گندم اسکینڈل: ن لیگ و پی ٹی آئی کے ایک دوسرے پر الزامات
اشاعت کی تاریخ: 9th, July 2025 GMT
عظمیٰ بخاری اور بیرسٹر سیف—فائل فوٹوز
گندم اسکینڈ ل پر مسلم لیگ ن اور تحریکِ انصاف ( پی ٹی آئی) نے ایک دوسرے پر الزامات لگا دیے۔
مشیرِ اطلاعات خیبر پختون خوا بیرسٹر محمد علی سیف اور وزیرِ اطلاعات پنجاب عظمیٰ بخاری نے گندم اسکینڈل پر ایک دوسرے پر لفظی گولہ باری کی ہے۔
بیرسٹر سیف نے کہا ہے کہ آڈٹ رپورٹ پر خاموشی پنجاب میں لوٹ مار اور کرپشن کا واضح ثبوت ہے۔
انہوں نے کہا کہ پنجاب حکومت 10 کھرب روپے کی مالی بے ضابطگیوں کا جواب دینے سے قاصر ہے۔
عظمیٰ بخاری نے جوابی وار کیا اور کہا کہ بیرسٹر سیف آڈٹ رپورٹ غور سے پڑھیں اس میں آپ کی قیادت کا کچا چٹھا ہے۔
اُن کا کہنا ہے کہ بیرسٹر سیف جس آڈٹ رپورٹ کا ڈھنڈورا پیٹ رہے ہیں، وہ رپورٹ عثمان بزدار اور پرویز الہٰی کے دور کی ہے۔
وزیرِ اطلاعات پنجاب نے کہا کہ جس 10 کھرب کا آپ واویلا کر رہے وہ 2018ء سے 2023ء کی گندم خریداری اور سبسڈی کا ہے، اُس وقت پنجاب میں کسی کی حکومت تھی قوم جانتی ہے۔
یاد رہے کہ آڈیٹر جنرل آف پاکستان کی رپورٹ میں تصدیق کی گئی ہے کہ وفاقی حکومت کا 300 ارب روپے کی گندم امپورٹ کرنے کا فیصلہ بدنیتی پر مبنی تھا، جو ناقابلِ اعتماد ڈیٹا کی بنیاد پر کیا گیا۔
رپورٹ میں بتایا گیا کہ مالی سال 24-2023ء میں گندم امپورٹ کرنے کا فیصلہ وفاقی و صوبائی حکومتوں کے ان دانستہ تاخیری اقدامات کا نتیجہ ہے، جس سے نجی شعبے کو فائدہ جبکہ گندم کے کاشت کاروں اور قومی خزانے کو نقصان پہنچا۔
رپورٹ کے مطابق جس سال یہ گندم امپورٹ کی گئی اس سال ملکی تاریخ میں گندم کی سب سے زیادہ پیداوار ہوئی تھی، وافر اسٹاک ہونے کے باوجود قومی طلب کے اندازے کو جان بوجھ کر بڑھا چڑھا کر پیش کیا گیا۔
رپورٹ کے مطابق حکومت نے منظوری 24 لاکھ میٹرک ٹن امپورٹ کی دی، امپورٹ 35 لاکھ ٹن سے زائد کر لی۔
آڈیٹر جنرل کی یہ رپورٹ بدنامِ زمانہ گندم اسکینڈل کی سنگینی کی سرکاری طور پر تصدیق ہے۔
پنجاب اور سندھ نے کم گندم جاری کر کے مصنوعی قلت اور قیمتوں میں اضافے کے اسباب پیدا کیے۔
.ذریعہ: Jang News
کلیدی لفظ: بیرسٹر سیف
پڑھیں:
وزیراعلیٰ پنجاب کی زیادہ گندم اگاؤ مہم کے تحت کسانوں میں مفت نئے ٹریکٹرز تقسم
شیخوپورہ (اُردو پوائنٹ اخبارتازہ ترین - اے پی پی۔ 07 جولائی2025ء) وفاقی وزیر قومی غذائی تحفظ و تحقیق رانا تنویر حسین نے وزیر اعلیٰ پنجاب مریم نواز شریف کی زیادہ گندم اگاؤ مہم کے تحت کسانوں میں مفت نئے ٹریکٹرز تقسم کئے ۔ٹریکٹرز تقسم کرنے کی تقریب ضلع کونسل ہال میں منعقد ہوئی جس میں ڈپٹی کمشنر شاہد عمران مارتھ ، ممبران صوبائی اسمبلی ، ضلعی افسران سمیت کسانوں کی کثیر تعداد میں شرکت ۔وفاقی وزیر قومی غذائی تحفظ و تحقیق رانا تنویر حسین ، ڈپٹی کمشنر شاہد عمران مارتھ اور ممبران صوبائی اسمبلی نے 34 خوش نصیب کسانوں میں ٹریکٹرز کی چابیاں تقسیم کیں اور ٹریکٹرز کسانوں کے حوالے کیے ۔ وزیر اعلیٰ پنجاب مریم نواز شریف کی جانب سے صوبہ بھر میں زیادہ گندم آگاؤ مہم کے تحت 01 ہزار کسانوں میں مفت ٹریکٹرز تقسیم کیے جا رہے ہیں . حکومت پنجاب کے پروگرام کا مقصد زیادہ رقبہ پر گندم کی کاشت کروانا تھا ۔(جاری ہے)
حکومت پنجاب نے زیادہ پیداوار حاصل کرنے والے کاشتکاروں کی حوصلہ افزائی کے لیے گندم کے پیداواری مقابلہ جات منعقد کروائے ۔حکومت کے ان پروگرامز کے تحت گندم کی فی ایکڑ پیداوار میں نمایاں اضافہ ہوا ہے ۔کسان کسی بھی ملک کی معیشت میں ریڑھ کی ہڈی کی حیثیت رکھتا ہے ۔ وزیر اعلیٰ پنجاب مریم نواز شریف کی قیادت میں کسانوں کی فلاح و بہبود کے لیے میگا پراجیکٹ شروع کیے گئے ہیں ۔ وزیر اعلیٰ پنجاب کی جانب سے کسانوں کی فلاح و بہبود کے لیے کسان کارڈز، گرین ٹریکٹر سکیم ، زرعی ٹیوب ویلوں کی شمسی توانائی پر منتقلی ، سپرسیڈرز سمیت زرعی آلات سمیت دیگر منصوبے شامل ہیں ۔
تنخواہ کے بعد وزرا کے "لیو الاؤنس" میں بھی اضافے کا فیصلہ