پنجاب کیلئے شہباز اسپیڈ اور کراچی کو شہباز سلو مل گیا، بلاول بھٹو کا وزیراعظم پر طنز
اشاعت کی تاریخ: 13th, August 2025 GMT
پنجاب کیلئے شہباز اسپیڈ اور کراچی کو شہباز سلو مل گیا، بلاول بھٹو کا وزیراعظم پر طنز WhatsAppFacebookTwitter 0 13 August, 2025 سب نیوز
کراچی (سب نیوز)چیئرمین پیپلز پارٹی بلاول بھٹو زرداری نے کہا ہے کہ کے فور منصوبے پر وزیر اعظم شہباز شریف سے امیدیں وابستہ کی تھیں، وزیراعظم صاحب پنچاب میں شہباز اسپیڈ بن جاتے ہیں لیکن کراچی میں شہباز سلو، ایسا تو نہیں سکتا ہے کہ آپ لاہو رکے لیے شہباز اسپیڈ اور کراچی کیلئے شہباز سلو بن جائیں۔
نیو حب کنال کی افتتاحی تقریب سے خطاب کرتے ہوئے چیئرمین پیپلز پارٹی بلاول بھٹو زرداری نے کہا ہے کہ کراچی کو 100 ملین گیلن (ایم جی ڈی)پانی دینے کے قابل ہو چکے ہیں، جس کا براہ راست فائدہ ڈسٹرک سنٹرل، ایسٹ اور کیماڑی کو پہنچے گا، منصوبے سے لیاری والوں کو بھی مستفید کرنے کے لیے پی سی ون تیار کر لیا ہے۔
انہوں نے وزیراعظم سے درخواست کرتے ہوئے کہا کہ اگر شہباز شریف حب کنال منصوبے میں 100 ایم جی ڈی پانی کے اضافے کی منظوری دلاتے ہیں تو اگلے سال تک ہم کراچی کو مزید 100 ایم جی ڈی پانی دینے کے منصوبے کو بھی مکمل کر نے کے قابل ہو جائیں گے، انہوں نے وزیراعظم شہباز شریف سے کے 4 منصوبے پر کیے گئے وعدوں کو جلد پورا کرنے کا مطالبہ بھی کیا۔
بلاول بھٹو زرداری نے مزید کہا کہ پانی کراچی والوں کا ایک دیرینہ مسئلہ رہا ہے جسے حل کرنا ضروری ہے، پرانی حب کنال کی تزئین و آرائش جاری ہے۔چیئرمین پاکستان پیپلز پارٹی کا کہنا تھا کہ سندھ اور بلدیاتی حکومت کے ایک ساتھ مل کر کام کرنے سے عوام کو فائدہ ہو رہا ہے، پبلک پرائیوٹ پارٹنر شپ کے تحت سمندر کے کھارے پانی کو میٹھا بنانے کا منصوبہ بنا رہے ہیں۔بلاول بھٹو زرداری کا کہنا تھا کہ کے ایم سی کا ادارہ اب نفرت کے بجائے شہر کی ترقی پر دھیان دے رہا ہے، نفرت پھیلانے والے سیاستدانوں کا طریقہ کار ایک ہی ہے، عام انتخابات میں ہم نے ان لوگوں کو شکست دی ہے، امید ہے آئندہ انتخابات میں بھی کام کرنے والوں کو ووٹ ملے گا نہ کہ نفرت کی سیاست پھیلانے والوں کو۔
انہوں نے کہا کہ پاکستان نے بھارت کو نہ صرف میدان جنگ بلکہ سفارتی سطح پر بھی شکست سے دو چار کیا ہے، بھارت اپنی شکست پر شرمندہ ہے، اب وہ مزید بزدلانہ حرکتوں پر دھیان دے رہے ہیں، وہ قوم پرستوں اور دہشت گردوں کے سہولت کار بنے ہوئے ہیں، بھارت بی ایل اے اور مجید بریگیڈ کو فنڈنگ کر رہا ہے تاکہ وہ دہشت گرد معصوموں کا خون بہا سکیں۔اس موقع پر وزیراعلی سندھ مراد علی شاہ نے خطاب کرتے ہوئے کہا کہ ہر سال حب ڈیم بھر جاتا ہے، ڈیم کی گنجائش کو بڑھانے کا کام کر رہے ہیں، امید ہے رواں برس دسمبر تک کام مکمل کرلیں گے، ڈیم کی گنجائش بڑھنے کے بعد ہم وفاقی حکومت سے کراچی والوں کے لیے اضافی 100 ایم جی ڈی پانی کی درخواست کریں گے۔
مراد علی شاہ نے بتایا کہ کراچی کو اس وقت 550 ملین گلین (ایم جی ڈی)پانی فراہم کیا جاتا ہے، 4 سے 5 ماہ بعد مزید 140 ایم جی ڈی پانی ہمیں مل جائے گا، سال 2026 کے آخر یا پھر 2027 کے پہلے کوارٹر میں مزید 260 ایم جی ڈی پانی فراہم کیا جائے گا، جس سے مجموعی طور پر کراچی والوں کو 950 ایم جی ڈی پانی ملے گا۔انہوں نے کہا کہ ہم کے فور کی اسپیڈ سے خوش نہیں، پروجیکٹ پر کام کرنے والی کمپنی کو جلد کام مکمل کرنے کا کہا ہے، ویسٹ واٹر ٹریٹمنٹ پر بھی کام کر رہے ہیں، 35 ایم جی ڈی پانی کا منصوبہ ستمبر تک مکمل ہو جائے گا
وزیراعلی سندھ نے سابق وزیراعظم عمران خان کانام لیے بغیر تنقید کرتے ہوئے کہا کہ ایک بار ایک وزیراعظم کراچی آئے تو انہوں نے شہر کے لیے 162 ارب روپے کے پیکج کا اعلان کیا، تاہم انہوں نے 162 روپے بھی نہیں دیئے، وہی وزیراعظم پھر کراچی آئے، اور پھر 1100 ارب روپے کے خصوصی پیکج کا اعلان کر دیا ، اس بار بھی انہوں نے 11 روپے بھی نہیں دیئے۔مراد علی شاہ نے مزید کہا کہ کراچی کے لیے پیپلز پارٹی نے وفاق سے پیسے لیے، ، پہلے وعدے ہوتے تھے اب کچھ نہ کچھ ڈلیوری ہو رہی ہے، ابھی بھی ہم خوش نہیں ہیں، ہم مزید کا حق رکھتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرافواہوں پر توجہ نہ دیں، حکومت اپنی مدت پوری کریگی، نائب وزیراعظم اسحاق ڈار افواہوں پر توجہ نہ دیں، حکومت اپنی مدت پوری کریگی، نائب وزیراعظم اسحاق ڈار پنجاب حکومت نے اسکولوں کی چھٹیوں سے متعلق فیصلہ تبدل کردیا فیلڈ مارشل عاصم منیر کو آذربائیجان کے اعلی ترین پیٹریاٹک وار میڈل سے نواز دیا گیا ٹیکس فراڈکیسز کی تحقیقات، ایف بی آر کو اضافی اختیارات مل گئے پاکستان اور امریکا کا داعش، ٹی ٹی پی اور بی ایل اے سے مل کر لڑنے کا فیصلہ جشنِ آزادی: چیئرمین سی ڈی اے کی کیپیٹل ہسپتال میں خصوصی تقریب میں شرکتCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: شہباز اسپیڈ بلاول بھٹو شہباز سلو کراچی کو
پڑھیں:
وزیراعظم کا اتحادی سینیٹرز کو عشائیہ، 27 ویں ترمیم کے عمل میں تعاون پر شکریہ
اسلام آ باد:(نیوزڈیسک)وزیراعظم شہباز شریف نے 27 ویں آئینی ترمیم کے حوالے سے تعاون پر اتحادی جماعتوں کا شکریہ ادا کیا اور ان کے اعزاز کے عشائیہ دیا۔
وزیراعظم کے دفتر سے جاری اعلامیے کے مطابق وزیراعظم شہباز شریف نے حکومتی اور اتحادی جماعتوں کے سینیٹرز کے اعزاز میں عشائیہ دیا جہاں حکومتی اور اتحادی جماعتوں کے سینیٹرز کا خیر مقدم کیا اور 27ویں آئینی ترمیم کی منظوری کے عمل میں ان کے تعاون کا شکریہ ادا کیا۔
وزیراعظم شہباز شریف نے کہا کہ صدر مملکت آصف علی زرداری اور تمام اتحادی جماعتوں کے سربراہوں کے مشکور ہیں، تمام اتحادی جماعتوں نے اس قومی سوچ کا بھرپور ساتھ دیا۔
انہوں نے کہا کہ وفاق کی مضبوطی، ملک کے وسیع مفاد، صوبوں کے درمیان ہم آہنگی بڑھانے اور گورننس کو بہتر کرنے کے لیے 27ویں آئینی ترمیم کے لیے ہم سب نے مل کر کوشش کی، اس حکومت کے دوران حاصل کیے گئے تمام سنگ میل حکومت اور اتحادی جماعتوں کے باہمی تعاون کا نتیجہ ہیں۔
وزیراعظم نے کہا کہ پاکستان کی سفارتی کامیابیاں اور دنیا میں نام تمام اتحادی جماعتوں کے مابین ہم آہنگی اور باہمی اتحاد کی عکاس ہے، ہم سب کی مشترکہ کوششوں کی بدولت پاکستان کو شان دار مقام حاصل ہوا ہے۔
انہوں نے کہا کہ ملکی معاشی صورت حال میں بتدریج بہتری ہو رہی ہے، اللہ کے فضل و کرم سے ملک میں سیاسی و معاشی استحکام کی بدولت ملک کی سمت درست ہوئی اور ملک کی ترقی و خوش حالی کے لیے سب کو مل کر کام کرنا ہے۔
میئر نیویارک ظہران ممدانی کی تقریر میں رمیز راجہ کا حوالہ، ویڈیو وائرل