دبئی میں مجیشن چیمپئن شپ سیزن 7 کی کٹ لانچنگ اور ٹرافی رونمائی کی شاندار تقریب
اشاعت کی تاریخ: 9th, October 2025 GMT
دبئی (اُردو پوائنٹ اخبارتازہ ترین۔ 09 اکتوبر2025ء) دبئی کے ایک معروف ریسٹورنٹ میں مجیشن چیمپئن شپ سیزن 7 کی کٹ لانچنگ اور ٹرافی رونمائی کی رنگا رنگ تقریب کا انعقاد کیا گیا، جس میں ٹیموں کے مالکان، کپتان، کھلاڑیوں، اسپورٹس جرنلسٹس اور سوشل میڈیا انفلوئنسرز نے بڑی تعداد میں شرکت کی۔ تقریب کا آغاز تلاوتِ قرآنِ پاک سے کیا گیا، جس کے بعد یواےای اور پاکستان کے قومی ترانے بجائے گئے۔
تقریب کے میزبان اور مجیشن چیمپئن شپ کے روحِ رواں مجیشن عمر اور مجیشن عاشق نے تمام معزز مہمانوں کو خوش آمدید کہا اور ان کی شرکت پر شکریہ ادا کیا۔ اس موقع پر ٹورنامنٹ کے تمام اسپانسرز کو اعزازی ایوارڈز بھی پیش کیے گئے۔ تقریب میں 16 ٹیموں کے درمیان ہونے والے مقابلوں کے لیے گروپس اور میچز کے ڈرا کا اعلان کیا گیا، جبکہ آخر میں اٹالین ڈیزائن کی گولڈن چمچماتی ٹرافی کی شاندار رونمائی کی گئی، جس نے شرکاء سے بھرپور داد سمیٹی۔(جاری ہے)
مجیشن چیمپئن شپ سیزن 7 میں کل 16 ٹیمیں حصہ لے رہی ہیں۔ ٹورنامنٹ ناک آؤٹ فارمیٹ پر مشتمل ہوگا، جس میں 6،6 اوورز کے 11 میچز کھیلے جائیں گے۔ یہ ایونٹ 11 اکتوبر کو ام القیوین کے اے کے ڈبلیو کرکٹ گراؤنڈ میں شام 8 بجے سے صبح 7 بجے تک جاری رہے گا۔ اس موقع پر مجیشن عمر نے کہا کہ > “اس سال کا ٹورنامنٹ انٹرٹینمنٹ سے بھرپور ہوگا، اور کرکٹ شائقین کو سنسنی خیز مقابلے دیکھنے کو ملیں گے۔” انہوں نے فیملیز اور کرکٹ کے شوقین افراد سے اپیل کی کہ وہ 11 اکتوبر بروز ہفتہ شام 8 بجے اسٹیڈیم پہنچ کر ایونٹ کا حصہ بنیں اور اپنی پسندیدہ ٹیموں کی حوصلہ افزائی کریں۔.
ذریعہ
ذریعہ: UrduPoint
کلیدی لفظ: تلاش کیجئے مجیشن چیمپئن شپ
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ