اب غربت، جہالت، فتنہ وفساد کے خلاف جنگ ہوگی، مریم نواز
اشاعت کی تاریخ: 14th, August 2025 GMT
لاہور:
پنجاب کی وزیراعلیٰ مریم نواز نے بھارت کو معرکہ حق میں شکست دینے پر پاکستان کی مسلح افواج کو خراج تحسین پیش کیا اور کہا ہے کہ اب غربت اور جہالت کے خلاف جنگ لڑیں گے، ملک کو بہتر بنانے کی جنگ ہوگی، فتنہ وفساد کے خلاف جنگ ہوگی۔
وزیراعلیٰ پنجاب مریم نواز کا یاد گار معرکہ حق، میوزیم اور پارک پراجیکٹ کی نقاب کشائی کی تقریب سے خطاب کرتے ہوئے کہا کہ میں وعدہ کرتی ہوں کہ عوام کی زندگی میں بہتری لانے کے لیے کوئی کسر نہیں چھوڑوں گی، عہد کرتے ہیں کہ پاکستان کو غربت سے آزاد کرانے کے لیے بھرپور کردار ادا کریں گے-
مریم نواز نے کہا کہ اب غربت اور جہالت کے خلاف جنگ لڑیں گے، ملک کو بہتر بنانے کی جنگ ہوگی، فتنہ وفساد کے خلاف جنگ ہوگی۔
انہوں نے کہا کہ پاک فضائیہ نے رافیل مار گرائے تو کسی کو یقین نہیں آرہا تھا، سیاسی طور پر تقسیم ہو کر جنگ لڑتے تو کبھی جنگ نہ جیت پاتے، معرکہ حق سے دنیا جان گئی بنیان مرصوص کا مطلب کیا ہوتا ہے۔
ان کا کہنا تھا کہ لیپ ٹاپ اسکیم کے لیے کالجوں میں جا کر سمجھ آیا ”یہ وطن تمہارا ہے، تم ہو پاسبا ں اس کے، پوری قوم نے متحد اور یک جان ہو کر سیسہ پلائی دیوار کھڑی کردی، دشمن کے رافیل طیارے گرانے والوں کو قوم سلام پیش کرتی ہے۔
مریم نواز نے کہا کہ یوم آزادی کا یہ دن پاکستانی قوم کے نام ہے، پوری قوم سیسہ پلائی دیوار کی طرح افواج پاکستان کے شانہ بشانہ کھڑی ہے، یوم آزادی کا دن ان ماؤں کے نام جو ماتھا چوم کر بیٹوں کو میدان جنگ میں بھیجتی ہیں۔
انہوں نے کہا کہ جوان بیٹوں کو رخصت کرنے والی ماؤں کو قوم، نوازشریف اور میں سر جھکا کر سلام عقیدت پیش کرتے ہیں، اپنے سہاگ مادر وطن کے لیے پیش کرنے والی بیٹیوں کو سلام کرتے ہیں، دفاع وطن کے لیے یتیمی کا تاج سر پر سجانے والے شہدا کے بچوں کو سلام پیش کرتے ہیں۔
وزیراعلیٰ پنجاب نے کہا کہ یوم آزادی کا دن وطن کے ان جانباز بیٹوں کے نام جنہوں نے خون دے کر وطن کی حفاظت کی، یوم آزادی کو سرحدوں پر دلیری سے لڑنے والے غازیو ں کے نام کرتے ہیں، ہر سال یوم آزادی مناتے ہیں مگر معرکہ حق کی وجہ سے اس سال مزہ ہی اور ہے۔
ان کا کہنا تھا کہ آج کا دن دشمن کے حملوں کا منہ توڑ جواب دینے والے جانبازوں کے نا م ہے، آج کا دن افواج پاکستان کی لیڈر شپ، افسروں اور جوانوں کے نام، یہ دن ملک کو ایٹمی طاقت بنا کر دفاع کو نا قابل تسخیر بنانے والے نوازشریف کے نام ہے۔
وزیراعلیٰ نے کہا کہ سب سے درخواست کرتی ہوں کہ آج وطن کو عظیم سے عظیم تر بنانے کا عزم کر کے اٹھیں، مزدور، کسانوں، اساتذہ، طلبہ اور سیاست دانوں کو کہنا چاہتی ہو ں کہ سیاسی مخالفت ایک طرف، ہمیشہ وطن کو مقدم رکھیں۔
انہوں نے کہا کہ ملک و قوم کی خدمت کا اعزاز ہر کسی کے نصیب میں نہیں ہوتا، بڑا عہدہ مل جائے نیت اچھی نہ ہو تو رسوائی ہوتی ہے، 2018 سے شروع ہونے والے تنزلی کا سفر ختم ہوا، یہ مٹی بہت زرخیز ہے، تھوڑا سا پانی اور تھوڑی سی محنت مانگتی ہے۔
مریم نواز نے کہا کہ پاکستان نے اپنے سے 4گنا بڑی طاقت کو جذبے کے ساتھ شکست دی، دعا ہے کہ پاکستان تا ابد آباد رہے، ہم اپنی زندگی میں رفعتوں کو چھوتا دیکھیں۔
.
ذریعہ
ذریعہ: Express News
کلیدی لفظ: مریم نواز نے کے خلاف جنگ یوم آزادی نے کہا کہ جنگ ہوگی معرکہ حق کرتے ہیں کے نام کے لیے
پڑھیں:
بی جے پی کو پیپر لیک سے نہیں بلکہ اس ایشو پر بات کرنے سے مسئلہ ہے، اروند کیجریوال
ایکس پر سنجے سنگھ کی پوسٹ کا اشتراک کرتے ہوئے اروند کیجریوال نے بی جے پی کو نشانہ بنایا اور الزام لگایا کہ وہ (مودی حکومت) پیپر لیک جیسے مسائل کو حل کرنے میں کم کارروائی کرتے ہیں لیکن اس پر بحث کو روکنے کیلئے سرگرم عمل ہے۔ اسلام ٹائمز۔ سوشل میڈیا پر ایک ویڈیو تیزی سے وائرل ہو رہا ہے۔ اترپردیش کے پریاگ راج کے ایک کانفرنس ہال میں عام آدمی پارٹی کے راجیہ سبھا رکن سنجے سنگھ طلبہ کے ساتھ حالیہ پیپر لیک معاملے پر تبادلہ خیال کررہے ہیں۔ اچانک وہاں یوپی پولیس اور سرکاری افسران آجاتے ہیں اور انھیں اس ایشو پر بات کرنے سے منع کرتے ہیں۔ سنجے سنگھ اور سرکاری افسران میں گرما گرم بحث ہوتی ہے۔ اس معاملے پر اب عام آدمی پارٹی کے قومی کنوینر اروند کیجریوال کا رد عمل سامنے آیا ہے۔ عام آدمی پارٹی کے قومی کنوینر اروند کیجریوال نے بی جے پی حکومت پر تنقید کی ہے۔ ایکس پر سنجے سنگھ کی پوسٹ کا اشتراک کرتے ہوئے اروند کیجریوال نے بی جے پی کو نشانہ بنایا، اور الزام لگایا کہ وہ (مودی حکومت) پیپر لیک جیسے مسائل کو حل کرنے میں کم کارروائی کرتے ہیں لیکن اس پر بحث کو روکنے کے لئے سرگرم عمل ہے۔
اروند کیجریوال نے کہا کہ بی جے پی کو پیپر لیک سے کوئی مسئلہ نہیں ہے۔ مسئلہ پیپر لیک پر ہونے والی بحث سے ہے۔ یہ پیر کے روز سنجے سنگھ کے الزام کے بعد سامنے آیا ہے کہ یوپی پولیس اور سرکاری اہلکاروں نے پریاگ راج میں پیپر لیک ہونے پر طلباء کے ساتھ ان کی بات چیت کو روکنے کی کوشش کی۔ سنجے سنگھ نے کہا کہ آمریت اپنے عروج پر پہنچ گئی ہے۔ ایکس پر ویڈیو شیئر کرتے ہوئے سنجے سنگھ نے کہا کہ پریاگ راج، یوپی میں آمریت عروج پر پہنچ گئی ہے، بند کمروں میں بھی، لاکھوں طلباء کے مستقبل پر بات کرنے کی اجازت نہیں دی گئی، انتظامیہ پیپر لیک ہونے کی بات کو بھی روکنے کے لئے پہنچ گئی ہے۔ مودی-یوگی کی ڈبل انجن والی حکومت مکمل طور پر ناکام ہو چکی ہے اور اپوزیشن کو کچلنا چاہتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ