میجر طفیل کا یوم شہادت، مزار پر تقریب، صدر، وزیراعظم کا خراج عقیدت
اشاعت کی تاریخ: 9th, August 2025 GMT
گگو منڈی؍ اسلام آباد (نامہ نگار) گزشتہ روز میجر طفیل محمد شہید کے مزار پر 67واں یوم شہادت کے حوالے سے ایک پروقار تقریب کا انعقاد کیا گیا۔ اس موقع میجر جنرل علی اقبال نے شہید کے مزار پر سلامی دی اور پھولوں کی چادر چڑھائی۔ انہوں نے نشان حیدر میجر طفیل محمد شہید کو خراج عقیدت پیش کیا اور شہداء کے درجات کی بلندی کی دعا کی۔ میجر جنرل علی اقبال نے کہا کہ پاک فوج کی فرض شناسی کی وجہ سے دشمن ہمارے ملک کی جانب میلی آنکھ سے نہیں دیکھ سکتا۔ صدر آصف علی زرداری اور وزیر اعظم شہباز شریف نے پاکستان کے ہیرو میجر طفیل محمد شہید (نشان حیدر) کو ان کے 67 ویں یوم شہادت پر زبردست خراج عقیدت پیش کیا ہے۔ صدر مملکت نے کہا کہ پاکستان آج ان عظیم سپوتوں کی قربانیوں کی بدولت محفوظ ہے۔ ہم اپنے شہداء کی قربانیوں کو ہمیشہ یاد رکھیں گے۔ وزیر اعظم شہباز شریف نے بھی اس موقع پر کہا کہ پاکستان کو اپنی بہادر افواج پر فخر ہے جو دشمن کا ہر محاذ پر ڈٹ کر مقابلہ کر رہی ہیں۔ وفاقی وزیر داخلہ محسن نقوی نے کہا بے مثال شجاعت کا یہ عظیم لمحہ ہماری نئی نسلوں کو ہمیشہ حوصلے اور عزم کا درس دیتا رہے گا۔ قوم میجر طفیل محمد شہید کو سلام پیش کرتی ہے جنہوں نے سب سے آگے کھڑے ہو کر جنگ کی کایا پلٹ دی۔
.ذریعہ: Nawaiwaqt
کلیدی لفظ: میجر طفیل محمد شہید
پڑھیں:
وفاقی وزیر داخلہ محسن نقوی کالکشمی پور کے ہیرو میجر طفیل محمد کو خراج عقیدت
ویب ڈیسک: وفاقی وزیر داخلہ محسن نقوی نے میدان لکشمی پور کے ہیرو میجر طفیل محمد شہید کو زبردست الفاظ میں خراج عقیدت پیش کیا ہے۔
محسن نقوی نے کہا کہ میجر طفیل محمد شہید نے 8 اگست کو اپنے قیمتی خون سے بہادری و جرات کی تاریخ لکھی، دشمن کے مذموم عزائم خاک میں ملا کر سبز ہلالی پرچم کو سرخرو کیا، نشان حیدر کے وارث عظیم سپاہی نے دشمن کو اس کی صفوں میں گھس کر مارا,انہوں نے کہا کہ میجر طفیل محمد شہید نے دشمن کی گولیوں کا سامنا کرتے ہوئے بٹالین کی قیادت کی اور شجاعت کی لازوال داستان رقم کی، میجر طفیل نے زخمی ہونے کے باوجود پیش قدمی نہ روکی اور دشمن کو پسپائی پر مجبور کیا۔
مختلف محکموں کی آسامیوں کےلئے تحریری و حتمی نتائج کا اعلان
وفاقی وزیر داخلہ نے کہا کہ بے مثال شجاعت کا یہ عظیم لمحہ ہماری نئی نسلوں کو ہمیشہ حوصلے اور عزم کا درس دیتا رہے گا، قوم میجر طفیل محمد شہید کو سلام پیش کرتی ہے جنہوں نے سب سے آگے کھڑے ہو کر جنگ کی کایا پلٹ دی۔
اپنے پیغام میں محسن نقوی نے کہا کہ میجر طفیل محمد شہید کے آخری الفاظ کہ "میں نے اپنا کام مکمل کر دیا ہے، دشمن بھاگ گیا ہے"، آج ایک قومی حقیقت ہے، میجر طفیل محمد شہید کے الفاظ آج بھی وطن کے ہر سپاہی کا نعرہ ہیں۔
مکان کا کرایہ بڑھانے پر تنقید، برطانوی وزیر روشن آرا علی عہدے سے مستعفی
محسن نقوی نے کہا کہ فیلڈ مارشل سید عاصم منیر کی دلیرانہ قیادت میں پاک بھارت جنگ میں یہ سنہرے الفاظ ہر میدان میں گونجتے رہے اور دشمن کو ہر محاذ پر ہزیمت اٹھانا پڑی، حالیہ جنگ میں ہمارا ہر سپاہی میجر طفیل محمد شہید بن کر لڑا اور اللہ تعالٰی نے قوم کو بے مثال فتح عطا فرمائی۔
وفاقی وزیر داخلہ نے دشمن کو دندان شکن جواب دینے والے میجر طفیل محمد شہید کو سلام پیش کرتے ہوئے کہا کہ میجر طفیل محمد شہید کی لازوال قربانی کو دلیر قوم ہمیشہ یاد رکھے گی۔
لاہور:مناواں کے علاقے میں ڈرون گر گیا
بھارتی فوجیوں نے گزشتہ ماہ جولائی میں 7 کشمیریوں کو شہید کیا