کراچی میں ٹریفک حادثے میں ملوث ویگو جے ڈی سی کے سیکرٹری جنرل ظفر عباس کے نام پر رجسٹرڈ نکلی
اشاعت کی تاریخ: 8th, July 2025 GMT
کراچی (ڈیلی پاکستان آن لائن )کراچی کے علاقے انچولی کے قریب سڑک حادثے میں ملوث ویگو جے ڈی سی کے جنرل سیکریٹری ظفر عباس کے نام پر رجسٹرڈ نکلی، حادثے میں دو نوجوان شدید زخمی ہوگئے تھے۔
نجی ٹی وی ڈان نیوز کے مطابق واقعے کی ایک ویڈیو سوشل میڈیا پر وائرل ہوگئی ہے جس میں کئی لوگ ایک گاڑی کی نمبر پلیٹ ہاتھ میں لیے، اس کی موبائل فون کے ذریعے تصدیق کرتے ہوئے کہہ رہے ہیں کہ یہ ڈالے کی نمبر پلیٹ اور ظفر عباس کے نام پر رجسٹرڈ ہے، ساتھ ہی لوگ حادثے میں زخمی افراد سے متعلق بھی بات کررہے ہیں۔
ایس ایچ او تھانہ سمن آباد کے مطابق انچولی کے قریب موٹر سائیکل اور ویگو کے درمیان تصادم کے نتیجے میں موٹرسائیکل سوار دو نوجوان شدید زخمی ہوگئے جنہیں آغا خان ہسپتال منتقل کیا گیا۔شدید زخمی نوجوانوں کی شناخت 19 سالہ محمد ابراہیم اور 17 سالہ عبدالاحد کے نام سے ہوئی، جن کا علاج جاری ہے۔
پشاور، کوچی بازار میں ہولناک آتشزدگی، ایک ہی خاندان کے چار افراد جاں بحق
سمن آباد پولیس نے ایکسیڈنٹ میں ملوث ویگو LH-0110 اور مضروب نوجوانوں کی موٹر سائیکل KGE-0255 کو قبضے میں لے لیا۔ایس ایچ او کے مطابق ویگو LH-0110 جنرل سیکریٹری JDC ظفر عباس کے نام پر رجسٹرڈ ہے جو ڈرائیور عرب رضا چلارہا تھا۔
مزید :.
ذریعہ
ذریعہ: Daily Pakistan
کلیدی لفظ: ظفر عباس کے نام پر رجسٹرڈ
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ