو گئی۔
طلاق کے بعد احد اور رمشا خان کی دوستی اور ’ہم تم‘ کے سیٹ پر قریبی تعلقات کی خبریں سامنے آئیں، جنہوں نے میڈیا کی توجہ حاصل کی۔
Post Views: 4.ذریعہ: Daily Mumtaz
کلیدی لفظ: رہے ہیں
پڑھیں:
جرمنی: حماس سے تعلق رکھنے والے تین مشتبہ افراد گرفتار
اسلام آباد (اُردو پوائنٹ ۔ DW اردو۔ 02 اکتوبر 2025ء) برلن کے پراسیکیوٹرز نے کہا کہ گرفتار کیے گئے تینوں مشتبہ افراد حماس کے لیے کام کر رہے تھے اور وہ اسرائیلی اور یہودی اداروں پر حملوں کی تیاری کر رہے تھے۔
جرمنی، یورپی یونین، امریکہ اور کئی دیگر حکومتوں نے حماس کو دہشت گرد تنظیم قرار دے رکھا ہے۔
گرفتار شدہ افراد کی شناخت حکام نے عابد ال۔
ج، وائل ایف۔ایم اور احمد آئی کے طور پر ظاہر کی ہے۔ جرمن پرائیویسی قوانین کے تحت ان کے پورے نام ظاہر نہیں کیے گئے۔ ان پر شبہ ہے کہ وہ اسلحہ اور گولہ بارود اکٹھا کرنے میں ملوث تھے۔وفاقی پراسیکیوٹر جنرل کے دفتر کے مطابق، ''یہ ہتھیار حماس کی جانب سے اسرائیلی یا یہودی اداروں میں ٹارگٹ کلنگ کے لیے استعمال کیے جانے تھے۔
(جاری ہے)
‘‘
بھاری مقدار میں گولہ بارود برآمدچھاپوں کے دوران سکیورٹی فورسز کو مختلف ہتھیار ملے جن میں کلاشنکوف رائفل، کئی پستول اور بھاری مقدار میں گولہ بارود اور ایک اے کے سینتالیس رائفل شامل ہے۔
وفاقی وزیر داخلہ الیگزینڈر ڈوبرِنٹ نے کہا کہ یہ معاملہ ''دہشت گردی کے خطرے‘‘ کو ظاہر کرتا ہے اور مشتبہ افراد کافی عرصے سے حکام کی نگرانی میں تھے۔ وفاقی وزیر انصاف اسٹیفنی ہوبِگ نے کہا کہ یہ واضح ہے کہ ’’جرمنی میں یہودی برادری کی زندگی خطرے میں ہے۔‘‘
انہوں نے کہا، ''ہم سب پر یہ فرض ہے کہ یہودی برادری کا تحفظ کریں۔
اس کا مطلب یہ بھی ہے کہ کسی بھی حالت میں سامیت دشمنی کو برداشت نہ کیا جائے۔‘‘ ملزمان کیسے پکڑے گئے؟وزیر داخلہ ڈوبرِنٹ کے مطابق حکام شروع سے ہی ان پر نظر رکھے ہوئے تھے۔
انہوں نے بتایا، ''چند ماہ قبل ایک مشتبہ دہشت گرد، جو حماس سے روابط رکھتا تھا، جرمنی میں داخل ہوا۔ اس کے بعد سے حکام نے نگرانی شروع کر دی تھی۔
وفاقی پراسیکیوٹر کے دفتر نے کہا کہ انسداد دہشت گردی کے اہلکاروں نے برلن میں ایک میٹنگ کے دوران مشتبہ افراد کو اس وقت پکڑا جب وہ اسلحے کا لین دین کرنے والے تھے۔ کارروائی کے دوران ایک پستول سمیت دیگر فعال ہتھیار برآمد ہوئے۔
مزید چھاپے مشرقی شہر لائپزگ میں مارے گئے جہاں ایک مشتبہ رہتا تھا، جبکہ مغربی شہر اوبرہاؤزن میں بھی تلاشی لی گئی۔
حکام کے مطابق ملزمان کو جمعرات کے روز عدالت میں پیش کیا جائے گا تاکہ یہ تعین کیا جا سکے کہ آیا وہ حماس کی اعلیٰ قیادت کی ہدایت پر کام کر رہے تھے یا محض اس کے ہمدرد کی حیثیت سے اکیلے سرگرم تھے۔
ادارت: صلاح الدین زین
ترقیاتی کاموں کو جلد از جلد مکمل کیا جائے‘ڈپٹی میئر