شہناز گل کی طبیعت ناساز، اسپتال میں داخل
اشاعت کی تاریخ: 5th, August 2025 GMT
بھارتی اداکارہ اور سوشل میڈیا کی مقبول شخصیت شہناز گل طبیعت ناساز ہونے کے باعث اسپتال میں داخل ہوگئیں۔
بھارتی میڈیا کے مطابق اداکارہ شہناز گل اس وقت ممبئی کے ایک اسپتال میں زیرعلاج ہیں۔ ان کی صحت خراب ہونے کی اصل وجہ تاحال سامنے نہیں آ سکی، تاہم ذرائع کے مطابق ان کی حالت میں بہتری آرہی ہے۔
یہ خبر سب سے پہلے ان کے بھائی شہباز بدرشاہ نے ایک ویڈیو کال کا اسکرین شارٹ شیئر کرتے ہوئے دی، جس میں شہناز کو اسپتال کے بستر پر دیکھا جا سکتا ہے۔
اس موقع پر اداکار کرن ویر مہرا جو حال ہی میں بگ باس 18 کے فاتح قرار پائے ہیں، شہناز کی عیادت کے لیے اسپتال پہنچے۔ انہوں نے انسٹاگرام پر ایک ویڈیو شیئر کرتے ہوئے مداحوں سے شہناز کی جلد صحتیابی کے لیے دعاؤں کی اپیل کی۔
View this post on InstagramA post shared by Pinkvilla Telly (@pinkvillatelly)
ویڈیو میں شہناز گل کو اسپتال کے بستر پر لیٹے دیکھا جاسکتا ہے کہ ان کے ہاتھ پر ڈرپ لگی ہے اور پٹیاں بندھی ہوئی ہیں۔
یاد رہے کہ شہناز گل نے فلم "تھنک یو فار کمنگ" اور "کسی کا بھائی کسی کی جان" سمیت کئی فلموں میں کام کیا ہے۔ دوسری جانب کرن ویر مہرا، بگ باس جیتنے کے بعد اومنگ کمار کی فلم "سیلا" کی شوٹنگ میں مصروف ہیں۔
.ذریعہ: Express News
کلیدی لفظ: شہناز گل
پڑھیں:
غزہ میں صرف 36 امدادی ٹرک داخل، بچوں میں قحط شدت اختیار کر گیا
غزہ کی گورنمنٹ میڈیا آفس کے مطابق ہفتے کے روز صرف 36 امدادی ٹرک غزہ میں داخل ہو سکے، جو اقوام متحدہ کے مطابق روزانہ کی ضروریات کے لیے درکار 500 سے 600 ٹرکوں سے کہیں کم ہیں۔
الجزیرہ کی رپورٹ کے مطابق، میڈیا آفس نے بتایا کہ زیادہ تر امدادی ٹرکوں کو تقسیم سے پہلے ہی لوٹ لیا گیا، اور اس صورتحال کی ذمہ داری اسرائیل پر عائد کی گئی ہے جس پر "منظم اور دانستہ طور پر سیکیورٹی کی افراتفری کو فروغ دینے" کا الزام لگایا گیا ہے۔
دفتر نے اپنے بیان میں کہا: "قحط غزہ کے بچوں کو نگل رہا ہے اور عالمی برادری شرمناک خاموشی اختیار کیے ہوئے ہے۔"
بیان میں مطالبہ کیا گیا کہ "فوری طور پر بارڈر کراسنگ کھولی جائیں اور مناسب مقدار میں امداد اور بچوں کے لیے دودھ داخل ہونے کی اجازت دی جائے۔"
ہم پاکستان کو فارما، لیدر، پلاسٹک، کیمیکلز، چائے برآمد کرسکتے ہیں، بنگلہ دیشی ڈپٹی ہائی کمشنر