فیلڈ مارشل عاصم منیر کی زیر صدارت کور کمانڈرز کانفرنس، بھارت اسپانسرڈ دہشت گردی کے خلاف فیصلہ کن اقدامات پر زور
اشاعت کی تاریخ: 10th, July 2025 GMT
راولپنڈی(نیوز ڈیسک)راولپنڈی میں آج جنرل ہیڈکوارٹرز (جی ایچ کیو) میں فیلڈ مارشل سید عاصم منیر، نشانِ امتیاز (ملٹری) کی زیر صدارت کور کمانڈرز کانفرنس منعقد ہوئی۔ کانفرنس کے آغاز پر بھارتی سپانسرڈ پراکسیوں کے حالیہ دہشت گرد حملوں میں شہید ہونے والے جوانوں کے لیے فاتحہ خوانی کی گئی، اور اُن کی قربانیوں کو خراج تحسین پیش کیا گیا۔
فورم نے دہشت گردوں کے خلاف حالیہ فوجی کارروائیوں میں حاصل ہونے والی کامیابیوں کا تفصیلی جائزہ لیا اور اس عزم کا اعادہ کیا کہ “ہمارے شہداء کا خون رائیگاں نہیں جائے گا۔” اجلاس میں اس بات پر زور دیا گیا کہ عوام کا تحفظ اور قومی سلامتی، پاک فوج کی اولین ترجیحات میں شامل ہے۔
فورم نے اس امر کو اجاگر کیا کہ بھارت، پہلگام واقعے میں اپنی ناکامی کے بعد، فتنہ الخوارج اور فتنہ الہندوستان جیسی پراکسیز کے ذریعے پاکستان میں عدم استحکام پیدا کرنے کی کوششوں میں مصروف ہے۔ فورم نے اس عزم کا اظہار کیا کہ ان پراکسیز کے خلاف ہر سطح پر فیصلہ کن اور جامع کارروائیاں جاری رکھی جائیں گی۔
آرمی چیف نے وزیر اعظم پاکستان کے ہمراہ ایران، ترکیہ، آذربائیجان، سعودی عرب اور متحدہ عرب امارات کے کامیاب سفارتی دوروں پر فورم کو آگاہ کیا۔ انہوں نے امریکہ کے تاریخی اور منفرد دورے کی تفصیلات بھی پیش کیں، جہاں اعلیٰ سطحی امریکی قیادت کو دوطرفہ، علاقائی اور عالمی امور پر پاکستان کا مؤقف براہ راست پیش کیا گیا۔
کانفرنس میں مشرقِ وسطیٰ اور ایران کی موجودہ صورتحال کا بھی جائزہ لیا گیا۔ فورم نے طاقت کے استعمال کو ایک پالیسی ٹول کے طور پر بڑھتی ہوئی عالمی ترجیح پر تشویش کا اظہار کرتے ہوئے کہا کہ یہ رجحان پاکستان کے لیے خود انحصاری، قومی اتحاد اور عزم کی ضرورت کو مزید بڑھا دیتا ہے۔
آرمی چیف نے بھارت کی جانب سے دوطرفہ فوجی کشیدگی میں تیسرے فریق کی شمولیت کی کوششوں کو بلاک سیاست کے فروغ کی ایک ناکام سازش قرار دیا اور کہا کہ دنیا بھارت کے توسیع پسندانہ عزائم اور ہندوتوا انتہاپسندی کے رجحانات سے بخوبی آگاہ ہو چکی ہے۔
آخر میں، آرمی چیف نے پاک فوج کی آپریشنل تیاریوں پر مکمل اعتماد کا اظہار کرتے ہوئے پاک فضائیہ اور پاک بحریہ کے ساتھ ٹرائی سروسز ہم آہنگی کو سراہا۔
.ذریعہ: Daily Ausaf
کلیدی لفظ: فورم نے
پڑھیں:
بدقسمتی سے اسمبلی فورمز کو احتجاج کا گڑھ بنا دیا گیا : ملک محمد احمد خان
لاہور(این این آئی)اسپیکر پنجاب اسمبلی ملک احمد خان نے کہا ہے کہ بدقسمتی سے اسمبلی فورمز کو احتجاج کا گڑھ بنا دیا گیا ہے۔لاہور میں میڈیا سے گفتگو کرتے ہوئے انہوں نے کہا کہ کچھ معاملات ایسے ہیں جن پر آپ کو متفق ہونا پڑے گا، سیاست کو ایک رستہ ملنا چاہیے۔ملک محمد احمد خان کا کہنا ہے کہ وزیراعظم نے بڑی اچھی بات کی ہے کہ انہوں نے بات چیت کے دروازے کو کھولا ہے، بات چیت ہی واحد حل ہوتا ہے۔انہوں نے کہا کہ ہم امن چاہتے ہیں، ہم اکنامک گروتھ چاہتے ہیں۔ صوبوں میں بیٹھے لوگ وفاق سے نہ بات کریں تو بنیادیں ہل جاتی ہیں، جنگوں یا قتل کے بعد بھی بات چیت سے ہی مسئلہ حل کیا جاتا ہے۔ان کا کہنا تھا کہ بھارتی دہشت گردی کے ثبوت دنیا کے سامنے رکھے ہیں، پاکستان نے اپنی سفارتی و جنگی برتری دونوں ثابت کیں، پاکستانی انٹیلی جنس کی برتری کو بھی دنیا نے تسلیم کر لیا، بھارت پاکستان میں دہشت گردی کرتا ہے۔اسپیکر پنجاب اسمبلی نے کہا کہ بھارت بلوچستان میں پیسے دے کر لوگوں کو خرید کر پاکستان میں دہشت گردی کرواتا ہے، پاکستان میں پراکسی کا لبادہ اوڑھ کر بھارتی سرمایہ کاری ہوتی ہے، بھارتی جاسوس کلبھوشن اور جہلم کے اسٹیشن سے بھارتی جاسوس پکڑے، پہلگام واقعے کو بہانہ بنا کر بھارت نے پاکستان پر حملہ کیا، پہلگام واقعے کو چار پانچ ماہ ہو گئے، 150 دنوں میں ثبوت نہ دیا تو الزام کی کیا حیثیت رہ جاتی ہے۔
کیریبین جزائر میں رواں سال کا طاقتور ترین طوفان داخل، 3 افراد ہلاک