ایوب کھوسہ کو ڈراموں میں اداکاری کرنے کا موقع کیسے ملا؟
اشاعت کی تاریخ: 9th, August 2025 GMT
پاکستان شوبز کے سینئر اداکار ایوب کھوسہ نے شوبز میں آنے کی دلچسپ داستان سنا دی۔
اداکار ایوب کھوسہ نے حال ہی میں ایک نجی ٹی وی چینل کے مارننگ شو میں شرکت کے دوران شوبز انڈسٹری میں اپنے سفر کے آغاز کا دلچسپ واقعہ شیئر کیا۔ میزبان کے سوال پر کہ وہ پی ٹی وی میں کیسے آئے؟ ایوب کھوسہ نے مسکراتے ہوئے انکشاف کیا کہ وہ ابتدا میں محض پی ٹی وی میں خوبصورت لڑکیوں کو دیکھنے جایا کرتے تھے۔
انہوں نے بتایا کہ ایک دن پی ٹی وی کے اُس وقت کے جنرل مینیجر، کریم بلوچ نے مجھے وہاں گھومتا دیکھ کر دریافت کیا کہ میں وہاں کیوں آیا ہوں؟ جس پر میں نے جواب دیا کہ صرف ٹی وی اسٹیشن دیکھنے آیا ہوں۔ اس پر کریم بلوچ نے پوچھا کہ کیا ڈرامہ بھی کرنا چاہتے ہیں؟
جنرل مینیجر کے اس سوال پر ایوب کھوسہ نے فوراً اپنی دلچسپی ظاہر کی، جس کے بعد ان کے کیریئر کا آغاز بلوچی زبان کے ڈراموں سے ہوا۔
ایوب کھوسہ نے بتایا کہ اُن کے والد چاہتے تھے کہ وہ بیوروکریٹ بنیں، تاہم وہ اس خواہش کو پورا نہ کر سکے۔ اگرچہ انہوں نے تعلیم مکمل کی، لیکن فنونِ لطیفہ سے وابستگی نے انہیں اس میدان میں مستقل طور پر مصروف رکھا اور وہ آج بھی اس ہی شعبے سے جڑے ہوئے ہیں۔
.ذریعہ: Express News
پڑھیں:
ایشیا کپ میں صائم ایوب کا دلچسپ کردار، بیٹنگ پر سوالات مگر باولنگ میں دھوم
دبئی میں جاری ٹی20 ایشیا کپ میں پاکستان کے نوجوان آل راؤنڈر صائم ایوب نے ایک انوکھا کردار اختیار کر لیا ہے۔ جہاں ایک طرف اُن کی بیٹنگ کارکردگی نے شائقین کو مسلسل مایوس کیا ہے، وہیں دوسری جانب گیند کے ساتھ ان کی کامیابیاں سب کو حیران کر رہی ہیں۔
صائم ایوب نے پاور پلے میں اب تک 5 وکٹیں حاصل کی ہیں جن کا اوسط صرف 5.60 رہا ہے۔ دلچسپ بات یہ ہے کہ ایوب نے پاور پلے میں بھارتی باولر بمراہ سے زیادہ وکٹیں لی ہیں۔ یہی وجہ ہے کہ کپتان سلمان آغا اکثر انہیں دوسری ہی اوور میں بولنگ کے لیے لے آتے ہیں۔
یہ بھی پڑھیے: صفر کی بہار، صائم ایوب نے ایشیا کپ میں کتنے ناپسندیدہ ریکارڈ اپنے نام کرلیے؟
لیکن جب بات بیٹنگ کی ہو تو صائم ایوب کی کارکردگی مسلسل تنقید کی زد میں ہے۔ 2023 میں ڈیبیو کے بعد اُن سے بڑی امیدیں وابستہ کی گئیں۔ مگر 44 میچز کھیلنے کے باوجود وہ کم ہی بار اپنی صلاحیتوں کو نتائج میں بدل سکے ہیں۔ اُن کے کیریئر میں اب تک 4 نصف سنچریاں اور اتنی ہی بار پہلی ہی گیند پر آؤٹ ہونے کے ریکارڈ شامل ہیں۔
تجزیہ کاروں کے مطابق صائم ایوب بیٹنگ میں عدم تسلسل کے شکار ہیں لیکن اُن کی باولنگ نے اس ایشیا کپ میں پاکستان کو نئی جہت فراہم کی ہے۔ بھارت کے خلاف گزشتہ میچ میں انہوں نے شبھمن گل اور تلک ورما سمیت 3 اہم وکٹیں حاصل کیں اور میچ میں سب سے مؤثر بولر ثابت ہوئے۔
یہ بھی پڑھیے: پاک بھارت ٹاکرا: توجہ صرف ایک میچ پر نہیں بلکہ پورا ٹورنمنٹ جیتنے پر ہے، صائم ایوب
پاکستانی شائقین کے لیے ایوب کی کہانی کسی حد تک شاہد آفریدی کی یاد تازہ کر رہی ہے جو بیٹنگ میں غیر یقینی مگر باولنگ میں کمال دکھا کر ٹیم میں جگہ بنائے رکھتے تھے۔ ایوب کی موجودہ فارم بتا رہی ہے کہ وہ بیٹنگ سے زیادہ بولنگ میں ٹیم کے لیے اہم ہتھیار بن رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ صائم ایوب کرکٹ
محکمہ موسمیات کی کراچی میں ہلکی بارش کی پیشگوئی