سکھر،غیر قانونی پلازوں کی بھرمار،ادارے غفلت میں مبتلا
اشاعت کی تاریخ: 13th, July 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) سکھر میں غیر قانونی پلازوں کی بھرمار، ایس بی سی اے کی غفلت یا ملی بھگت؟ متعدد شہریوں سے کروڑوں روپے کا فراڈ، متاثرین انصاف کے لیے دربدر، بیوہ خاتون کی دہائی، سکھر شہر میں سندھ بلڈنگ کنٹرول اتھارٹی (SBCA) کی غفلت ، چشم پوشی یا مبینہ ملی بھگت کے باعث متعدد غیر قانونی کمرشل و رہائشی پلازے تعمیر کیے جا چکے ہیں، جن کا نہ صرف کوئی باضابطہ ریکارڈ اتھارٹی کے پاس موجود نہیں بلکہ ان میں قائم فلیٹس کروڑوں روپے میں فروخت کرکے شہریوں کو لوٹنے کا سلسلہ بھی جاری ہے۔ذرائع کے مطابق پرانا سکھر اور ملحقہ علاقوں میں غیر قانونی طور پر بننے والے کئی پلازے سندھ بلڈنگ کنٹرول اتھارٹی کی منظوری کے بغیر تعمیر کیے گئے۔ ان پلازوں میں بسم اللہ اپارٹمنٹس کا معاملہ خاص طور پر سنگین نوعیت اختیار کر چکا ہے، جہاں خریداروں کو ایک ہی فلیٹ متعدد افراد کو فروخت کر کے مالی نقصان پہنچایا گیا ہے۔بیوہ خاتون کی دہائی جمع پونجی لٹ گئی، انصاف دلایا جائے۔بسم اللہ اپارٹمنٹس کی متاثرہ خاتون، مسمات سیدہ رفیعہ سلطانہ زوجہ اعجاز احمد، جو کہ ایک بیوہ ہیں، نے میڈیا سے گفتگو کرتے ہوئے کہا کہ انہوں نے ایک اسٹیٹ ایجنسی کے ذریعے اپنی زندگی بھر کی جمع پونجی، 31 لاکھ روپے، فرسٹ فلور پر ایک فلیٹ خریدنے پر خرچ کیے، لیکن بعد ازاں انکشاف ہوا کہ وہی فلیٹ کسی اور کو بھی فروخت کیا جا چکا ہے۔متاثرہ خاتون کا کہنا ہے کہ نہ صرف پلازہ مالکان بلکہ اسٹیٹ ایجنسی کے ذمہ داران بھی ان کی رقم واپس کرنے سے انکاری ہیں اور مسلسل دھونس و دھمکیوں کا سامنا کرنا پڑ رہا ہے۔ ان کا مزید کہنا تھا کہ سندھ بلڈنگ کنٹرول اتھارٹی کے دفتر میں جا کر معلوم ہوا کہ بسم اللہ اپارٹمنٹس کا کوئی ریکارڈ ہی موجود نہیں۔سندھ بلڈنگ کنٹرول اتھارٹی بھی لاعلم خبر کے حوالے سے رابطہ کرنے پر ایس بی سی اے کے افسران نے اس بات کی تصدیق کی کہ مذکورہ پلازہ ان کے پاس رجسٹرڈ نہیں اور نہ ہی اس کی منظوری یا کوئی دیگر فائل دستیاب ہے، جو ادارے کی کارکردگی پر کئی سوالات اٹھا دیتا ہے۔
.ذریعہ: Jasarat News
کلیدی لفظ: سندھ بلڈنگ کنٹرول اتھارٹی
پڑھیں:
ڈپٹی میئرکراچی سلمان مراد کے ایم سی بلڈنگ میں کونسل اجلاس کی صدارت کررہے ہیں
data-id="863a0a8" data-element_type="widget" data-widget_type="theme-post-content.default"> جسارت نیوز
گلزار
یونیورسٹی روڈ کی خستہ حالت کے باعث پیدا ہونے والی گرد و غبار سے شہریوں کو روزانہ مشکلات کا سامنا کرنا پڑ رہا ہے