اٹلی میں زوردار دھماکا، 10 پولیس اہلکاروں سمیت کم از کم 27 افراد زخمی
اشاعت کی تاریخ: 4th, July 2025 GMT
اٹلی کے دارالحکومٹ روم میں دھماکے سے 10 پولیس اہلکاروں سمیت 27 افراد زخمی ہوگئے ہیں، زخمیوں میں 2 کی حالت تشویشناک ہے۔
اٹلی کے دارالحکومت روم کے مشرقی ضلع پرینیستینو میں ایک پیٹرول اسٹیشن پر زوردار دھماکہ ہوا، جس کے نتیجے میں کم از کم 27 افراد زخمی ہو گئے، جن میں 10 پولیس اہلکار اور ایک فائر فائٹر بھی شامل ہے۔ دھماکہ اٹلی کے مقامی وقت کے مطابق جمعے کی صبح 8 بجے ہوا اور اس کی آواز شہر بھر میں سنی گئی۔
یہ بھی پڑھیں: جاسوسی تنازع: اٹلی نے پارگون کے ساتھ سیکیورٹی روابط منقطع کر دیے
فوری طور پر جائے وقوعہ پر پہنچنے والے فائر بریگیڈ اور ریسکیو اہلکار بھی دھماکے کی زد میں آ گئے۔ اطلاعات کے مطابق ایک ٹرک پائپ لائن سے ٹکرا گیا تھا، جس کے بعد گیس کا اخراج ہوا، آگ لگی اور پھر زور دار دھماکہ ہوا۔
مقامی خبر رساں ادارے روما ٹوڈے نے مطابق دھماکے کے بعد بلند ہوتی آگ اور دھویں کی تصاویر جاری کیں، جبکہ فائر ڈیپارٹمنٹ کی تصاویر میں پیٹرول اسٹیشن کو تقریباً مکمل طور پر تباہ شدہ حالت میں دکھایا گیا ہے۔
Un violento boato ha scosso questa mattina via dei Gordiani, nel quartiere Prenestino, a Roma, per l’esplosione di una cisterna presso un distributore.
— Sky tg24 (@SkyTG24) July 4, 2025
پولیس ترجمان کے مطابق 16 شہری زخمی ہوئے، جن میں پیٹرول پمپ کا منیجر بھی شامل ہے، جبکہ ایمبولینس سروس کے مطابق زخمیوں کی تعداد 28 تک ہوسکتی ہے، 8 زخمی افراد کو اسپتال منتقل کیا گیا، جن میں 2 کی حالت تشویش ناک بتائی گئی ہے۔
یہ بھی پڑھیں: اٹلی میں غیرملکی طلبہ کی مشکلات بڑھنے کا خدشہ
روم کے میئر روبرٹو گوالتیئری نے جائے وقوعہ پر صحافیوں سے گفتگو کرتے ہوئے بتایا کہ ابتدائی معلومات کے مطابق یہ حادثہ فیول ٹینک بھرنے کے دوران پیش آیا، جس سے گیس کا اخراج ہوا اور پھر آگ لگنے سے دھماکہ ہوا۔
پمپ ای این آئی برانڈ کے تحت چل رہا تھا تاہم کمپنی کے مطابق یہ اسٹیشن ان کی ملکیت نہیں ہے۔
دھماکہ اتنا شدید تھا کہ قریبی عمارتوں کے شیشے ٹوٹ گئے اور ایک قریبی ڈپو کو بھی آگ لگ گئی۔ خوش قسمتی سے، اسٹیشن کے سامنے موجود ایک اسپورٹس سینٹر، جہاں بچوں کا سمر کیمپ جاری تھا، بروقت خالی کرا لیا گیا اور تمام بچے محفوظ رہے۔
یہ بھی پڑھیں: جعلی دستاویزات پر کوئٹہ سے اٹلی جانے والے 2 مسافر جہاز سے اتارلیے گئے
پوپ لیو چہاردہم نے ایک سوشل میڈیا پیغام میں متاثرین کے لیے دعا کی اور واقعے کو ’پریشان کن‘ قرار دیا۔ اٹلی کی وزیر عظم جارجیا میلونی بھی صورتحال کا بغور جائزہ لے رہی ہیں۔
فائر بریگیڈ کے مطابق آگ پر قابو پا لیا گیا ہے تاہم مکمل طور پر بجھانے کے لیے کارروائیاں جاری ہیں، جبکہ حکام نے واقعے کی مکمل تحقیقات کا اعلان کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اٹلی پیٹرول پمپ دھماکا رومذریعہ: WE News
کلیدی لفظ: اٹلی پیٹرول پمپ دھماکا کے مطابق
پڑھیں:
پشاور میں پولیس موبائل کے قریب دھماکا
پشاورکے علاقے ماڑی تھانے کی حدود میں پولیس موبائل کے قریب دھماکا ہوا ہے۔
ایکسپریس نیوز کے مطابق پشاورمیں بھانہ ماڑی تھانے کی حدود قمر دین چوک کے قریب پولیس موبائل کو آئی ای ڈی دھماکے کا نشانہ بنایا گیا۔
سی سی پی او پشاور ڈاکٹر میاں سعید احمد کے مطابق پولیس موبائل معمول کے گشت پر تھی کہ اچانک دھماکا ہوا، جس کے نتیجے میں 4 پولیس اہلکار زخمی ہوگئے۔
زخمی اہلکاروں کو فوری طور پر قریبی اسپتال منتقل کر دیا گیا ہے۔ پولیس اور سیکیورٹی فورسز نے علاقے کو گھیرے میں لے کر شواہد اکٹھے کرنا شروع کر دیے ہیں جبکہ دھماکے کے بعد علاقے میں خوف و ہراس پھیل گیا۔
واقعہ کی اطلاع ملتے ہی پولیس کی بھاری نفری نے علاقے کو گھیرے میں لے لیا گیا جبکہ زخمی اہلکاروں کو فوری طور پر طبی امداد کیلئے اسپتال منتقل کر دیا گیا۔
ترقیاتی کاموں کو جلد از جلد مکمل کیا جائے‘ڈپٹی میئر