عاطف خان، شاہد خٹک، مشال یوسفزئی کی حفاظتی ضمانت منظور
اشاعت کی تاریخ: 7th, August 2025 GMT
شاہد خٹک، مشال یوسفزئی، عاطف خان—فائل فوٹوز
پشاور ہائی کورٹ نے پی ٹی آئی رہنما عاطف خان، شاہد خٹک اور مشال یوسفزئی کی حفاظتی ضمانت کی درخواستیں منظور کر لیں۔
عدالتِ عالیہ کے جسٹس سید ارشد علی اور جسٹس فرح جمشید پر مشتمل بینچ نے درخواستوں پر سماعت کی۔
پشاور ہائی کورٹ نے تینوں درخواست گزاروں کو 13 اگست تک حفاظتی ضمانت دے دی۔
جسٹس ارشد علی نے ریمارکس میں کہا کہ ہم حفاظتی ضمانت دیتے ہیں، آپ اسلام آباد ہائی کورٹ یا لاہور ہائی کورٹ سے رجوع کریں۔
درخواست گزار کے وکیل نے استدعا کی کہ اسلام آباد کی حد تک مقدمات کی تفصیلات ہمیں فراہم کریں۔
یہ بھی پڑھیے مشال یوسفزئی کی حفاظتی ضمانت، گرفتار نہ کرنے کا حکماسسٹنٹ اٹارنی جنرل نے کہا کہ اگر ان کے خلاف ایف آئی آرز ہیں تو متعلقہ فورم سے رجوع کریں۔
جسٹس سید ارشد علی نے کہا کہ آپ دونوں نے ہمارے لیے بڑا مسئلہ پیدا کیا ہے، آپ ایک دوسرے کے ساتھ کھیلتے ہیں اور مسائل ہمارے لیے پیدا کرتے ہیں۔
اس موقع پر پی ٹی آئی کی خاتون رہنما مشال یوسفزئی بھی عدالت میں پیش ہوئیں۔ جسٹس سید ارشد علی نے مشال یوسفزئی سے سوال کیا کہ آپ کون ہیں؟
مشال یوسفزئی نے جواب دیا کہ میں سینیٹر ہوں اور میرے خلاف بھی اس طرح کے مقدمات ہیں، میرے خلاف اسلام آباد میں مقدمات درج ہیں، ہم عدالتوں میں سرینڈر کر رہے ہیں، اسلام آباد کی عدالتوں میں پیش ہو رہے ہیں، ایک عدالت میں پیش ہوتے ہیں تو دوسری ایف آئی آر میں چارج کیا جاتا ہے، میں نے سینیٹ کی رکنیت کا حلف بھی اٹھانا ہے، حفاظتی ضمانت میں وقت زیادہ دیا جائے۔
عاطف خان نے کہا کہ قومی اسمبلی سیشن شروع ہے اور میں نہیں جا سکتا۔
پشاور ہائی کورٹ نے 13 اگست تک درخواست گزاروں کو حفاظتی ضمانت دے دی۔
.
ذریعہ
ذریعہ: Jang News
کلیدی لفظ: مشال یوسفزئی حفاظتی ضمانت اسلام ا باد ہائی کورٹ ارشد علی کہا کہ
پڑھیں:
امریکی ایوان نمائندگان کی ٹرمپ کو ایران جنگ روکنے کی ہدایت، قرارداد منظور
امریکا کے ریپبلکن اکثریتی ایوان نمائندگان (ہاؤس آف ریپریزنٹیٹوز) نے صدر ڈونلڈ ٹرمپ کو ایران کے خلاف امریکی فوجی کارروائیاں روکنے کی ہدایت دینے والی قرارداد منظور کر لی جسے کانگریس کی جانب سے صدر ٹرمپ کے لیے ایک اور علامتی پیغام قرار دیا جا رہا ہے۔
یہ بھی پڑھیں: آبنائے ہرمز میں کسی بھی جہاز پر حملہ ہوا تو ایران کا بنیادی ڈھانچہ تباہ کردیں گے، ڈونلڈ ٹرمپ کی دھمکی
قرارداد 214 کے مقابلے میں 208 ووٹوں سے منظور ہوئی جبکہ چار ریپبلکن ارکان نے بھی ڈیموکریٹس کا ساتھ دیتے ہوئے اس کی حمایت کی۔
یہ قرارداد واشنگٹن سے تعلق رکھنے والی ڈیموکریٹ رکن پرامیلا جے پال نے پیش کی جس میں صدر ٹرمپ کو ہدایت دی گئی ہے کہ کانگریس کی منظوری کے بغیر ایران کے خلاف امریکی مسلح افواج کی کارروائیاں بند کی جائیں۔
تاہم ماہرین کے مطابق اس قرارداد کی حیثیت زیادہ تر علامتی ہے، کیونکہ حالیہ مہینوں میں بھی کانگریس اس نوعیت کی متعدد قراردادیں منظور کر چکی ہے مگر ان کے نتیجے میں جنگی کارروائیاں نہیں رک سکیں۔
مزید پڑھیے: ایران مذاکرات کے لیے بے تاب، لیکن بامعنی بات چیت ہی ہوگی، ڈونلڈ ٹرمپ
قرارداد کی حمایت کرنے والے چار ریپبلکن ارکان میں ٹام بیریٹ (مشی گن)، برائن فٹزپیٹرک (پنسلوانیا)، وارن ڈیوڈسن (اوہائیو) اور تھامس میسی (کینٹکی) شامل ہیں۔
Today, the House PASSED my bipartisan War Powers Resolution to end the war in Iran by a vote of 214-208.
This is a big victory for the vast majority of Americans who want President Trump to end this illegal war and focus on their lives right here at home. pic.twitter.com/ZaE3NtTJdP
— Rep. Pramila Jayapal (@RepJayapal) July 23, 2026
اگرچہ ریپبلکن پارٹی کو ایوان نمائندگان اور سینیٹ دونوں میں معمولی برتری حاصل ہے تاہم اس قرارداد کی منظوری کو صدر ٹرمپ کی پالیسیوں پر اپنی ہی جماعت کے بعض ارکان کے تحفظات کی علامت بھی قرار دیا جا رہا ہے۔
ادھر امریکی سینیٹ میں بھی ایران سے متعلق ایک علیحدہ مگر ملتی جلتی قرارداد پر ووٹنگ متوقع تھی۔
یہ پیشرفت ایسے وقت میں سامنے آئی ہے جب صدر ٹرمپ نے ایران کے خلاف فوجی کارروائیوں میں مزید شدت لانے کا اعلان کیا ہے اور امریکی فوجیوں کی ہلاکتوں کی بھی تصدیق کی ہے۔
مزید پڑھیں: ایران کو ایک امریکی فوجی کے قتل کی کئی گنا زیادہ قیمت چکانی پڑےگی، ڈونلڈ ٹرمپ کی تہران کو وارننگ
صدر ٹرمپ نے جمعرات کو ایران اور اس کے اتحادی یمنی حوثی گروپ کو بڑی فوجی سزا دینے کا عندیہ دیا۔ دوسری جانب، عارضی جنگ بندی کے مؤثر طور پر ختم ہونے کے 2 ہفتے بعد امریکی فوج نے ایران پر ایک اور رات فضائی حملے کیے، جس کے جواب میں ایران نے پڑوسی ممالک میں قائم امریکی فوجی اڈوں کو نشانہ بنایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ایوان نمائندگان ایران امریکا کشیدگی ٹرمپ کو جنگ روکنے کی ہدایت ڈیموکریٹ رکن پرامیلا جے پال ہاؤس آف ریپریزنٹیٹوز
ٹی20 ورلڈ کپ 2026: پاکستان نے سپر 8 کے لیے جگہ پکی کر لی