قومی ٹیم میں ہیرو اور ناکام عاشق کون؟ سلمان علی آغا نے بتادیا
اشاعت کی تاریخ: 11th, July 2025 GMT
لاہور(سپورٹس ڈیسک)قومی ٹی 20 کرکٹ ٹیم کے کپتان سلمان علی آغا نے پی سی بی ڈیجیٹل کے ساتھ دلچسپ سیشن میں ایک سوال کے جواب میں کہا ہے کہ دوسری کا کبھی سوچا نہیں، ایک شادی سے شوق پورا ہوگیا۔قومی کرکٹ ٹیم پرفلم بنائی تو بابراعظم ہیرو اور حارث رؤف ولن ہوں گے جبکہ عبداللہ شفیق ناکام عاشق ہوں گے۔
تفصیلات کے مطابق پاکستان ٹی ٹونٹی ٹیم کے کپتان سلمان علی آغا سے پی سی بی ڈیجیٹل نے دلچسپ سوال و جواب کا سیشن کیا۔ جس پر قومی ٹیم کے کپتان نے مزاح سے بھرپور جوابات دیے۔
ایک سوال کے جواب میں سلمان علی آغا نے کہا کہ کرکٹر نہ ہوتا تو کوئی بزنس مین ہوتا۔
پاکستان کرکٹ ٹیم میں فلم بنانے میں کھلاڑیوں کے کردار پر سلمان آغا نے دلچسپ جواب دیتے ہوئے کہا کہ کرکٹرز پر فلم میں بابراعظم ہیرو، ولن حارث رؤف،حسن علی کامیڈی، گلوکارفخرزمان اور ناکام عاشق عبداللہ شفیق ہوتا۔
ایک اور سوال کے جواب میں انہوں نے کہا کہ اگر کوئی غائبی طاقت ملے تو دنیا سے سوشل میڈیا ختم کر دوں گا۔
انہوں نے کہا کہ بچپن میں زیادہ کھیلنے اور پڑھائی نہ کرنے پر مار پڑتی تھی۔اب مشکل میں فیملی کے بعد سعود شکیل کو فون کرتا ہوں۔
انہوں نے بتایا کہ بابراعظم ٹیم میں سب سے زیادہ شاہ خرچ ہیں۔شاداب سے بھوک برداشت نہیں ہوتی جبکہ صائم ایوب کھانے کے بے حد شوقین ہیں۔
ایک اور شادی کے سوال پر ان کا کہنا تھا کہ دوسری کا کبھی نہیں سوچا ایک شادی سے شوق پورا ہو گیا۔
آخر میں سوال کے جواب میں انہوں نے کہا کہ اگر آخری گیند پر چھ رنز چاہیے ہوں تو میں حسن نواز کو موقع دوں گا۔
مزیدپڑھیں:ٹرمپ کے ٹیرف کا منہ توڑ جواب دیں گے،برازیلی صدر
ذریعہ
ذریعہ: Daily Ausaf
کلیدی لفظ: سوال کے جواب میں سلمان علی نے کہا کہ انہوں نے
پڑھیں:
کشمیر عالمی تنازع ہے،داخلی معاملہ نہیں، سلامتی کونسل میں پاکستان کا بھارت کو دوٹوک جواب
اقوام متحدہ کی سلامتی کونسل میں پاکستان نے بھارت کے مؤقف کو مسترد کرتے ہوئے واضح کیا ہے کہ جموں و کشمیر نہ بھارت کا اٹوٹ انگ ہے اور نہ ہی اس کا داخلی معاملہ جبکہ بھارت کا امن کا درس دینا حقائق کے منافی اور مضحکہ خیز ہے۔
اقوام متحدہ میں پاکستان کے مستقل مشن کی قونصلر صائمہ سلیم نے سلامتی کونسل کے اجلاس میں بھارتی مؤقف کا جواب دیتے ہوئے کہا کہ بھارت خود مسئلہ کشمیر کو اقوام متحدہ کی سلامتی کونسل میں لے کر آیا تھا، لیکن آج وہ انہی قراردادوں سے انحراف کر رہا ہے۔
انہوں نے کہا کہ مقبوضہ جموں و کشمیر میں انسانی حقوق کی سنگین خلاف ورزیاں بدستور جاری ہیں اور کشمیری عوام کو ان کے بنیادی حقوق سے محروم رکھا جا رہا ہے۔ ان کا کہنا تھا کہ بھارت کے انکار سے کشمیر کی بین الاقوامی قانونی حیثیت تبدیل نہیں ہو سکتی۔
پاکستانی قونصلر نے کہا کہ بھارت کا امن کا درس دینا مضحکہ خیز ہے، کیونکہ خطے میں کشیدگی بڑھانے اور بین الاقوامی قوانین کی خلاف ورزی کے متعدد اقدامات خود بھارت سے منسوب ہیں۔
صائمہ سلیم نےسندھ طاس معاہدے کی معطلی سے متعلق بھارتی فیصلے پر بھی شدید تحفظات کا اظہار کرتے ہوئے کہا کہ یہ اقدام بین الاقوامی قانون اور معاہدوں کی خلاف ورزی ہے۔ انہوں نے کہا کہ دریائے سندھ کا پانی لاکھوں لوگوں کے لیے زندگی کا ذریعہ ہے، اسے کسی صورت جنگ یا دباؤ کے ہتھیار کے طور پر استعمال نہیں کیا جا سکتا۔
انہوں نے مزید کہا کہ بھارت سے منسلک دہشت گردی کے نیٹ ورکس کی سرگرمیاں عالمی سطح تک پھیل چکی ہیں، جبکہ بھارت میں ہندوتوا نظریات کے فروغ نے اسلاموفوبیا کو ریاستی پالیسی کی شکل دے دی ہے، جس کے باعث مذہبی اقلیتوں کو سنگین چیلنجز کا سامنا ہے۔
پاکستان نے سلامتی کونسل میں ایک بار پھر اس عزم کا اعادہ کیا کہ جموں و کشمیر کے تنازع کا پائیدار حل صرف اقوام متحدہ کی سلامتی کونسل کی قراردادوں اور کشمیری عوام کی خواہشات کے مطابق ہی ممکن ہے، جبکہ خطے میں امن و استحکام کے لیے بین الاقوامی قوانین اور معاہدوں کا احترام ناگزیر ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم