AI کے ذریعے وزیر خارجہ کی جعلی آواز میں غیرملکی ہم منصبوں سے رابطہ؛ وائٹ ہاؤس میں ہلچل مچ گئی
اشاعت کی تاریخ: 8th, July 2025 GMT
ایک جعلساز نے امریکی وزیر خارجہ مارکو روبیو کے مصنوعی ذہانت سے تیار کردہ صوتی پیغام کے ذریعے اعلیٰ امریکی حکام اور غیر ملکی وزرائے خارجہ سے رابطے کیے۔
امریکی سفارتی کے مطابق ایک نامعلوم شخص نے Signal ایپ کا استعمال کرتے ہوئے مارکو روبیو کی جعلی آواز میں تین غیر ملکی وزرائے خارجہ، ایک امریکی گورنر اور کانگریس کے ایک رکن سے رابطہ کیا۔
نامعلوم جعلساز نے آرٹی فیشل ٹیکنالوجی کی مدد سے نہ صرف وزیر خارجہ مارکو روبیو کی آواز بلکہ ان کے تحریر کا انداز بھی ہو بہو نقل کیا اور تحریری پیغامات بھی بھیجے۔
نامعلوم جعل ساز نے جون کے وسط میں “[email protected]” کے نام سے ایک جعلی Signal اکاؤنٹ بنائی۔
اس جعلی اکاؤنٹ سے وائس میسجز اور ٹیکسٹ بھیجے گئے جن میں مخاطب کو Signal پر بات کرنے کی دعوت دی گئی۔
امریکی محکمہ خارجہ کے بیان میں کہا گیا ہے کہ سائبر حملے کا مقصد حکام کو گمراہ کر کے حساس معلومات یا سسٹمز تک رسائی حاصل کرنا تھا۔
محکمہ خارجہ نے کہا ہے کہ وہ اس واقعے کی مکمل تحقیقات کرے گا اور مستقبل میں ایسے واقعات کی روک تھام کے لیے مزید حفاظتی اقدامات کیے جائیں گے۔
یار رہے کہ یہ واقعہ Signalgate اسکینڈل کے چند ماہ بعد پیش آیا ہے، جس میں ایک صحافی کو غلطی سے امریکی عسکری اور حکومتی عہدیداروں کی ایک گروپ چیٹ میں شامل کر لیا گیا تھا۔ اس گروپ میں وزیر خارجہ اور وزیر دفاع بھی شامل تھے۔
امریکی وزیر دفاع نے اس گروپ میں یمن میں حساس فوجی کارروائیوں کی پل پل کی معلومات شیئر کیں، جس سے سیکیورٹی پر سنگین سوالات اٹھے۔
بعد میں معلوم ہوا کہ سابق قومی سلامتی مشیر مائیک والٹز نے غلطی سے "دی اٹلانٹک" کے ایڈیٹر جیفری گولڈبرگ کو گروپ میں شامل کر لیا تھا۔
والٹز کو ان کے عہدے سے ہٹا دیا گیا اور مارکو روبیو نے عبوری طور پر قومی سلامتی کا قلمدان سنبھالا۔ والٹز اب اقوام متحدہ میں امریکی سفیر کی تقرری کے لیے سینیٹ کی سماعت کا سامنا کریں گے۔
واضح رہے کہ سائبر سیکیورٹی ماہرین نے خبردار کیا ہے کہ Signal جیسے ایپس اگرچہ اینکرپٹڈ ہیں لیکن پھر بھی سرکاری معاملات کے لیے ناقابلِ اعتماد ثابت ہو سکتی ہیں۔ یہی وجہ ہے کہ 2023 میں محکمہ دفاع نے Signal، WhatsApp اور iMessage کے ذریعے حساس معلومات کے تبادلے پر پابندی عائد کر دی تھی۔
.
ذریعہ: Express News
کلیدی لفظ: مارکو روبیو
پڑھیں:
نیپال: روایتی ووٹنگ نہیں، سوشل میڈیا پر ہوگا وزیر اعظم کا انتخاب
data-id="863a0a8" data-element_type="widget" data-widget_type="theme-post-content.default">
دنیا میں پہلی بار سوشل میڈیا کے ذریعے کسی وزیراعظم کا انتخاب ہوا ہے، اور یہ منفرد تجربہ جنوبی ایشیائی ملک نیپال میں سامنے آیا ہے۔
دنیا بھر میں حکمرانوں کا انتخاب عموماً پولنگ اسٹیشنوں پر ووٹ ڈال کر یا پوسٹل بیلٹ کے ذریعے ہوتا ہے، مگر نیپال میں سیاسی بحران اور عوامی مظاہروں کے بعد سابق چیف جسٹس سشیلا کارکی کو چیٹنگ ایپ ’’ڈسکارڈ‘‘ کے ذریعے عوامی ووٹنگ سے عبوری وزیراعظم منتخب کیا گیا۔ عوامی احتجاج اور حکومت کے مستعفی ہونے کے بعد جب اقتدار کا بحران پیدا ہوا تو نوجوان مظاہرین نے فیصلہ کیا کہ قیادت خود چنی جائے اور اس مقصد کے لیے ڈسکارڈ کو انتخابی پلیٹ فارم بنایا گیا۔
غیر ملکی میڈیا کے مطابق، نیپال میں نوجوانوں نے ’’یوتھ اگینسٹ کرپشن‘‘ کے نام سے ایک ڈسکارڈ سرور بنایا جس کے ارکان کی تعداد ایک لاکھ 30 ہزار سے زیادہ ہو گئی۔ یہ سرور احتجاجی تحریک کا کمانڈ سینٹر بن گیا، جہاں اعلانات، زمینی حقائق، ہیلپ لائنز، فیکٹ چیکنگ اور خبریں شیئر کی جاتی رہیں۔ جب وزیراعظم کے پی شرما اولی نے استعفیٰ دیا تو نوجوانوں نے 10 ستمبر کو آن لائن ووٹنگ کرائی۔ اس میں 7713 افراد نے ووٹ ڈالے جن میں سے 3833 ووٹ سشیلا کارکی کے حق میں پڑے، یوں وہ تقریباً 50 فیصد ووٹ کے ساتھ سب سے آگے نکلیں۔
ووٹنگ کے نتائج کے بعد سشیلا کارکی نے صدر رام چندر پاوڈیل اور آرمی چیف جنرل اشوک راج سگدی سے ملاقات کی اور بعد ازاں عبوری وزیراعظم کے طور پر اپنے عہدے کا حلف اٹھا لیا۔ انہوں نے اعلان کیا ہے کہ مارچ 2026 میں عام انتخابات کرائے جائیں گے اور 6 ماہ میں اقتدار عوامی نمائندوں کو منتقل کر دیا جائے گا۔ اس موقع پر انہوں نے یہ بھی کہا کہ ان کی اولین ترجیح شفاف الیکشن اور عوامی اعتماد کی بحالی ہوگی۔
خیال رہے کہ ڈسکارڈ 2015 میں گیمرز کے لیے بنایا گیا پلیٹ فارم تھا، مگر آج یہ ایک بڑے سوشل میڈیا نیٹ ورک میں تبدیل ہو چکا ہے۔ اس کا استعمال خاص طور پر جنریشن زیڈ میں مقبول ہے کیونکہ یہ اشتہارات سے پاک فیڈ، ٹیکسٹ، آڈیو اور ویڈیو چیٹ کے فیچرز فراہم کرتا ہے۔ نیپال میں اس پلیٹ فارم کے ذریعے وزیراعظم کا انتخاب جمہوری تاریخ میں ایک نیا اور حیران کن باب ہے جو مستقبل میں عالمی سیاست کے لیے بھی مثال بن سکتا ہے۔
اسرائیل نے غزہ سٹی میں بھی زمینی فوج اُتار دی