کراچی، پولیس اور ڈاکوؤں میں مقابلے، 3 ڈاکو زخمی حالت میں گرفتار
اشاعت کی تاریخ: 8th, July 2025 GMT
کراچی:
شہر قائد کے دو مختلف علاقوں میں پولیس اور ڈاکوؤں کے درمیان مبینہ مقابلے کے واقعات پیش آئے، جن میں تین ڈاکو زخمی حالت میں گرفتار کر لیے گئے۔
زخمیوں کو ابتدائی طبی امداد کے لیے اسپتال منتقل کر دیا گیا ہے، جبکہ پولیس نے مقدمات درج کر کے تفتیش شروع کر دی ہے۔
پہلا مقابلہ تھانہ نارتھ ناظم آباد کی حدود میں حیدری صائمہ مال چزیپ سے ناظم آباد جاتے ہوئے ایک پل کے قریب پیش آیا، جہاں پولیس نے دو مشتبہ موٹر سائیکل سواروں کو روکنے کی کوشش کی۔
ملزمان نے فرار کی کوشش کے دوران فائرنگ کر دی، جس پر پولیس نے جوابی کارروائی کی۔
فائرنگ کے تبادلے میں ایک ڈاکو کاشف ولد نور اسلام عمر 18 سال گولی لگنے سے زخمی ہو گیا جبکہ اس کا ساتھی سہیل ولد یاسین عمر 17 سال پل سے گرنے کے باعث زخمی ہو گیا۔
دونوں کو ایدھی ایمبولینس کے ذریعے عباسی شہید اسپتال منتقل کیا گیا، جہاں ان کا علاج جاری ہے۔
دوسرا واقعہ ڈیفنس ہاؤسنگ اتھارٹی (DHA) فیز 07، سی آر پٹہ کے قریب پیش آیا، جہاں پولیس نے مشکوک سرگرمیوں کی اطلاع پر کارروائی کی۔ مقابلے کے دوران فائرنگ کا تبادلہ ہوا جس میں ایک ملزم زخمی حالت میں گرفتار کر لیا گیا۔
زخمی ڈاکو کی شناخت اسرار ولد ذوالفقار، عمر 31 سال کے طور پر ہوئی ہے۔
چھیپا فاؤنڈیشن کے مطابق زخمی کو جناح اسپتال منتقل کیا گیا ہے جہاں اسے طبی امداد دی جا رہی ہے۔
.ذریعہ: Express News
کلیدی لفظ: پولیس نے
پڑھیں:
بھارتی ایئرلائن کا پائلٹ پرواز سے چند لمحے قبل بے ہوش
data-id="863a0a8" data-element_type="widget" data-widget_type="theme-post-content.default">
بنگلور: بھارتی ایئر لائن کا پائلٹ پرواز سے چند لمحے قبل بے ہوش ہوگیا، جسے فوری طور پر اسپتال منتقل کیا گیا۔
بھارتی میڈیا کے مطابق ایئر انڈیا کی پرواز بنگلورو سے دہلی جانے کیلئے تیار تھی کہ اچانک اس کے پائلٹ کی طبعیت خراب ہوگئی، جس کے بعد وہ بے ہوش ہوگیا
ایئر لائن انتظامیہ کی جانب سے متاثرہ پائلٹ کو فوری طور پر اسپتال منتقل کیا گیا، جبکہ پرواز کے اڑان بھرنے کیلئے دوسرے پائلٹ کا انتظام کیا گیا جو مسافروں کو ان کی منزل پر لیکر روانہ ہوا۔
بھارتی ایئر لائن نے واقعے کی تصدیق کرتے ہوئے بتایا کہ ان کے پائلٹ کی اچانک طبیعت خراب ہوگئی تھی، جسے مقامی اسپتال منتقل کردیا گیا تھا، تاہم اس کی طبعیت کافی بہتر ہے
سندھ فنانس بل2025 منظوری کے بعد یکم جولائی سے نافذالعمل ہوگیا