پاکستان کے زرمبادلہ کے ذخائر 20 ارب ڈالر سے تجاوز کر گئے
اشاعت کی تاریخ: 7th, August 2025 GMT
وزیر مملکت برائے خزانہ بلال اظہر کیانی نے کہا ہے کہ پاکستان کے زرمبادلہ کے ذخائر 20 ارب ڈالر سے تجاوز کر چکے ہیں۔
جمعرات کو اسلام آباد میں ایک تقریب سے خطاب کرتے ہوئے انہوں نے بتایا کہ اسٹیٹ بینک آف پاکستان کے پاس 15 ارب ڈالر جبکہ کمرشل بینکوں کے پاس 5.5 ارب ڈالر موجود ہیں۔
انہوں نے کہا کہ پاکستان نے معاشی استحکام کی جانب نمایاں پیش رفت کی ہے، مہنگائی اور پالیسی ریٹ میں کمی آئی ہے۔ اب ہمارا ہدف معیشت کو پائیدار اور جامع ترقی کی راہ پر گامزن کرنا ہے۔
انہوں نے بتایا کہ برآمدات میں اضافے کے لیے ٹیرف اصلاحات سمیت مختلف اقدامات کیے جا رہے ہیں اور معیشت کو ڈیجیٹلائز کرنے پر بھی حکومت کی توجہ مرکوز ہے۔ ایف بی آر میں بھی اصلاحات جاری ہیں تاکہ ٹیکس محصولات میں اضافہ کیا جا سکے۔
اشتہار
ذریعہ: Al Qamar Online
کلیدی لفظ: ارب ڈالر
پڑھیں:
ٹرمپ نے بطور صدر ملنے والی اپنی پہلی تنخواہ کہاں خرچ کی؟
سابق امریکی صدر ڈونلڈ ٹرمپ نے اعلان کیا ہے کہ انہوں نے اپنی دوسری مدتِ صدارت کے دوران ملنے والی پہلی تنخواہ عطیہ کر دی ہے۔ سوشل میڈیا پلیٹ فارم ’ٹروتھ سوشل‘ پر جاری بیان میں ٹرمپ نے کہا کہ انہیں فخر ہے کہ وہ (ممکنہ طور پر جارج واشنگٹن کے سوا) واحد صدر ہیں جنہوں نے اپنی تنخواہ عطیہ کی۔
ٹرمپ کے مطابق، انہوں نے اپنی پہلی تنخواہ وائٹ ہاؤس ہسٹوریکل ایسوسی ایشن* کو عطیہ کی ۔ انہوں نے بتایا کہ یہ عطیہ ایسے وقت میں دیا گیا ہے جب پیپلز ہاؤس یعنی وائٹ ہاؤس کی تزئین و آرائش کی جا رہی ہے، اور وہ ایسی تبدیلیاں لا رہے ہیں جو وائٹ ہاؤس کی اصل تعمیر کے بعد شاذ و نادر ہی دیکھی گئی ہوں گی۔
یاد رہے کہ امریکی قانون کے مطابق صدر کو سالانہ 4 لاکھ ڈالر کی بنیادی تنخواہ دی جاتی ہے، اس کے علاوہ 50 ہزار ڈالر سالانہ ذاتی اخراجات، ایک لاکھ ڈالر سفری اخراجات اور 19 ہزار ڈالر تفریحی سرگرمیوں کے لیے الاؤنس دیا جاتا ہے۔
واضح رہے کہ اپنے پہلے صدارتی دور میں بھی ڈونلڈ ٹرمپ نے ہر سہ ماہی کی تنخواہ مختلف سرکاری اداروں اور محکموں کو عطیہ کی تھی۔
’’بیٹیاں کسی سے کم نہیں‘‘ اورنج لائن کی پہلی خاتون ڈرائیور کی تعیناتی، بچے میری ریڈ لائن، انسانی سمگلنگ کا خاتمہ عزم: مریم نواز