وفاقی وزیرمنصوبہ بندی احسن اقبال کی زیر صدارت اجلاس، علامہ اقبال کی 150 ویں سالگرہ کی تقریبات کے انتظامات کا جائزہ لیا گیا
اشاعت کی تاریخ: 8th, August 2025 GMT
اسلام آباد (اُردو پوائنٹ اخبارتازہ ترین - اے پی پی۔ 08 اگست2025ء) وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال کی زیر صدارت اعلیٰ سطحی اجلاس اسلام آباد میں منعقد ہوا جس میں علامہ اقبال کی 150 ویں سالگرہ کی تقریبات کے انتظامات کا جائزہ لیا گیا،اجلاس میں متعلقہ اداروں کے اعلیٰ افسران نے شرکت کی۔اجلاس سے خطاب کرتے ہوئے احسن اقبال نے کہا کہ سال 2027ء میں عظیم مفکر پاکستان علامہ محمد اقبال کی 150 ویں سالگرہ بھرپور طریقے سے قومی اور بین الاقوامی سطح پر منائی جائے گی،اس موقع پر مختلف پروگرامز، عالمی کانفرنسیں، سیمینارز اور ثقافتی و علمی تقریبات منعقد ہوں گی جن میں اقبال کی فکر، فلسفہ اور شاعری کو بھرپور انداز میں اجاگر کیا جائے گا۔
احسن اقبال نے کہا کہ فکر اقبال کو قومی ترقی کے ساتھ جوڑنا وقت کی اہم ضرورت ہے،اقبال کا پیغام آفاقی ہے جو پوری دنیا کے لیے رہنمائی کا ذریعہ ہے۔(جاری ہے)
وفاقی وزیر نے کہا کہ عظیم مفکر نے ایک آزاد ریاست کا خواب دیکھا اور مسلمانوں میں تحریک آزادی کو زندہ کیا،اقبال کا کلام نوآبادیاتی دور میں حریت کی شمع تھا جس نے نظریاتی بنیادوں پر قومی شعور بیدار کیا،اقبال کے نظریات آج بھی پائیدار ترقی اور قومی یکجہتی کے لیے رہنما اصول ہیں ۔
انہوں نے کہا کہ نوجوان نسل کو اقبال کی فکر سے جوڑنا ضروری ہے کیونکہ یہ فکر ان کے لیے مینارہ نور ہے۔احسن اقبال نے بتایا کہ "اڑان پاکستان" پروگرام میں بھی اقبال کے "شاہین" کو بطور استعارہ شامل کیا گیا ہے تاکہ نوجوانوں میں خودی، خود اعتمادی اور بلند حوصلگی کو فروغ دیا جا سکے۔انہوں نے زور دیا کہ اقبال کی فکر کو عام کر کے ہم فکری انتشار اور گمراہی سے بچ سکتے ہیں ،اقبال کا پیغام صرف برصغیر تک محدود نہیں بلکہ اسے عالمی سطح پر پذیرائی حاصل ہے، ترکی، ایران اور دیگر مسلم ممالک میں اقبال کو شاعر امت سمجھا جاتا ہے۔احسن اقبال نے اس موقع پر تجویز دی کہ اقبال کی زندگی پر ایک عالمی معیار کی ڈرامہ سیریز بنائی جائے تاکہ نئی نسل کو ان کے افکار سے بہتر انداز میں روشناس کرایا جا سکے،ایران پاکستان کے ساتھ مل کر علامہ اقبال پر مشترکہ فلم بنانے کا خواہشمند ہے۔اجلاس میں فیصلہ کیا گیا کہ علامہ اقبال کی 150 ویں سالگرہ کی تقریبات کا آغاز 9 نومبر 2026ء اور اختتام 9 نومبر 2027ء کو کیا جائے گا،اس دوران قومی و بین الاقوامی سطح پر عالمی کانفرنسوں اور تقریبات کا انعقاد ہوگا۔وفاقی وزیر نے تمام اداروں کو ہدایت کی کہ وہ علامہ اقبال کی سالگرہ کو ایک فکری و تہذیبی تحریک کے طور پر منانے کی تیاری کریں تاکہ دنیا بھر میں پاکستان کا مثبت اور علمی چہرہ اجاگر ہو سکے۔\932.ذریعہ: UrduPoint
کلیدی لفظ: تلاش کیجئے اقبال کی 150 ویں سالگرہ علامہ اقبال کی احسن اقبال نے نے کہا کہ
پڑھیں:
دیامر میں امن کی کی صورتحال پر غور کیلئے فورس کمانڈر کی زیر صدارت گرینڈ جرگہ
چیف سیکریٹری گلگت بلتستان اور فورس کمانڈر ایف سی این اے نے اس موقع پر اپنے خطابات میں کہا کہ امن کے ساتھ ساتھ ترقی ہماری ترجیح ہے۔ سرکاری اداروں کی کارکردگی بہتر بنانے، عوامی فلاح کے منصوبوں کو مؤثر انداز میں مکمل کرنے اور "معاہدہ 2025" کے نکات پر عمل درآمد کے لیے تمام ممکنہ وسائل بروئے کار لائے جائیں گے۔ اسلام ٹائمز۔ ضلع دیامر کے علاقے تھک داس میں امن و امان کی صورتحال پر غور و خوض کے لیے گرینڈ جرگے کا انعقاد کیا گیا، جس میں اعلیٰ سول و عسکری حکام سمیت ضلعی انتظامیہ، پولیس، سیکیورٹی اداروں کے نمائندگان، علمائے کرام، عمائدین، نمبرداران اور نوجوانوں نے بڑی تعداد میں شرکت کی۔ اجلاس کی صدارت فورس کمانڈر گلگت بلتستان نے کی، جبکہ چیف سیکریٹری گلگت بلتستان، انسپکٹر جنرل پولیس گلگت بلتستان، کمشنر دیامر استور ڈویژن، ڈپٹی کمشنر دیامر، اور ڈی آئی جی دیامر استور ڈویژن بھی اجلاس میں شریک ہوئے۔ اجلاس کے آغاز میں ضلعی انتظامیہ اور پولیس حکام نے دیامر میں امن و امان کی مجموعی صورتحال پر بریفنگ دی اور بتایا کہ علاقے میں عوامی تعاون اور مؤثر حکمتِ عملی کے باعث حالات میں نمایاں بہتری آئی ہے۔ مقررین نے اپنے خطابات میں کہا کہ پائیدار ترقی، تعلیم، اور خوشحالی کا پہلا زینہ امن ہے۔ انہوں نے زور دیا کہ عوام، علمائے کرام، اور سول سوسائٹی کا کردار امن کے قیام میں کلیدی اہمیت رکھتا ہے، اور اجتماعی کوششوں سے ہی دیامر کو ایک پرامن اور ترقی یافتہ ضلع بنایا جا سکتا ہے۔
چیف سیکریٹری گلگت بلتستان اور فورس کمانڈر ایف سی این اے نے اس موقع پر اپنے خطابات میں کہا کہ امن کے ساتھ ساتھ ترقی ہماری ترجیح ہے۔ سرکاری اداروں کی کارکردگی بہتر بنانے، عوامی فلاح کے منصوبوں کو مؤثر انداز میں مکمل کرنے اور "معاہدہ 2025" کے نکات پر عمل درآمد کے لیے تمام ممکنہ وسائل بروئے کار لائے جائیں گے۔ انہوں نے مزید کہا کہ حکومت اور سیکیورٹی ادارے عوامی نمائندوں اور علمائے کرام کے تعاون سے علاقے کے دیرینہ مسائل کے حل کے لیے کوشاں ہیں، تاکہ آنے والی نسلوں کے لیے ایک محفوظ اور خوشحال ماحول فراہم کیا جا سکے۔ اجلاس کے اختتام پر قومی جرگہ دیامر، فورس کمانڈر گلگت بلتستان، چیف سیکریٹری گلگت بلتستان، علمائے کرام اور عمائدینِ علاقہ نے مشترکہ طور پر قیامِ امن، بھائی چارے، باہمی اعتماد، اور ترقی کے تسلسل کو برقرار رکھنے کے عزم کا اعادہ کیا۔ اجلاس میں یہ بات بھی طے پائی کہ علاقے میں کسی بھی ناخوشگوار واقعے سے بچنے کے لیے عوامی آگاہی مہمات، نوجوانوں کی مثبت سرگرمیوں، اور بین المذاہب ہم آہنگی کو فروغ دیا جائے گا، تاکہ دیامر کو امن و استحکام کی ایک مثال بنایا جا سکے۔
سپریم کورٹ آف پاکستان میں انتظامی تقرریاں، متعدد ڈپٹی رجسٹرارز کو اضافی چارجز تفویص