گلوکارہ آئمہ بیگ رشتہ ازدواج میں منسلک ہوگئیں
اشاعت کی تاریخ: 7th, August 2025 GMT
کراچی (نیٹ نیوز) معروف گلوکارہ آئمہ بیگ رشتہ ازدواج میں منسلک ہوگئیں۔ آئمہ بیگ نے مداحوں سے دعاؤں کی درخواست کی ہے۔ انہوں نے کہا ہے کہ میں نے قریبی دوست سے شادی کر لی ہے۔ ابھی یہ سب کچھ خواب سا لگ رہا ہے۔ دعا کریں ہم ایک نیا سفر شروع کر رہے ہیں۔
.ذریعہ: Nawaiwaqt
پڑھیں:
آئمہ بیگ نے شادی کی تصدیق کردی، جوڑے کی دلکش تصاویر جاری
لاہور ( اُردو پوائنٹ اخبارتازہ ترین۔ 06 اگست 2025ء ) گلوکارہ آئمہ بیگ نے شادی کی تصدیق کرتے ہوئے دلکش تصاویر شیئر کردیں۔ تفصیلات کے مطابق پاکستانی پاپ سنسنیشن آئمہ بیگ نے باضابطہ طور پر اپنے دوست زین احمد کے ساتھ شادی کی تصدیق کی ہے، اس حوالے سے جاری کی گئی ایک انسٹاگرام پوسٹ میں انہوں نے لکھا کہ ’سب سے اچھے دوست سے میری شادی کل رات ہوئی جو اب بھی ایک خواب کی طرح محسوس ہوتا ہے لیکن یہ حقیقت میں ہوا ہے‘۔ آئمہ بیگ نے اپنے مداحوں سے درخواست کی کہ ’ہمیں اپنی دعاؤں میں یاد رکھیں کیوں کہ ہم اس نئے باب کا ایک ساتھ آغاز کریں گے،، جب کہ اس پوسٹ کے لائیو ہونے کے فوری بعد شائقین کی جانب سے سوشل میڈیا پر مبارکباد اور نیک تمناؤں کے پیغامات بھیجنے کا سلسلہ شروع ہوگیا۔(جاری ہے)
ذرائع کا کہنا ہے کہ آئمہ بیگ اور زین احمد نے کینیڈا میں ایک سادہ اور نجی تقریب میں نکاح کیا، آئمہ اور زین کو مختلف مواقع پر ایک ساتھ دیکھا گیا اور انہوں نے کچھ عرصہ قبل اپنے تعلق کا باضابطہ طور پر اظہار بھی کیا تھا، اس سے قبل گلوکارہ آئمہ بیگ نے معروف ماڈل، ہدایتکار و اداکار شہباز شگری سے منگنی کی تھی، انہوں نے شہباز شگری کے ساتھ 21 مارچ 2021ء کو منگنی کی اور دونوں ایک ساتھ تصاویر بھی شیئر کرتے رہتے تھے، تاہم ستمبر 2022ء میں آئمہ نے شہباز شگری کے ساتھ منگنی توڑنے کا اعلان کرتے ہوئے یہ رشتہ ختم کردیا تھا جس کے بعد سے آئمہ کو زین احمد کے ساتھ متعدد مرتبہ دیکھا گیا اور دونوں اب باقاعدہ طور پر رشتہ ازدواج میں منسلک ہوچکے ہیں۔
بلوچستان میں ایک اور سفاکانہ واردات: پسند کی شادی پر بھائیوں نے حاملہ بہن اور شوہر کو قتل کر دیا