فرانس: ممتاز سماجی و ادبی شخصیت محترمہ طاہرہ سحر کی رہائش گاہ پر ایک پُررونق اور پُرتکلف ادبی نشست کا اہتمام
اشاعت کی تاریخ: 13th, August 2025 GMT
عاکف غنی، نمائندہ اردو پوائنٹ، پیرس پیرس، 13 اگست — فرانس پاک انٹرنیشنل رائٹرز فورم کی میڈیا سیکرٹری اور ممتاز سماجی و ادبی شخصیت محترمہ طاہرہ سحر کی رہائش گاہ پر ایک پُررونق اور پُرتکلف ادبی نشست کا اہتمام کیا گیا، جس میں فرانس کے مقامی شعراء اور اہلِ ادب نے بھرپور شرکت کی۔ اس باذوق محفل کی صدارت معروف شاعر محترم ایاز محمود ایاز نے کی۔
محفل میں شریک شعراء نے اپنے دلنشین کلام سے حاضرین کو محظوظ کیا اور خوب داد سمیٹی۔ یہ نشست محترمہ طاہرہ سحر کے مرحوم والد کے ادبی ذوق اور یادگار شخصیت کے نام منسوب کی گئی۔ ربِ کریم سے دعا ہے کہ مرحوم کے درجات بلند فرمائے۔ شرکاء نے محترمہ طاہرہ سحر کی ادب سے محبت اور ثقافتی سرگرمیوں کو فروغ دینے کے جذبے کو سراہا اور اس امید کا اظہار کیا کہ مستقبل میں بھی ایسی معیاری ادبی محافل کا سلسلہ جاری رہے گا۔(جاری ہے)
تقریب کے اختتام پر حاضرین کی تواضع لذیذ کھانوں سے کی گئی۔ اس موقع پر خوشیوں کا ایک اور پہلو بھی شامل تھا — محترمہ طاہرہ سحر اور جناب افتخار صاحب کی شادی کی سالگرہ اور ان کے بیٹے کی سالگرہ بھی منائی گئی، جس کی خوشی میں کیک کاٹا گیا۔ تمام مہمانوں نے اس حسین اور یادگار محفل کے انعقاد پر محترمہ طاہرہ سحر اور ان کے اہلِ خانہ کا شکریہ ادا کرتے ہوئے نیک خواہشات کا اظہار کیا اور دعا کی کہ اللہ تعالیٰ انہیں صحت، برکت اور زندگی کی ہر خوشی سے نوازے۔.ذریعہ: UrduPoint
کلیدی لفظ: تلاش کیجئے محترمہ طاہرہ سحر
پڑھیں:
سی ڈی اے کے زیر اہتمام پیڈل ٹینس مقابلہ ،چیئرمین سی ڈی اے کا صحت مند سرگرمیوں کے فروغ پر زور
سی ڈی اے کے زیر اہتمام پیڈل ٹینس مقابلہ ،چیئرمین سی ڈی اے کا صحت مند سرگرمیوں کے فروغ پر زور WhatsAppFacebookTwitter 0 11 August, 2025 سب نیوز
اسلام آباد(سب نیوز)چیئرمین سی ڈی اے اور چیف کمشنر اسلام آباد محمد علی رندھاوا کی ہدایت پر سی ڈی اے کے سپورٹس اینڈ کلچر ڈائریکٹوریٹ کے زیر اہتمام آج ملٹی پرپز گراونڈ اسلام آباد میں پیڈل ٹینس ٹورنامنٹ کا شاندار آغاز ہوا جس میں چیئرمین سی ڈی اے سمیت شہر بھر سے کھلاڑیوں اور کھیل کے شائقین نے بھرپور شرکت کی۔
اس مقابلے کا مقصد شہریوں کو صحت مند تفریحی مواقع فراہم کرنا اور کھیلوں کے فروغ کو یقینی بنانا تھا۔پیڈل ٹینس ٹورنامنٹ میں مختلف ٹیمز حصہ لے رہے ہیں اور اس ٹورنامنٹ کو مختلف کیٹیگریز میں تقسیم کیا گیا ہے جسمیں بچوں، بڑے اور سنئیر سٹیزینز کو مختلف کیٹیگریز میں تقسیم کیا گیا ہے۔چیئرمین سی ڈی اے اور چیف کمشنر اسلام آباد محمد علی رندھاوا نے تقریب میں بطور مہمانِ خصوصی شرکت کی۔
اپنے خطاب میں چیئرمین سی ڈی اے نے کہا کہ کھیل نہ صرف جسمانی صحت کیلئے ضروری ہیں بلکہ یہ معاشرتی ہم آہنگی اور کمیونٹی اسپرٹ کو بھی فروغ دیتے ہیں۔کھیل کسی بھی معاشرے کی زندگی کا لازمی حصہ ہیں۔ سی ڈی اے اسلام آباد میں صحت مند اور فعال طرزِ زندگی کے فروغ کیلئے کھیلوں اور تفریحی سہولیات کو مزید بہتر بنانے کے لیے پرعزم ہے، چیئرمین سی ڈی اے نے کہاکہ سی ڈی اے مختلف سیکٹروں میں کھیلوں کے انفراسٹرکچر کو وسعت دے رہا ہے تاکہ ٹینس کورٹس، واکنگ ٹریکس اور پارکس جیسی سہولیات ہر شہری کو دستیاب ہوں۔
چیئرمین نے سی ڈی اے کے اسپورٹس اینڈ کلچر وِنگ کی کاوشوں کو سراہا اور شہریوں پر زور دیا کہ وہ آئندہ بھی ایسی سرگرمیوں میں بھرپور حصہ لیں۔تقریب کے اختتام پر چیئرمین سی ڈی اے نے جیتنے والے کھلاڑیوں اور دیگر شرکا میں ٹرافیاں اور اسناد تقسیم کیں۔ خوشگوار ماحول اور عوامی جوش و خروش نے یہ ثابت کیا کہ اسلام آباد میں کھیلوں کی سرگرمیوں کا رجحان تیزی سے بڑھ رہا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرڈریپ ، کوالٹی کنٹرول ڈائریکٹوریٹ کا بڑا ایکشن ، جعلی کمپنیوں کی ادویات بھی جعلی نکلیں ، کمپنیوں کے نام اور ادویات کی تفصیلات و دستاویز سب نیوز پر ڈریپ ، کوالٹی کنٹرول ڈائریکٹوریٹ کا بڑا ایکشن ، جعلی کمپنیوں کی ادویات بھی جعلی نکلیں ، کمپنیوں کے نام اور ادویات کی تفصیلات... پاکستان نے فیلڈ مارشل سے متعلق بھارتی وزیر خارجہ کا بیان مسترد کردیا آسٹریلیا کا بھی فلسطین کو ریاست تسلیم کرنے کا اعلان چیئرمین سی ڈی اے کی زیر صدارت اہم اجلاس، پلاننگ ونگ کی کارکردگی کا جائزہ لیا گیا آئندہ انتخابات میں جماعت اسلامی ملک کی بڑی سیاسی جماعت بن کر ابھرے گی،ڈاکٹر طارق سلیم اسلام آباد ہائیکورٹ میں بانی پی ٹی آئی کے طبی معائنے کیلئے درخواست دائرCopyright © 2025, All Rights Reserved
رابطہ کریں ہمارے بارے ہماری ٹیم
34 سالہ جنوبی بھارتی اداکار جوائنڈس میں مبتلا ہونے کے بعد انتقال کرگئے