طلال چوہدری نے بی ایل اے اور دیگر تنظیموں پر پابندی کو سفارتی کامیابی قرار دیدیا
اشاعت کی تاریخ: 12th, August 2025 GMT
وزیر مملکت داخلہ طلال چوہدری نے بلوچستان لبریشن آرمی ( بی ایل اے ) اور دیگر تنظیموں پر پابندی کو سفارتی کامیابی قرار دے دیا۔
نجی ٹی وی سے گفتگو کرتے ہوئے طلال چوہدری نے کا کہنا تھا کہ بی ایل اے اور دیگر تنظیموں پر پابندی سفارتی کامیابی ہے اور دفاع ہو یا ٹیرف کا معاملہ، پاکستان کو قلیل وقت میں بڑی کامیابیاں ملی ہیں۔
وزیر مملکت نے کہا کہ بھارتی جاسوس کلبھوشن یادیو سے لے کر جعفر ایکسپریس تک فراہم کردہ ثبوتوں کی بنا پر پابندیاں لگیں اور یہ دراصل فتنہتہ الہندوستان کی پراکسیز ہیں جن پر پابندی لگی ہے۔
طلال چوہدری نے کہا کہ پاکستان کا بیانیہ پوری دنیا نے تسلیم کر لیا ہے اور بھارت کو جنگ کے بعد ایک بار پھر شکست ہوئی اور منہ کی کھانا پڑی ہے۔
انہوں نے کہا کہ اس معاملے میں وزیراعظم شہبازشریف اور فیلڈ مارشل کا بڑا کردا رہے اور جنرل عاصم منیر کے امریکا کے دو دورے کامیاب رہے۔
انہوں نے کہا کہ ڈپٹی وزیر اعظم اسحاق ڈار کے امریکی حکام سے رابطے بھی کامیاب رہے۔
انہوں نے کہا کہ وزیراعظم کی ٹیم نے ناصرف امریکا کے ساتھ تعلقات بحال کئے بلکہ نئی بلندی پر لے گئے۔
ذریعہ: Daily Mumtaz
کلیدی لفظ: طلال چوہدری نے پر پابندی نے کہا کہ
پڑھیں:
ٹرمپ اور شہباز ملاقات سے بھارتی اثرورسوخ کو دھچکا لگا ہے، وزیر اعظم آزاد کشمیر چوہدری انوارالحق
وزیراعظم آزادکشمیر چوہدری انوارالحق نے وزیراعظم پاکستان شہباز شریف اور امریکی صدر ڈونلڈ ٹرمپ کے درمیان وائٹ ہاؤس میں ہونیوالی حالیہ ملاقات کا بھرپور خیر مقدم کیا ہے۔
انہوں نے کہا کہ یہ ملاقات نہ صرف پاکستان کے وقار میں اضافہ کا باعث بنی بلکہ عالمی سطح پر پاک فوج اور ملک کی تزویراتی اہمیت کو بھی اجاگر کیا۔
یہ بھی پڑھیں: وزیراعظم شہباز شریف کی امریکی صدر سے اہم ملاقات، ڈونلڈ ٹرمپ کو دورہ پاکستان کی دعوت، اہم منصوبوں پر تبادلہ خیال
وزیراعظم آزادکشمیر نے کہا کہ اس موقع پر فیلڈ مارشل سید عاصم منیر کی موجودگی پاک فوج کے بین الاقوامی کردار اور وقار کی عکاس ہے۔
انہوں نے اس بات پر بھی خوشی کا اظہار کیا کہ امریکی صدر نے فیلڈ مارشل عاصم منیر کو بہترین شخصیت قرار دیا، جو پاکستان اور کشمیری عوام کے لیے ایک اعزاز ہے۔
چوہدری انوارالحق نے کہا کہ شہباز شریف اور ڈونلڈ ٹرمپ کی 2 دنوں میں تیسری ملاقات اس بات کا ثبوت ہے کہ پاکستان عالمی سفارتکاری میں مرکزی حیثیت اختیار کر رہا ہے۔
مزید پڑھیں: صدر ٹرمپ کی وزیراعظم اور آرمی چیف سے ملاقات کے پاکستان پر کیا اثرات مرتب ہوں گے؟
ان کے مطابق اس ملاقات نے نہ صرف پاکستان کو مسلم دنیا کے قائد کے طور پر تسلیم کروایا بلکہ مشرق وسطیٰ میں امن کی نئی راہیں بھی کھول دی ہیں۔
انہوں نے مزید کہا کہ یہ ملاقات بھارتی اثر و رسوخ کے لیے ایک دھچکا ہے اور مسئلہ کشمیر کو عالمی سطح پر اجاگر کرنے میں مددگار ثابت ہوگی۔
مزید پڑھیں: بین الاقوامی ذرائع ابلاغ نے ٹرمپ اور شہباز کی ملاقات کو کیسے کور کیا؟
ان کے بقول پاک امریکا تعلقات کی ایک طویل تاریخ ہے اور اس ملاقات سے یہ رشتہ مزید مضبوط ہوا ہے۔
وزیراعظم آزادکشمیر نے کہا کہ پاکستان کا وقار عالمی سطح پر بلند ہونے سے کشمیری عوام کو دلی خوشی ملی ہے اور یہ لمحہ پاکستان اور کشمیری عوام کے لیے باعث فخر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر امریکی صدر پاکستان چوہدری انوارالحق ڈونلڈ ٹرمپ فیلڈ مارشل عاصم منیر کشمیری مشرق وسطیٰ وائٹ ہاؤس وزیر اعظم
امریکی صدر ٹرمپ کی بگرام ایئربیس واپس نہ کرنے پر افغانستان کو دھمکی قابل مذمت ہے، اسداللہ بھٹو