یمن کے قریب حوثیوں کا ایک اوربحری جہاز پرحملہ‘ عملے کے 4 ارکان ہلاک
اشاعت کی تاریخ: 9th, July 2025 GMT
لندن(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2025 )یمن کے قریب حوثی حملے میں لائبیریا کے پرچم بردار اور یونان کے زیر انتظام مال بردار بحری جہاز ’ایٹرنٹی سی‘ پر عملے کے 4 ارکان ہلاک ہو گئے بین الاقوامی نشریاتی ادارے کے مطابق یہ واقعہ پیر کو پیش آیا جہاز میں 21 فلپائنی اور ایک روسی باشندے سمیت 22 افراد سوار تھے، حوثیوں نے جہاز کو سمندری ڈرونز اور راکٹوں سے نشانہ بنایا اور یہ مہینوں کے سکون کے بعد ایک ہی دن میں دوسرا حملہ تھا.
(جاری ہے)
حوثیوں نے تاحال’ ’ایٹرنٹی سی“ پر حملے کی ذمہ داری قبول نہیں کی تاہم چند گھنٹے قبل انہوں نے ایک اور جہاز ‘’میجک سیز“ پر حملے کی ذمہ داری قبول کرتے ہوئے کہا کہ وہ جہاز ڈوب چکا ہے جبکہ حوثیوں نے میجک سیز پر حملے اور اس کے ڈوبنے کی ویڈیو بھی جاری کی تھی واضح رہے کہ دونوں جہاز لائبیریا کے پرچم بردار اور یونانی انتظام میں تھے. بحیرہ احمر جو تیل اور اجناس کی تجارت کا ایک اہم راستہ ہے میں 2023 سے حوثیوں کے حملوں کے بعد سے تجارتی ٹریفک میں نمایاں کمی آئی ہے حوثیوں کا کہنا ہے کہ وہ فلسطینیوں سے یکجہتی کے طور پر ان جہازوں کو نشانہ بنا رہے ہیں جون 2024 کے بعد جہاز رانی کی صنعت پر کیا جانے والا پہلا مہلک حملہ ہے جس میں عملے کے ارکان مارے گئے ہیں اس حملے کے بعد مرنے والوں کی مجموعی تعداد 8 ہو گئی ہے ذرائع کے مطابق ایک زخمی اہلکار حملے کے بعد جہاز پر ہی دم توڑ گیا. اقوام متحدہ کی بحری تنظیم آئی ایم او کے سیکرٹری جنرل آرسینیو ڈومنگیز نے کہا کہ بحیرہ احمر میں ان افسوسناک حملوں کا دوبارہ آغاز بین الاقوامی قوانین اور جہاز رانی کی آزادی کی سنگین خلاف ورزی ہے امریکی محکمہ خارجہ نے ”ایم وی میجک سیز“ اور‘ ’ایٹرنٹی سی“ پر حوثیوں کے بلا اشتعال حملے کی مذمت کرتے ہوئے کہا کہ یہ حملے علاقائی سلامتی اور بحری آزادی کو لاحق خطرات کو ظاہر کرتے ہیں واشنگٹن نے کہا کہ وہ تجارتی جہازوں اور جہاز رانی کی آزادی کے تحفظ کے لیے ضروری اقدامات جاری رکھے گا. جہاز کے آپریٹر ”کوسموس شپ مینجمنٹ‘ ‘نے واقعے پر فی الحال کوئی بیان نہیں دیا حملے کے بعد جہاز کا 22 رکنی عملہ خطرناک حالات میں پھنس گیا تھا ڈرونز اور راکٹوں سے نشانہ بنائے جانے کے بعد جہاز کھلے سمندر میں بے یار و مددگار تھا یونانی حکومت نے اس واقعے پر سعودی عرب سے سفارتی بات چیت شروع کی ہے تاکہ علاقے کے اہم فریق کی مدد سے جہاز اور عملے کو بچایا جا سکے. یونانی سیکیورٹی فرم ”دیالوس‘ ‘سمیت بحری سلامتی کے 2 ادارے عملے کی بازیابی کے لیے کارروائی میں مصروف ہیں یورپی یونین کے بحری مشن ایسپائیڈز کے مطابق مزید دو افراد زخمی ہوئے ہیں حوثیوں نے ‘’میجک سیز“ پر حملے کی ویڈیو بھی جاری کی ہے جس میں جہاز کا میے ڈے کال، دھماکے اور جہاز کے ڈوبنے کے مناظر شامل ہیں جہاز کے منیجر نے کہا کہ ڈوبنے کی اطلاع کی ابھی تصدیق نہیں ہو سکی تاہم سیکیورٹی فرم ”ایمبری“ کے ڈائریکٹر نے کہا کہ ان کی ٹیم علاقے میں موجود ہے اور انہوں نے جہاز کے غرق ہونے کی تصدیق کی ہے میجک سیز کے تمام عملے کو ایک راہگیر تجارتی جہاز نے بچا لیا اور وہ پیر کو محفوظ طور پر جبوتی پہنچ گئے. برطانیہ کی بحری سیکیورٹی فرم ‘’وینگارڈ ٹیک‘ ‘کی انٹیلیجنس سربراہ ایلی شفیق کے مطابق حوثی حملوں کے چند مہینے رکنے کا مطلب یہ نہیں کہ ان کے عزائم بدل گئے ہیں جب تک غزہ میں جنگ جاری ہے، اسرائیل سے منسلک یا نظر آنے والے جہاز خطرے میں رہیں گے فلپائن نے اپنے جہازرانوں پر زور دیا ہے کہ وہ اپنی جان کے تحفظ کے حق کو استعمال کریں اور خطرناک یا جنگ زدہ علاقوں، جیسا کہ بحیرہ احمر میں سفر سے گریز کریں .
ذریعہ: UrduPoint
کلیدی لفظ: تلاش کیجئے کے بعد جہاز حوثیوں نے نے کہا کہ کے مطابق اور جہاز حملے کی پر حملے جہاز کے
پڑھیں:
لاہور ایئرپورٹ کے قریب پرندوں کی بہتات، جہازوں کیلئے نقصان کا باعث
لاہور ایئرپورٹ پر پرندوں کی بہتات کے باعث اکثر و بیشتر جہازوں کو نقصان پہنچنے کے واقعات ہوتے رہتے ہیں، یہی وجہ ہے کہ پروازوں کو روزانہ 3 گھنٹے کےلیے بند کرنے کا اعلان کیا گیا ہے۔
دوسری جانب ایئرپورٹ کے رَن وے کےقریب پرندں کو دانہ بھی ڈالا جاتا ہے، اس غیر قانونی کام کا کوئی سدباب نظر نہیں آ رہا۔
یہ سبھی جانتے ہیں کہ کسی پرندے کا جہاز سے ٹکرانا نہ صرف جہاز کے نقصان کا باعث بنتا ہے بلکہ اس کی وجہ سے کوئی بڑا حادثہ بھی پیش آ سکتا ہے۔
کوئٹہ سے اسلام آباد جانیوالی نجی ایئر لائن کی پرواز حادثے سے بال بال بچ گئی، رؤف عطارؤف عطا کا کہنا ہے کہ پہلے طیارے میں فنی خرابی کا کہہ کر پرواز کی روانگی میں تاخیر کی گئی، پھر ٹیک آف کے دوران رن وے پر طیارہ اچانک رک گیا۔
لاہور ائیرپورٹ پر پرندوں کی بڑی تعداد نظر آتی ہے جسکی بڑی وجہ لوگوں کا پرندوں کو خوارک ڈالنا ہے، اکثر لوگ ایئرپورٹ کےجنگلے کے قریب پرندوں کو دانہ ڈال کر اپنی بلائیں دور کرتے نظر آتے ہیں، رہی سہی کسر ارد گرد قائم شادی ہال اور مارکیز نکال دیتی ہیں، جن کا بچا کھچا کھانا ان پرندوں کی خوراک بن رہا ہوتا ہے۔
خوراک کی تلاش میں جمع ہونے والی چیلوں اور کوؤں کے جہاز سے ٹکرانے کی وجہ سے جہازوں کےانجن کو نقصان پہنچنے کے کئی واقعات رونما ہو چکے ہیں جبکہ کسی بڑے حادثے کا اندیشہ بھی ہر وقت رہتا ہے۔
ایئرپورٹ پر پرندوں کو بھگانے کے لیے ملازم شکار کرتے تو دیکھے جا سکتے ہیں، مگر خوراک ڈالنے والوں کو روکنے والا کوئی نظر نہیں آتا۔
پرندوں کی بہتات کے باعث چند روز قبل ایئر پورٹ کو صبح 5 سے 8 بجے تک پروازوں کیلئے بند کرنے کا علان کیا گیا تھا، تاہم یہ حیران کن ہے کہ اسی وقت رَن وے کے قریب لوگ پرندوں کو دانہ ڈالتے ہیں حالانکہ وہاں بورڈ آویزاں ہے، جس پر لکھا ہے کہ پرندوں کو دانا ڈالنا منع ہے۔
سول ایوی ایشن حکام کا اس حوالے سے کہنا ہے کہ وہ صرف ایئرپورٹ کی حدود کے ذمے دار ہیں، جبکہ کنٹونمنٹ بورڈ حکام نے رابطہ کرنے پر کہا کہ وہ اس معاملے کو دیکھ کر مناسب بندوبست کریں گے۔
ایران نے اسرائیل کی جارحیت کا بھرپور اور مؤثر جواب دیا: گورنر سلیم حیدر