برطانوی وزیر برائے بے گھری کرایہ داروں کو بیدخل کرنے کے الزامات پر مستعفی
اشاعت کی تاریخ: 8th, August 2025 GMT
برطانیہ کی وزیر برائے بے گھری نے اپنے زیرِ ملکیت مکان سے کرایہ داروں کو بے دخل کرنے اورکرایوں میں سینکڑوں پاؤنڈز کے اضافے کے الزامات کے بعد استعفیٰ دے دیا۔
جمعرات کو برطانوی وزیرِاعظم کیئراسٹارمر کو بھیجے گئے اپنے استعفے میں وزارتِ ہاؤسنگ کی جونیئر وزیر رُوشناراعلی نے کہا کہ بطور مالک مکان وہ ہمیشہ ’قانونی تقاضوں کی مکمل پابندی‘ کرتی رہی ہیں۔
برطانوی میڈیا رپورٹس کے مطابق، مشرقی لندن میں موجود روشناراعلی کا 4 بیڈ روم کا مکان گزشتہ سال فروخت کے لیے پیش کیا گیا، جس پروہاں مقیم 4 کرایہ داروں کو نکال دیا گیا۔ یہ مکان 3 ہزار 3سو پاؤنڈ ماہانہ کرائے پرتھا، تاہم خریدار نہ ملنے پر چند ہفتے بعد اسے دوبارہ کرائے پردیدیا گیا، لیکن اس مرتبہ کرایہ 4 ہزار پاؤنڈ ماہانہ تھا۔
یہ بھی پڑھیں:
رُوشنارا علی، جو پہلے کرایہ داروں کے ساتھ ’غیر معقول کرایوں میں اضافے‘ کی مخالفت کر چکی ہیں، نے اپنے خط میں لکھا کہ وہ ہمیشہ اپنی ’ذمہ داریوں کو سنجیدگی سے‘ ادا کرتی رہی ہیں اورحقائق اس کی تصدیق کرتے ہیں۔ تاہم، ان کے مطابق، اس عہدے پر رہنا حکومت کے اہم کاموں میں رکاوٹ بن سکتا ہے، اس لیے انہوں نے مستعفی ہونے کا فیصلہ کیا۔
انہوں نے کہا کہ وہ اس بات پر فخر کرتی ہیں کہ گزشتہ ایک سال میں حکومت کی تبدیلی کے عمل میں انہوں نے کردار ادا کیا۔ ان کے بقول، نائب وزیرِاعظم کے ساتھ مل کر انہوں نے سوشل اور کم لاگت رہائش کے لیے ریکارڈ سرمایہ کاری اور بے گھری و کھلے آسمان تلے زندگی گزارنے والوں کی مدد کے لیے تقریباً ایک ارب پاؤنڈزکا فنڈ حاصل کیا۔
برطانیہ میں کرایہ داری کے معاہدوں کے خاتمے کو بے گھری کی بڑی وجوہات میں شمار کیا جاتا ہے، وزیر اعظم کیئراسٹارمرکی حکومت فی الحال ’رینٹرزرائٹس بل‘ تیار کر رہی ہے، جس کے تحت مکان مالکان کو مختصر نوٹس پر ’بلا وجہ‘ بے دخل کرنے اور 6 ماہ کے اندر زیادہ کرائے پر دوبارہ مکان دینے پر پابندی عائد کی جائے گی۔
مزید پڑھیں:
رُوشنارا علی، لیبر پارٹی کی چوتھی وزیر ہیں جنہوں نے دباؤ کے تحت استعفیٰ دیا ہے، اس سے قبل ٹرانسپورٹ وزیر لوئز ہیگ، انسدادِ بدعنوانی کی وزیر ٹیولِپ صدیق اورجونیئروزیرِصحت اینڈریوگوئنے بھی مختلف وجوہات کی بنا پر اپنے عہدوں سے الگ ہو چکے ہیں۔
یہ سلسلہ وزیرِاعظم اسٹارمر کی حکومت کے لیے ایک بڑی سیاسی مشکل بن گیا ہے، خاص طور پر اس وقت جب رائے عامہ کے جائزوں میں ان کی جماعت لیبر پارٹی، نائجل فراج کی دائیں بازو کی عوامی جماعت ریفارم یو کے سے پیچھے جا رہی ہے جبکہ ایک سال پہلے ہی لیبر نے بھاری اکثریت سے کامیابی حاصل کی تھی۔
پولنگ فرم یوگووکے جون کے سروے کے مطابق، اگرابھی انتخابات ہوتے ہیں تو 650 میں سے 271 نشستیں ریفارم یو کے جبکہ حکمران لیبر پارٹی کو 178 نشستیں ملیں گی، دوسری جانب حزبِ اختلاف کی کنزرویٹو پارٹی کے چیئرمین کیون ہولن ریک نے وزیر اعظم کیئراسٹارمرپر’منافقت اورذاتی مفاد کی حکومت‘ چلانے کا الزام عائد کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استعفے اینڈریوگوئنے برطانیہ بے دخل ٹرانسپورٹ وزیر ٹیولپ صدیق روشنارا علی ریفارم یو کے کرائے کنزرویٹو پارٹی کیئر اسٹارمر کیون ہولن ریک لوئز ہیگ لیبر پارٹی مکان نائجل فراج وزارت ہاؤسنگ.ذریعہ: WE News
کلیدی لفظ: استعفے برطانیہ ٹرانسپورٹ وزیر ٹیولپ صدیق روشنارا علی ریفارم یو کے کنزرویٹو پارٹی کیئر اسٹارمر لوئز ہیگ لیبر پارٹی مکان وزارت ہاؤسنگ کرایہ داروں لیبر پارٹی انہوں نے بے گھری کے لیے
پڑھیں:
پاکستان پکل بال فیڈریشن کی جنرل کونسل میٹنگ،نئے عہدے داروں کا اعلان
data-id="863a0a8" data-element_type="widget" data-widget_type="theme-post-content.default">
کراچی (اسپورٹسڈیسک) پاکستان پکل بال فیڈریشن کی جنرل کونسل میٹنگ اور پکل بال سیمینار کا انعقاد کراچی کے ہوٹل مہران میں ہواجس کے دورا ن ناصرف ملک بھر میں کھیل کے فروغ کے لئے باتچیت کی گئی اور تجاویز پیش کی گئیں بلکہ نئے عہدے دارا ن کا اعلان بھی کیا گیا۔سندھ اولمپک ایسوسی ایشن کے پیٹرن شیخ شکیل الیاس نے مہمان خاص کی حیثیت سے اجلاس میں شرکت کی۔پاکستان پکل با ل فیڈریشن کے جن عہدے داروں کا انتخاب اور اعلان کیا گیا ان میں چیئر مین مخدوم علی ریاض،صدر امتیاز احمد شیخ،سی ای او مقبول آرائیں،سینئر نائب صدر سرفرا ز احمد خان، نائب صدورکبیر احمد اور سیدہ غازیہ قاضی، سیکریٹری جنرل فیصل ظفر،اسسٹنٹ سیکریٹری شارق صدیقی ،فنانس سیکریٹری عظمت پاشا،ڈائرکٹر مارکیٹنگ نمرہ خان،پبلک ریلیشن آفیسر مراد حسین،میڈیا کو آرڈی نیٹر زاہدغفاراور ایگزیکٹو کمیٹی کے اراکین ذرین امتیاز، ام لیلیٰ اور غیاث الدین انصاری شامل ہیں۔پاکستان پکل با فیڈریشن کے نئے عہدے داروں نے اجلاس میں ملک بھر میں اس کھیل کی ترقی اور ترویج کے لئے مسلسل کوششوں کی ضرور ت پر زور دیا اور کھیل کوگراس روٹ لیول پر فروغ دینے کے لئے مربوط لائحہ عمل بنانے کا اعلان کیاجبکہ کی جانب سے جلد ہی بین الاقوامی پکل بال ایونٹس میں شرکت کا اعلان بھی کیا گیا،جس کے مطابق پاکستانی ٹیم آئندہ ماہ 22 تا 24دسمبر تک جاپان میں شیڈول ایونٹ میں شرکت کرے گی، جب کہ آئندہ سال امریکہ، ملائیشیا اور تھائی لینڈ میں منعقد ہونے والے بین الاقوامی مقابلوں میں بھی بھرپور شرکت کے عزم کا اعاد ہ کیاگیا۔اجلاس میں قومی ٹیم کے بین الاقوامی ایونٹس میں شرکت کے اعلان کی پر زور انداز میں ستائش کی گئی۔واضح رہے کہ پاکستان پکل بال فیڈریشن نا صرف انٹرنیشنل/ورلڈ پکل بال فیڈریشن اور ایشیا پکل بال فیڈریشن سے الحاق یافتہ ہے بلکہ یہ ادارہ حکومت پاکستان کے سوسائٹی ایکٹ 1860کاپی رائٹ (سی آر) اور ٹریڈ مارک (ٹی ایم) کے ساتھ باقاعدہ طور پر رجسٹرڈ ہے۔سیمینار میں ملک بھر سے فیڈریشن کے اراکین،ا سپورٹس کوآرڈی نیٹرز، کوچز، اور مختلف تعلیمی اداروں سے تعلق رکھنے والے نمائندگان نے بھی بھرپور شرکت کی۔
غزہ امن معاہدے کے اگلے مرحلے پر عملدرآمد کیلئے عرب اور مسلم ممالک کا اجلاس پیر کو ہوگا