معاملات مشکل ہیں، لوگوں پر ہر قسم کا دباؤ ہے، ڈاکٹر زرقا
اشاعت کی تاریخ: 9th, July 2025 GMT
اسلام آباد:
رہنما تحریک انصاف ڈاکٹر زرقا کا کہنا ہے کہ تحریک تو چلتی ہے، لوگ چلاتے ہیں، دیکھتے ہیں کہ لوگ نکلتے بھی ہیں، بہت سے لوگ تو جیلوں میں ہیں جو اوریجنل لیڈرشپ تھی وہ تو سب جیلوں میں ہے، معلامات کافی مشکل ہیں،لوگوں پر ہر قسم کا دباؤ ہے۔
ایکسپریس نیوز کے پروگرام کل تک میں گفتگو کرتے ہوئے انھوں نے کہا کہ ہم تو نکلنے کو تیار ہیں ہم تو کہتے ہیں کہ ہر ہفتے اڈیالہ جیل جاکر دھرنا دیںگے، ہم تو چھوٹے چھوٹے ورکر ہیں پارٹی کہ ہماری ایکسیس نہیں ہے۔
رہنما مسلم لیگ (ن) دانیال چوہدری نے کہا کہ پہلے میں کچھ چیزوں کی وضاحت کرنا چاہتا ہوں پہلے جس بوجھ کی بات کرتے ہیں کہ عمران خان جو ہے ان کی جماعت کے میجورٹی لوگ عمران خان کا بیانیہ جو جلاؤ گھیراؤ کا ہے جو اپنی افواج کے خلاف ہے، جو پاکستان کو کمزور کرنے کے خلاف ہے، جو شہدا کے مجسمے جلانے کا بیانیہ ہے اس کو اپنے بوجھ پر اٹھانے کے لیے تیار نہیں ہیں۔
انہوں نے کہا کہ یہ بار بار ہر دفعہ ایک نئی ڈیڈ لائن ، ایک نیا ہدف اس لیے دیتے ہیں کہ آپ نے دیکھا کہ جب آئی ایم ایف پاکستان کے ساتھ نیگوشی ایٹ کر رہا تھا تو انھوں نے امریکا میں کھڑے ہو کہ اپنی افواج، اپنے آرمی چیف کے خلاف پروسیشنز کیے اور انھوں نے کہا کہ اگر آئی ایم ایف پاکستان کے ساتھ بارگین کرے گا تو ہم آئی ایم ایف پاکستان کو بند کر دیں گے۔
رہنما پیپلزپارٹی شہادت اعوان نے کہا کہ2008سے2013تک اگر کوئی بھی پولیٹیکل آدمی بتا دے کسی پارٹی کا بھی بتادوکہ پاکستان پیپلزپارٹی جب اقتدار میں تھی تو کوئی پولیٹیکل وکٹمائزیشن ہوئی ہو، میں سمجھتا ہوں کہ کسی آدمی پر کسی قسم کا ناجائز کیس نہیں بنا۔
انہوں نے کہا کہ جہاں تک میری بہن جو بات کر رہی ہیں تو یہ بات تو ہے کہ لوگوں پر اس قسم کے کیسز بنے، لوگوں کا سیکھا ہوا آج دہرایا جا رہا ہے بلکہ اس وقت تو یہ بھی کہا جاتا تھا کہ جیل کے اندر پنکھے بھی اتار دیں اور ساری سہولتیں ختم کر دیں جن ورکروں نے توڑ پھوڑ کی، شہیدوں کی یاد گاریں جنھوں نے مسمار کیں جہازوں کو آگ لگائی، جنہوں نے پبلک پراپرٹیز ختم کیں۔ حتٰی کہ اسلام آباد ریڈ زون کے اندر درختوں کو آگ لگا دی گئی۔ تو یقیناً قانون تو ایکشن میں آئے گا۔
.
ذریعہ
ذریعہ: Express News
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع