میزائلوں میں بارود کی جگہ پھول بھرنے والے امن کے پیامبر
اشاعت کی تاریخ: 8th, August 2025 GMT
سنہ 1979 میں شروع ہونے والی افغان سویت وار میں جہاں وقت کی سپر پاور نے 10 برسوں پر محیط اس جنگ میں افغانستان کے بیشتر علاقوں پر میزائل اور مارٹر گولے برسائے وہیں اس آتشیں ’بارش‘ کے کچھ قطرے پاکستان پر بھی برسے۔
افغانستان سے ملحقہ پاکستان کے سرحدی ضلع خیبر کی تحصیل لنڈی کوتل میں بھی بیشتر میزائل شلمان، طورخم، باچہ مینا، اشخیل اور دیگر علاقوں پر آگرتے جن سے جانی نقصان تو نہیں ہوا البتہ کچھ مکانات کو ضرور نقصان پہنچا تھا۔
ان میزائلوں کو قبائلی علاقوں میں لوگ کباڑ کے طور پر بیچتے یا ان سے چارپائی کے پاؤں بناتے تھے۔ روسی ساختہ ان میزائلوں میں 2 بڑے میزائلوں کے خالی ڈھانچوں سے قبائلی مشر ملک ماصل خان شینواری نے اپنے حجرے کے لان کے لیے گملے بنائے ہیں جن میں انہوں نے پھول اگائے ہیں۔
ملک ماصل خان شینواری کہتے ہیں کہ ان کا یہ مقصد دنیا کو قبائلی عوام کی امن پسندی دکھانا ہے۔ وہ کہتے ہیں کہ ان کے پاس ایسے مزید ڈھانچے تھے جو ان کے دوست لے گئے۔
ماصل خان شینواری کہتے ہیں کہ باہر سے جو لوگ ان کی رہائش گاہ اور حجرے آکر دیکھتے ہیں تو وہ بہت خوش ہو جاتے ہیں اور ان کے ساتھ تصاویر بھی بنواتے ہیں۔
انہوں نے کہا کہ ان کی خواہش ہے کہ دنیا امن کا گہوارہ بن جائے اور عالمی قوتیں جنگ کی بجائے امن کو ترجیح دیں۔
ماصل خان شینواری کے بقول وہ پھولوں اور درختوں کا بے پناہ شوق رکھتے ہیں اور ان 2 گملوں کی بھی بہت حفاظت کرتے ہیں کیونکہ یہ عام نہیں بلکہ وہ گملے ہیں جن کو بارود کی بجائے پھولوں سے بھردیا گیا ہے۔
انہوں نے کہا کہ ان گملوں میں انہوں نے بہترین پھول اگائے ہیں جو ماحول دوستی اور امن کا ثبوت پیش کرتے ہیں۔ دیکھیے یہ انوکھا پیغام دیتی ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پھول بھرے میزائل خیبر لنڈی کوتل مارٹر گولے میزائل.ذریعہ: WE News
کلیدی لفظ: پھول بھرے میزائل لنڈی کوتل مارٹر گولے ماصل خان شینواری انہوں نے
پڑھیں:
دنیا کی مہنگی ترین کافی، ایک کپ کی قیمت ہوش اڑا دے
کافی کا شوق اب صرف روزمرہ کی عادت نہیں رہا بلکہ یہ لگژری مشروب بن چکا ہے۔ دبئی کے ایک کیفے نے دنیا کی سب سے مہنگی کافی پیش کر کے نیا ریکارڈ قائم کیا ہے۔ جس کی قیمت 3,600 درہم (تقریباً 87,000 روپے) ہے۔
اس مہنگی کافی کے لیے استعمال ہونے والے بینز کا نام Nido 7 Geisha ہے، جو پاناما کے بارو آتش فشاں کے قریب محدود مقدار میں اگائے جاتے ہیں۔ یہ بینز Best of Panama نیلامی میں تقریباً مکمل اسکور حاصل کر چکے ہیں اور عالمی کافی شائقین کے لیے خاص اہمیت رکھتے ہیں۔ کیفے نے اس نایاب بینز کا پورا اسٹاک 2.2 ملین درہم (تقریباً 5.3 کروڑ روپے) میں خریدا ہے، اور صرف 400 کپ کی محدود مقدار میں پیش کیا جا رہا ہے۔
یہ بھی پڑھیں: چائے یا کافی، لوگ کس مشروب کو زیادہ پسند کرتے ہیں؟
اس کافی کو پیش کرنے سے قبل مہمانوں کو بینز کی کہانی سنائی جاتی ہے اور کافی بغیر کسی چینی یا دودھ کے پیش کی جاتی ہے۔ کافی پینے والے اس کے ذائقے میں چمبیلی، ترش پھل، شہد اور اسٹون فروٹ کے نوٹس محسوس کرتے ہیں۔
دبئی اس قسم کی اعلیٰ معیار کی کافی کے لیے بہترین مقام سمجھا جاتا ہے، کیونکہ یہاں منفرد اور لگژری تجربات کے شوقین افراد کی بڑی تعداد موجود ہے۔ کیفے کے مطابق اس کافی نے بین الاقوامی سطح پر شائقین اور کلیکٹرز کو اپنی جانب راغب کیا ہے۔
یہ بھی پڑھیں: رواں برس غذائی اخراجات میں ہونے والے نصف سے زیادہ اضافے کا سبب چائے اور کافی کیوں؟
ماہرین کے مطابق، یہ صرف مہنگی کافی پیش کرنے کا معاملہ نہیں بلکہ اسپیشلٹی کافی کے شعبے میں جدت اور لگژری تجربات کو فروغ دینے کی نشانی ہے۔
اس سے قبل بھی دبئی کے مقامی برانڈ روسٹرز اسپیشیالٹی کافی ہاؤس نے سب سے مہنگی کافی کی پیالی پیش کر کے عالمی ریکارڈ قائم کیا تھا، جہاں ایک کپ کی قیمت 2500 درہم رکھی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دبئی دنیا کی مہنگی کافی عالمی ریکارڈ کافی مہنگی کافی
یوسف تاریگامی کا بھارت میں آزادی صحافت کی سنگین صورتحال پر اظہار تشویش