پروٹیکٹڈ کیٹیگری کے دائرہ کار میں توسیع پر غور، حد 301 یونٹ رکھنے کی تجویز
اشاعت کی تاریخ: 8th, August 2025 GMT
وزیراعظم شہباز شریف نے پروٹیکٹڈ صارفین کے حوالے سے شکایات کا نوٹس لے لیا، اعلیٰ سطح کی کمیٹی بنائی جائے گی جو پروٹیکٹڈ صارفین کی حد 301 یونٹ کرنے پر غور کرے گی۔ذرائع کے مطابق 201 یونٹ استعمال کرنے والے صارفین 6 ماہ تک پروٹیکٹڈ کیٹگری سے نکل جاتے ہیں، صارفین کو پروٹیکٹڈ کیٹگری سے نکلنے کے بعد 6 ماہ تک تقریبا 5 ہزار روپے ماہانہ اضافی بل دینا پڑتا ہے، کمیٹی پروٹیکٹڈ کیٹگری کو 200 یونٹس تک محدود رکھنے یا 300 یونٹس تک ریلیف دینے پر رپورٹ تیار کرے گی۔ذرائع نے بتایا کہ پروٹیکٹڈ کیٹگری 201 یونٹس کی بجائے 301 یونٹس تک کرنے کی تجویز زیر غور ہے، وزیراعظم شہباز شریف کو صارفین بجلی سے ہونے والی زیادتی سے آگاہ کیا گیا۔ذرائع کے مطابق اس حوالے سے اراکین اسمبلی کا بھی مؤقف ہے کہ یہ صارفین سے زیادتی ہے کہ 200 سے زائد صرف ایک یونٹ پر اگلے چھ ماہ تک اضافی 5 ہزار روپے بل ادا کریں، پروٹیکٹڈ سلیب کے معاملے پر اعلیٰ سطح کی کمیٹی بنانے کا عندیہ دیا گیا ہے۔ بتایا گیا ہے کہ کمیٹی سارے معاملے کا جائزہ لے کر کابینہ میں تجاویز پیش کرے گی، کمیٹی کی تجاویز پر 200 یونٹس والا معاملہ حل ہو سکے گا، 200 یونٹ استعمال کم آمدنی والا ہی کرتا ہے، موجودہ حکومت غریب آدمی کو ریلیف دینے کے لئے ہر ممکن کوشش کر رہی ہے۔ذرائع کا کہنا ہے کہ 301 یونٹس استعمال پر نان پروٹیکٹڈ شرح لاگو ہونے کا امکان ہے، یہ تجویز بھی ہے کہ 201 یونٹ صرف اسی ماہ لاگو ہوں۔وزارت توانائی کے ذرائع نے بتایا کہ 201 والی سلیب نیپرا اور وزارت پاور نے جان بوجھ کر لاگو کروائی تھی۔
.ذریعہ: Nawaiwaqt
پڑھیں:
” یونٹ “731 کے حقائق اور تاریخی جرائم کو منظم طور پر چھپانے والا کون ہے؟
بیجنگ ()
فلم “731” ریلیز ہو گئی ہے، لیکن ‘جاپانی فوجی یونٹ 731 سے متعلق تاریخی مواد کو عالمی یادداشت کے ورثے کا درجہ دلانے کی درخواست’ چھ سال بعد بھی اپنی ابتدائی حالت میں ہے۔ اقوام متحدہ کی دستاویزات سے پتہ چلتا ہے کہ جاپان میں دائیں بازو کی قوتوں نے چین پر حملے کے تاریخی آرکائیوز کو اقوام متحدہ کی یادداشت کے عالمی رجسٹر میں شامل کرنے کے لیے چین کی درخواست کو منظم طریقے سے روکا ہے۔ 2015 میں “نانجنگ قتل عام کے آرکائیوز” کے کامیاب اطلاق کے بعد سے، جاپان نے سیاسی دباؤ، سفارتی لابنگ اور سول سوسائٹی کی تنظیموں کے ساتھ گٹھ جوڑ کے ذریعے درخواست میں بار بار مداخلت کی ہے۔ مخصوص حربوں میں یہ بھی شامل ہے کہ دائیں بازو کے گروہ مسخ شدہ تاریخی درخواستیں جمع کراتے ہیں، “کمفرٹ ویمن” کے وجود اور بائیولوجیکل جنگی جرائم سے انکار کرتے ہیں، اور جاپان کی وزارت خارجہ بین الاقوامی جاپان نواز قوت کی سرپرستی کر رہی ہے اور سیاسی دباؤ ڈالنے کے لیے یونیسکو سے دستبرداری کی دھمکی دے رہی ہے۔ 2017 کے بعد، جاپان نے درخواست کے قواعد میں مزید تبدیلیوں پر زور دیا ، جس سے کسی بھی رکن ریاست کے اعتراض پر درخواست کے عمل میں غیر معینہ مدت تک تاخیر ہو سکتی ہے۔ جاپانی رکاوٹوں کے باوجود، چین ثبوتوں پر مبنی تحقیق اور بین الاقوامی تعاون پر قائم ہے، اور اسکالرز مشترکہ ایپلی کیشنز کو فروغ دینے کے لیے سخت محنت کر رہے ہیں۔ تاریخی معرفت کی یہ کشمکش جاری ہے، اور عالمی برادری کو مشترکہ طور پر تاریخی سچائی اور انصاف کی حفاظت کرنے کی اشد ضرورت ہے۔
عمرہ زائرین کو جعل سازی سے بچانے کے لیے 113 مصدقہ عمرہ کمپنیوں کی فہرست جاری