سنسنی پھیلانے والے بھگوڑے یوٹیوبرز کے چینل بند کرکے کرمنل کارروائی بھی کی جائیگی، طلال چوہدری
اشاعت کی تاریخ: 9th, July 2025 GMT
سنسنی پھیلانے والے بھگوڑے یوٹیوبرز کے چینل بند کرکے کرمنل کارروائی بھی کی جائیگی، طلال چوہدری WhatsAppFacebookTwitter 0 9 July, 2025 سب نیوز
اسلام آباد (سب نیوز)وزیر مملکت برائے داخلہ طلال چوہدری نے کہا ہے کہ جن 27 یو ٹیوب چینلز کو بند کیا جا رہا ہے، ان میں سے زیادہ تر بھگوڑے ہیں، پیسے کمانے اور ریٹنگ بڑھانے کے لیے سنسنی پھیلانے والے یو ٹیوبرز کے خلاف کرمنل کارروائی بھی کی جائے گی۔
اسلام آباد میں صحافیوں سے گفتگو کرتے ہوئے ان کا کہنا تھا کہ بانی پی ٹی آئی عمران خان بار بار این آر او مانگ رہے ہیں، کبھی امریکا سے بندے لے آتے ہیں۔ ان کا کہنا تھا کہ بانی پی ٹی آئی کے اسرائیلی سسرالی تکلیف میں ہیں کہ وہ کیوں سزا بھگت رہے ہیں، عمران خان کے بچے ضرور آئیں تاکہ انہیں پتا چلے کہ ان کے والد نے کیا کھلواڑ کیا۔ طلال چوہدری نے کہا کہ عمران خان کے بچے آئیں گے نہیں، اس بندے کو بچانے کے لئے لابی کام کر رہی ہے، اس لابی کا یہ بچہ ہے، داماد بنایا ہوا ہے۔
عدالت کی جانب سے 27 یوٹیوب چینلز بند کرنے کے حکم کے حوالے سے ان کا کہنا تھا کہ پاکستان میں ایک قانون ہے، اس کی پاسداری کرنی ہوگی۔وزیر مملکت نے کہا کہ پوری دنیا میں سائبر سے متعلق قوانین ہیں، آپ یہ نہیں کر سکتے کہ ہاتھ میں موبائل اٹھا کر فتوے دیں، آپ انتشار کے لیے سوشل میڈیا استعمال نہیں کر سکتے، قوانین کے تحت یہ سب کچھ چل سکتا ہے۔ایک سوال پر کہ چینلز بندش کے حکم کی زد میں آنے والوں میں سے بیشتر کو تو سنا ہی نہیں گیا، وہ کہہ رہے ہیں کہ ہمیں بلا کر ہماری بات تو سن لیتے۔
طلال چوہدری نے جواب دیا کہ یہ زیادہ تر بھگوڑے ہیں، یہ سوشل میڈیا سے پیسے کمانے کے لیے سنسنی پھیلاتے ہیں، سنسنی پھیلا کر ریٹنگ بڑھاتے ہیں۔وزیر مملکت نے کہا کہ جو لوگ صحافتی آداب کے مطابق بات کرتے ہیں، ان کے ویلاگ کو اتنی ریٹنگز اور فالوورز نہیں ملتے، پیسے انہیں ملتے ہیں، ان چینلز اور ویب سائٹ سے اور افرا تفری یہاں پر پھیلاتے ہیں۔طلال چوہدری نے کہا کہ یہ نہیں ہوگا اور ان پر ابھی کرمنل کارروائی بھی ہوگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت اور پاکستان کی نئی نسل اپنی قسمت خود لکھ سکتی ہے، بلاول بھٹو بھارت اور پاکستان کی نئی نسل اپنی قسمت خود لکھ سکتی ہے، بلاول بھٹو آپریشن سندور کی ناکامی، بھارتی عسکری قیادت چین کے کردار پر تقسیم کا شکار اسلام آباد ہائیکورٹ ججز منتقلی و سینیارٹی کیس، سپریم کورٹ فیصلے کے خلاف انٹرا کورٹ اپیلیں دائر قائمہ کمیٹی داخلہ کا اجلاس، ن لیگ اور پیپلز پارٹی رہنماوں کی ایک دوسرے کو دھمکیاں، نبیل گبول کا واک آوٹ، حکومت گرانے کا... پاکستان اور ترکیہ کا علاقائی استحکام کے لئے تعاون جاری رکھنے پر اتفاق وفاقی حکومت کا چینی کی درآمد ٹریڈنگ کارپوریشن آف پاکستان کے ذریعے کرنے کا فیصلہ
Copyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: کرمنل کارروائی بھی طلال چوہدری نے نے کہا کہ
پڑھیں:
محرم الحرام،سائبر پیٹرولنگ سیل سے 1600 سے زائد منافرت پھیلانے والے اکاؤنٹ رپورٹ
کابینہ کمیٹی نے لاہور میں اسلامپورہ، شادمان اور کینٹ کے جلوسوں کی لائیو مانیٹرنگ کی۔ چیئرمین کابینہ کمیٹی برائے امن و امان و صوبائی وزیر صحت خواجہ سلمان رفیق نے کہا کہ تمام اضلاع، داخلی و خارجی راستوں پر کڑی نگرانی اور فول پروف سکیورٹی انتظامات کیے گئے ہیں۔ شہریوں کے جان و مال کا تحفظ حکومت پنجاب کی اولین ترجیح ہے۔ اسلام ٹائمز۔ کابینہ کمیٹی برائے امن و امان نے محکمہ داخلہ کے مرکزی کنٹرول روم کا دورہ کیا اور صوبہ بھر میں 9 اور 10 محرم الحرام کے انتظامات و صورتحال کا تفصیلی جائزہ لیا۔ چیئرمین کابینہ کمیٹی خواجہ سلمان رفیق کی قیادت میں صوبائی وزراء بلال یاسین اور مجتبیٰ شجاع الرحمٰن بھی محکمہ داخلہ پہنچے۔ کابینہ کمیٹی نے پنجاب بھر میں جاری جلوسوں کی سی سی ٹی وی کیمروں کے ذریعے لائیو مانیٹرنگ کی۔ اس موقع پر سیکرٹری داخلہ ڈاکٹر احمد جاوید قاضی نے پنجاب بھر کی صورتحال کےبارے میں بریفنگ دی۔ بریفنگ میں بتایا گیا کہ پولیس کے 1 لاکھ 13 ہزار افسران و جوان سکیورٹی ڈیوٹی پر تعینات ہیں۔ محکمہ داخلہ کے سائبر پیٹرولنگ سیل سے 1600 سے زائد منافرت پھیلانے والے اکاؤنٹ رپورٹ کیے گئے۔ اب تک سوشل میڈیا پر فرقہ واریت پھیلانے والے 170 افراد گرفتار کیے گئے اور مقدمات کا اندراج کیا گیا ہے۔
کابینہ کمیٹی نے لاہور میں اسلامپورہ، شادمان اور کینٹ کے جلوسوں کی لائیو مانیٹرنگ کی۔ چیئرمین کابینہ کمیٹی برائے امن و امان و صوبائی وزیر صحت خواجہ سلمان رفیق نے کہا کہ تمام اضلاع، داخلی و خارجی راستوں پر کڑی نگرانی اور فول پروف سکیورٹی انتظامات کیے گئے ہیں۔ شہریوں کے جان و مال کا تحفظ حکومت پنجاب کی اولین ترجیح ہے۔ سائبر کرائم اور نفرت انگیز مواد پھیلانے والوں کیخلاف زیرو ٹالرینس پالیسی اپنائی جا رہی ہے۔ صوبائی وزیر خزانہ میاں مجتبیٰ شجاع الرحمٰن نے کہا کہ بین المسالک ہم آہنگی کے فروغ کیلئے علمائے کرام سے قریبی رابطہ قائم ہے اور تمام ادارے باہمی رابطے سے امن و امان برقرار رکھنے میں متحرک کردار ادا کر رہے ہیں۔
صوبائی وزیر ہاؤسنگ و اربن ڈویلپمنٹ بلال یاسین نے کہا کہ صوبہ بھر میں پولیس، ضلعی انتظامیہ، ریسکیو، صحت اور صفائی کے محکمے الرٹ اور مکمل ہم آہنگی سے کام کر رہے ہیں۔ محکمہ داخلہ کا مرکزی کنٹرول روم پنجاب بھر کے ضلعی کنٹرول رومز سے منسلک ہے اور اس مؤثر نظام کی بدولت تمام اضلاع سے رئیل ٹائم مانیٹرنگ کی جا رہی ہے۔ سیکرٹری داخلہ پنجاب ڈاکٹر احمد جاوید قاضی نے ہدایت کی کہ تمام عزاداروں کی بحفاظت واپسی تک ڈیوٹی پر مامور افسران فیلڈ میں مستعد رہیں۔ سپیشل سیکرٹری داخلہ فضل الرحمان، کمشنر لاہور زید بن مقصود، ایڈیشنل سیکرٹری انٹرنل سیکیورٹی و دیگر حکام بھی موجود تھے۔
سرنڈر کرنا پاکستان کی ڈکشنری میں نہیں، بھارت مذاکرات کرے(بلاول بھٹو)