نیویارک: مسلم پولیس افسر کی تدفین میں حجاب پہننے پر سیاسی ہنگامہ
اشاعت کی تاریخ: 4th, August 2025 GMT
نیویارک کی گورنرکیتھی ہوکل نے مسلم پولیس افسر کے جنازے میں حجاب پہننے پرسینیٹر ٹیڈ کروز کی تنقید کو مسترد کردیا ہے۔
نیویارک کی گورنر کیتھی ہوکل نے ایک مسلم پولیس افسر کے جنازے میں شرکت کے دوران حجاب پہننے پر تنقید کرنے والے ریپبلکن سینیٹر ٹیڈ کروز کو شدید جواب دیا ہے۔
کیتھی ہوکل نے سماجی رابطے کے پلیٹ فارم ایکس پر لکھا کہ میں نے نیویارک پولیس ڈیپارٹمنٹ کے ایک شہید مسلم افسر کے جنازے میں شرکت کے دوران ان کی عزت میں حجاب پہنا۔ ’سوگوار خاندان کے عقیدے کا احترام کرنا وہی کام ہے جو کسی بھی رہنما یا مہذب شخص کو کرنا چاہیے۔‘
یہ بھی پڑھیں: نیویارک کے آفس ٹاور میں فائرنگ، پولیس افسر سمیت 5 افراد ہلاک
یہ بیان سینیٹر ٹیڈ کروز کی ایک پوسٹ کے جواب میں آیا، جنہوں نے جمعے کو گورنر ہوکل کی جنازے میں حجاب پہنے ایک تصویر کو شیئر کرتے ہوئے استعجابیہ طنز کے ساتھ لکھا کہ ارے، یہ کیا، جس پرسوشل میڈیا صارفین نے انہیں آڑے ہاتھوں لے لیا۔
سوشل میڈیا صارفین نے کروزکی منافقت کی نشاندہی کرتے ہوئے 2016 کی ایک تصویر سامنے لائی، جس میں وہ نیویارک کے برائٹن بیچ کے یہودی مرکزمیں انتخابی مہم کے دوران یہودیوں کی مذہبی ٹوپی یارمُلکے میں نظر آ رہے ہیں۔
کیتھی ہوکل کے جواب کے بعد، سینیٹر کروز نے دوبارہ ایک طنزیہ تبصرہ کیا کہ وہ متفق ہیں۔ ’آپ کو روزانہ حجاب پہننا چاہیے کیونکہ آپ واقعی بہت مہذب ہیں، نیویارک میں خواتین کے حقوق کی فکر چھوڑ دیں… وہ تو آپ کی ترجیح ہی نہیں۔‘
مزید پڑھیں: سینیٹر ٹیڈ کروز نے 9 دسمبرکو امریکی سیاست کا بدنام لمحہ کیوں قرار دیا؟
یہ واضح نہیں ہو سکا کہ سینیٹر ٹیڈ کروز کا ’خواتین کے حقوق‘ سے کیا مطلب تھا، اور ان کے دفتر نے اس پرکوئی وضاحت بھی فراہم نہیں کی، اسی طرح گورنر کیتھی ہوکل کے دفتر نے بھی فوری طور پر تبصرہ کرنے سے گریز کیا۔
کیتھی ہوکل نے نیویارک پولیس ڈیپارٹمنٹ کے مسلمان افسر دیدارالاسلام کے جنازے میں شرکت کی تھی، جو پچھلے ہفتے مین ہٹن میں ایک فائرنگ کے واقعے میں ہلاک ہو گئے تھے، حملہ آور نے مین ہیٹن میں واقع ایک فلک بوس عمارت میں، جہاں نیشنل فٹبال لیگ ہیڈکوارٹرزبھی قائم ہے، 4 افراد کو گولی مار کر ہلاک کرنے کے بعد خودکشی کر لی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی سینیٹر برائٹن بیچ ٹیڈ کروز حجاب دیدارالاسلام ریپبلکن کیتھی ہوکل گورنر نیویارک نیویارک پولیس ڈیپارٹمنٹ یہودی مرکز.ذریعہ: WE News
کلیدی لفظ: امریکی سینیٹر برائٹن بیچ ٹیڈ کروز دیدارالاسلام ریپبلکن گورنر نیویارک یہودی مرکز کے جنازے میں پولیس افسر
پڑھیں:
ٹام کروز اور آنا دے آرمس کی علیحدگی کے بعد بھی دوستی برقرار
ہالی ووڈ اداکار ٹام کروز اور آنا دے آرمس کے درمیان علیحدگی ہوچکی ہے، تاہم دونوں کے درمیان کوئی تلخی نہیں پائی جاتی وہ دونوں ابھی بھی دوست ہیں۔
امریکی جریدے یو ایس ویکلی کے مطابق دونوں نے مصروف پیشہ ورانہ مصروفیات اور تیز رفتاری سے آگے بڑھنے والے تعلق کے باعث باہمی رضامندی سے علیحدگی اختیار کی۔
63 سالہ ٹام کروز سے تعلقات کے دوران آنا دے آرمس اپنی نئی فلم بیلرینا اور دیگر منصوبوں میں بھی مصروف تھیں۔
رپورٹس کے مطابق وہ دونوں اب بھی دوستانہ تعلق رکھنا چاہتے ہیں، مگر آنا کو کچھ وقت اور فاصلہ درکار تھا۔
رپورٹ میں بتایا گیا کہ دونوں کے درمیان فلم ڈیپر (Deeper) کی تیاری کے دوران ناقابلِ انکار کیمسٹری دیکھی گئی، جو ایک ماورائی تھرلر فلم ہے اور فی الحال مؤخر کر دی گئی ہے۔
رپورٹس کے مطابق وہ روزانہ ایک ساتھ پانی کے اندر فلمبندی کے مشکل مناظر کی تربیت کرتے تھے، ابتدا میں یہ صرف پیشہ ورانہ احترام تھا، مگر پھر جذبات نے جنم لیا، ٹام آنا سے پوری طرح متاثر ہو گئے تھے۔
کہا گیا کہ ذاتی طور پر آنا کو ٹام کی صحبت پسند تھی، وہ ان کے ساتھ خوش رہتی تھیں اور انہیں ٹام کی سب سے زیادہ یہ بات اچھی لگتی تھی کہ وہ ان کے ہر فیصلے میں بھرپور تعاون کرتے تھے۔
پشاور میں ہسپانوی ثقافت کی جھلک، فلیمنکو رقص نے سماں باندھ دیا