ہانیہ عامر کی عاصم اظہر کے کنسرٹ میں شرکت، دونوں پھر ڈیٹ کر رہے ہیں؟
اشاعت کی تاریخ: 8th, August 2025 GMT
اداکارہ ہانیہ عامر کی حال ہی میں ان کے ایکس اور گلوکار عاصم اظہر کے کنسرٹ میں شرکت نے سوشل میڈیا پر صارفین کی توجہ حاصل کر لی ہے۔
ہانیہ کی اپنے سابق بوائے فرینڈ اور میرب علی کے سابق منگیتر گلوکار عاصم اظہر کے کنسرٹ میں موجودگی اور ان کی ویڈیوز و تصاویر منظر عام پر آنے کے بعد مداحوں اور سوشل میڈیا صارفین کے درمیان ان کے ’پیچ اپ‘ سے متعلق دلچسپ تبصرے اور قیاس آرائیاں شروع ہو گئیں۔
ویڈیوز میں ہانیہ عامر کو اپنے قریبی دوستوں کے ہمراہ اسٹیج کے سامنے پہلی قطار میں کھڑے دیکھا جاسکتا ہے جبکہ وہ عاصم اظہر کے گانوں سے لطف اندوز ہوتی ہوئی ڈانس بھی کر رہی ہیں۔
View this post on InstagramA post shared by ETrends.
ہانیہ سفید لباس اور چشمہ پہنے نظر آئیں اور خاص طور پر عاصم کے مشہور گانے "ترستی ہیں نگاہیں" پر جھومتی دکھائی دیں۔
یاد رہے کہ ہانیہ اور عاصم ماضی میں ایک مقبول شوبز جوڑی سمجھے جاتے تھے، تاہم 2020 میں دونوں نے اپنے راستے جدا کر لیے تھے۔ بعد ازاں عاصم کی میرب علی سے منگنی اور پھر علیحدگی کی خبریں بھی سامنے آئیں۔
View this post on InstagramA post shared by ETrends.com.pk (@etrendsdotpk)
حال ہی میں ہانیہ اور عاصم اظہر کو ایک لانچ پارٹی میں بھی ایک ساتھ دیکھا گیا تھا، جس کے بعد سوشل میڈیا پر ان کے تعلقات کے دوبارہ جڑنے کی چہ مگوئیاں شروع ہو گئی۔ تاہم دونوں کی جانب سے اب تک اس حوالے سے کوئی تصدیق یا تردید نہیں کی گئی۔
ذریعہ: Express News
کلیدی لفظ: عاصم اظہر کے
پڑھیں:
واضع حکم دے رہا ہوں اسٹیبلشمنٹ سے رابطے ختم کرو‘ آئندہ کسی سے رابطہ نہ کیا جائے، عمران خان
راولپنڈی ( اُردو پوائنٹ اخبارتازہ ترین۔ 22 ستمبر2025ء ) پاکستان تحریک انصاف کے پیٹرن انچیف عمران خان کا کہنا ہے کہ علی امین گنڈاپور، بیرسٹر گوہر اور بیرسٹر سیف کو واضع حکم دے رہا ہوں کہ اسٹیبلشمنٹ سے رابطے ختم کرو، آئندہ کسی سے رابطہ نہ کیا جائے، اگر اسٹیبلشمنٹ میں سے کسی نے بات کرنی ہے تو مجھ سے آکر اڈیالہ میں کرے۔ راولپنڈی کی اڈیالہ جیل میں وکلاء اور فیملی سے گفتگو کرتے ہوئے ہمشیرہ علیمہ خان کے ذریعے پیغام میں انہوں نے کہا کہ عمران خان نے چار پیغام بیجھے ہیں، پہلا پیغام کیس توشہ خانہ ٹو سے متعلق ہے، عمران خان نے کہا ہے یہ کیس پچھلے مہینے ہی ختم ہو جانا چاہیئے تھا لیکن نہیں ہوا، اب امید ہے دو تین سماعتوں بعد یہ کیس اس ہفتے ختم ہو جائے گا اور عمران خان بری ہو جائیں گے، 25 ستمبر کو القادر کیس کی اسلام آباد ہائیکورٹ میں سماعت ہیں وکلاء اور ہم سب ہائیکورٹ ہوں گے ہم امید کرتے ہیں کہ اس دن سماعت ہو جائے گی۔(جاری ہے)
انہوں نے بتایا کہ عمران خان نے کہا ہے ملک کے حالات اس لیے ایسے ہیں کیوں کہ عاصم منیر اپنے اقتدار کو طوالت دینا چاہتے ہیں، 26 ویں ترمیم کر کے عدلیہ کو کوئی حکومتی محکمہ بنا دیا گیا ہے، آزاد ججز کو سلام پیش کرتے ہیں، عمران خان نے کہا عاصم منیر نے میری دو تہائی اکثریت چھین کر چوروں کو مسلط کیا تھا، محسن نقوی نے کرکٹ ٹیم کو ڈی سٹیبلائز کر دیا ہے، یہ ہی ٹیم تھی جس نے اکتوبر 2021ء میں انڈیا کو 10 وکٹوں سے شکست دی تھی۔ سابق وزیراعظم کا کہنا ہے کہ محسن نقوی کرکٹ ایسے ہی چلا رہا ہے جیسے عاصم منیر پاکستان کو چلا رہا ہے، دونوں کا ایک ہی حال کر دیا ہے، اب ایک ہی طریقہ ہے کرکٹ میچ جیتنے کا کہ اوپننگ بیٹسمین عاصم منیر اور محسن نقوی ہوں، امپائرز قاضی فائز عیسیٰ اور سکندر سلطان راجہ ہوں اور تھرڈ امپائر سرفراز ڈوگر ہوں اسی صورت پاکستان جیت سکتا ہے ورنہ کوئی طریقہ نہیں بچا۔
کراچی، 70 بچوں، بچیوں سے زیادتی کرنیوالے سفاک شخص پر ویڈیوز فروخت کرنے کا شبہہ